1 TOMU-TOMUNDO' 8:32 - KITAB NU TUMPU ALLA LELE MA'IMAI'

³² o Tumpu, tionyo ahi' Belento mompotombihing mae kiita' i Suluga' ka' momputusi palakala nu to posa-posaihon nu Belento aiya. O hukum na anu ko sala'nyo tiba anu binaunyomo ka' opobebas na anu madi' ko sala'nyo.

1 TOMU-TOMUNDO' 8:32 ပူးပေါင်းရင်းမြစ်များ

2 SAMUEL 22:21

Tumpu nombalosimo mae palabuatanku anu totu'u Ia nombalakatimo mae aku kalana aku madi' kokasala'an.

1 TOMU-TOMUNDO' 2:32

Tumpu mohukummo ia, kalana ia nompateimo madi' pinai poto'inyo hi tuumangku. I Abner suludadu nu Israel anu matangkas na pangkatnyo, ka' i Amasa suludadu nu Yehuda anu matangkas na pangkatnyo, ua-ua'aha madi' ko sala'nyo. Aha na lebe ma'ima' molingkudui i Yoab, panyo pinateannyomo na aha.

1 TOMU-TOMUNDO' 2:33

Hukuman kalana ua'aha na suludadu anu matangkas na pangkatnyo pinateanmo i Yoab na montanggung ka' lee'nyo sampe toka sidu-sidutu'. Panyo' lee' nu tuumangku iwi-iwi' anu bau tomundo' saja' nu abalakati nu Tumpu – aha saja' mohumpak dale'.”

ESTER 9:25

Panyo i Ester na nangadapmo hi tomundo, ka' pinalentahkonmo i tomundo, palentahnyo aijo' tinulis anu nonsaduakonmo tanga'an ma'idek anu binau i Haman nosi konamo posi butongnyo, sahingga ia ka' to ana-anaknyo pinokalayo'mo i ohi' anu binau da pompokalayo'an.

MAZMUR 18:25

Sahingga Tumpu nombalosimo kalakuanku anu saja' totu'u na ku bau, kalana Ia monsumbu' aku madi' ko kasala'an.

MAZMUR 7:9

Belentomo na momputusi manusia; bee'i mae na aku ka'adilan, o Tumpu kalana aku madi' ko kasala'an.

NOSABATMO 23:7

Boli mompokona kasala'an anu madi' totu'u ka' boli monsaduakon mian anu madi' ko sala'nyo mohumpakmo hukuman opatei, kalana Aku madi' mompototu'u mian anu mombau ka'idekan sumo aijo'.

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

AMSAL 1:31

Kalana aijo', belemiu montalimaje balosnyo apa-apaa na anu binaumo nu belemiu ka' sinin na tanga'an nu belemiu anu ma'idek.

AMSAL 17:15

Tumpu mongka'ideki mian anu mompototu'u mian anu palaganta; ka' mompisala'i mian anu madi' kosala'nyo.

YESAYA 45:25

Panyo lee' mae i Yakub saidi' mae oposalamatmo, ka' aha mompuji'mo mae Aku, Tumpu.

YEHEZKIEL 18:13

Ia momposaboli mian panyo mongala bunganyo Pa' mian anu sumo aijo' opotumuu'? Tantu madi'! Kalana ia nombaumo iwi-iwi' na palabuatan anu ma'idek ka' anu okahegati aijo' jadi ia tionyo silaka! Ia silaka kalana posi palabuatannyo ahi'.

YEHEZKIEL 18:20

Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

YEHEZKIEL 18:30

Tumpu Anu Matangkas na Kuasanyo notataemo, “O, to mia-mian nu Israel, Aku mombee'imo kaputusan hi toto samian sitimbang tiba palabuatannyo. Bolimo daagi' mombau iwi-iwi na dosa' nu beleyum. Boli opojohok na dosa' nu beleyum mohansunimo butong nu beleyum.

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

NOMBILANGMO 5:27

De boune aijo' nasala'mo, ueemo aijo' na nonsabapi ia masakitmo hondo; Kompongnyo sombakmo ka' jalempakannyo mingkihu-kihutmo. Sanggonyo timbalimo kutuk aijo' hi aha bansanyo kalana sinumpa'mo.

ROMA 2:13

Kalana mian po'ule'mo ma'ima' tiba Tumpu, misa' kalana mian aijo' nonsumbu'mo atulan nu agama Yahudi, panyo kalana ia nombaumo apaa na anu tuli-tulis i uno nu atulan aijo'.

ROMA 7:9

Aku u'utu mae tinumuu' misa' pilenje kino atulanmo nu agama. Panyo salatan atulan nu agama tinokamo, dosa' nontampu'unimo kinantoaan,

PO'ULE' INGULIT 25:1

Bisuannyo ua'aha na mian nu Israel mamba hi mian kopian mahangkalak i palakala na aha, lantas samian pinoto'imo madi' ko sala'nyo, ka' sangga'at na ko sala'nyo.

1 SAMUEL 2:25

De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.