1 TOMU-TOMUNDO' 8:12 - KITAB NU TUMPU ALLA LELE MA'IMAI'

¹² Sahingga binalado'amo na i Salomo, ia notatae, “Belento na nompokona jingka i langit, o Tumpu, Panyo Belento lebe mongka'ima'i jojoong i kundom anu pintung.

1 TOMU-TOMUNDO' 8:12 ပူးပေါင်းရင်းမြစ်များ

2 SAMUEL 22:10

Langit biniha'-Nyomo lantas nintatau'mo na Ia, i kundom anu butolu hondo akaong i aluk nu tengke-Nyo.

1 TOMU-TOMUNDO' 8:11

Kundom aijo' jinongkilabanmo kalana Tumpu anu daka' na kuasanyo tinokamo sahingga imam haha aijo' madi'mo noko ala po'ule' ninsoop mombau pakalaja'an nu aha.

NEHEMIA 8:5

Mimban anu kinatinjoan i Ezra aijo' lebe matangkas nu liu-liu na mian haha aijo', sahingga aha timbali montoa-toa ia. Salatan ia nombuka'mo kitab aijo', nodongan aha lia-lia' suele singkap mo tinuminjo.

MAZMUR 97:2

Ia tinikubanmo nu kundom ka' kapintungan; ka'adilan ka' atulan aijo'mo na bau katinjoan nu kapalentahan-Nyo.

NOSABATMO 20:21

Panyo mian haha aijo' tataap satinjonyo aijo' mae jo'o-jo'on ka' ola i Musa na nongohanimo kundom anu pini-pinikatmo i tampat anu kinatokanmo nu Tumpu Allah.

YESAYA 45:15

Tumpu nonomposalamatmo Israel aijo'mo na Tumpu nonomposulukmo butong-Nyo.

IMAMAT 16:2

Ia notatae, “Sisikakon hi utus nu beleyum i Harun, saba' ola ahi' tempo' anu tinantukanmo na ia timbali minsoop i Salipi' anu Susi' hondo anu nu oloti nu lalanse', kalana ikiijo' na Aku nanintoa i uno nu kundom i kolop nu Peti' Palajanjian. De i Harun molanggai palentah aijo' ia matemo.

PO'ULE' INGULIT 4:11

Sisikakon hi to ana-anak nu belemiu mosia na belemiu toka tuminjo i tengke nu bungkutnyo anu pinintungmo kalana sinaputmo nu tibuk sumomo kundom anu tinumatampokmo ka' apunyo noakmo tinokatokamo i langit.

PO'ULE' INGULIT 5:22

Aijo'mo na palentah-Nyo iwi-iwi' anu binee'mo nu Tumpu hi belemiu tempo'nyo belemiu sinihukmo i bungkutnyo. Tempo'nyo Ia notatae daka-daka' hondo aijo' mae i uno nu apu ka' i kundom anu butolu hondo, Ia nombee'i palentah haha aijo' ka' misa' anu sangga'at. Lantas tinulisnyo i ohua' na batu pinontulisan ka' binee'mo mae hi belengku.”

IBRANI 12:18

To utu-utus madi' tinoka nangadap hi apa-apaa susumo anu pinangadapanmo nu bansa Israel naipuan mae. Aha nangadapmo hi apa-apaa anu timbali okanyang, aijo'mo Bungkutnyo nu Sinai tiba apunyo anu saja' moak, aha nangadapmo i kapintungan, hondomi' ka' antong;