1 TOMU-TOMUNDO' 8:25 - KITAB NU TUMPU ALLA LELE MA'IMAI'

^25-26 Belento mule' nojanji'mo hi tuumangku tukoonto de lee'nyo mae totu-totu'u tulu-tulutan hi Belento susumo Ia, jadi daagi' saja' ko samian lee'nyo mae anu timbali tomundo' hi aha Israel. Uuka aiya o Tumpu Allah Israel, ganapimo mae iwi-iwi' na anu jinanji'mo nu Belento hi tuumangku i Daud, posaihon nu Belento aijo'.

1 TOMU-TOMUNDO' 8:25 ပူးပေါင်းရင်းမြစ်များ

1 TOMU-TOMUNDO' 2:4

De beleyum tulu-tulutan hi Tumpu, nu ganapi na janji'-Nyo aijo'mo lee'ku na mompalentah Israel, asan aha totu-totu'u na kinyonyoanyo saja' montuluti palentah-Nyo iwi-iwi'.

1 TOMU-TOMUNDO' 3:3

I Salomo mongkalibosi Tumpu ka' mombatuki iwi-iwi' na pokinde' nu tuumanyo panyo' ia daagi' mongkolot ka' monsombahkon binatang iyaya mae na tampat.

1 TOMU-TOMUNDO' 8:24

Belento nongganapimo janji' nu Belento hi tuumangku i Daud. Apaa na anu jinanji'mo nu Belento aijo' binaumo nu Belento sinaa aiya.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

MAZMUR 119:9

To oli-olitau timbali monjaga kantumuu'annyo da madi' ko kasala'an de ia tumuu' montuluti palentah nu Belento.

MAZMUR 132:12

De to ana-anak nu beleyum tulu-tulutan hi apaa na anu jinanji'-Kumo, ka' montuluti iwi-iwi' na palentah-ngKu, sahingga sampe toka sidu-sidutu' na lee' nu aha mombolosakon beleyum salaku tomundo'.”