1 TOMU-TOMUNDO' 8:22 - KITAB NU TUMPU ALLA LELE MA'IMAI'

²² Lapas aijo' i ahop nu mian da'isan anu tinokamo, i Salomo tinuminjomo nongahopi mezbah lantas nohangkatmo ua-uambiha' na limanyo,

1 TOMU-TOMUNDO' 8:22 ပူးပေါင်းရင်းမြစ်များ

1 TOMU-TOMUNDO' 8:54

Sumo aijo' na i Salomo binalado'a, ia tinolodadupu i ahop nu mezbah ka' limanyo pinotalanyo nokiita'.

2 TOMU-TOMUNDO' 11:14

Tinoanyo na tomundo' anu sala'je i hangkat aijo' tinjo-tinjo i sabatan nu Laigan nu Tumpu i tampat pinohangkatan ia salaku tomundo', tinikubanmo nu to sulu-suludadu anu toto tangka-tangkas na pangkatnyo ka' anu mompuhi tolompet. Iwi-iwi' na mianda'isan nontaligalaimo kalana binilahimo ka' mule' pinuuhanmo nu aha na tolompet. I Atalya binata-batamo ka' binea-beaknyomo na pakeannyo ka' nolobo'mo “Uesan-Uesan!”

EZRA 9:5

Salatan malom-malom koloban sinombahkonmo, aku tinuminjomo aijo' i kinasuhanganku anu lewa' kinasusa'anku ka' tiba baju' anu nobea-beakmo, aku tinolodadupumo ka' nompotalamo lima nokii ta' hi Tumpu Allah-ngku.

AYUB 11:13

O Ayub, pobelesimo na kinyonyoa nu beleyum, ka' pompele-pele'mo! Balado'amo hi Tumpu Allah!

MAZMUR 28:2

Potombihingakon mae na anu ku kakase aiya de aku moloboo'mo momoita tulung ka' mohangkatmo limangku sasu mokiijo' i Laigan nu Belento anu susi'.

MAZMUR 63:4

Kalibosan nu Belento lebe ko angga'nyo molingkudui kantumuu'an, kalana aijo' aku mompuji'mo Belento.

NOSABATMO 33:10

Salatan mian nu Israel montoamo kundom i sabatan nu Kemah nu Tumpu, aha iwi-iwi' tolodadupumo toto samian i sabatan nu kemah toto samian.

NOSABATMO 9:29

Notataemo na i Musa hi Tomundo, “Malia-lia'je ku do'akon de aku tokamo i sambiha'nyo nu kota, ku tangkakonje na limangku mokiita' hi Tumpu. Gohung madi'mo lumontup ka' ujan eis madi'mo tudun, da nusumbu' nu belento Tuanku taalu', dunia aiya anu nu Tumpu.

NOSABATMO 9:33

Lantas i Musa nompala'imo i tomundo ka' nambamo nosabat i kota; ikiijo' mae ia nontangkakonmo limanyo ka' binalado'amo hi Tumpu, sahingga tempo'nyo aitu madi'mo kino gohung, ujan eis ka' ujan.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.