1 TOMU-TOMUNDO' 8:11 - KITAB NU TUMPU ALLA LELE MA'IMAI'

¹¹ Kundom aijo' jinongkilabanmo kalana Tumpu anu daka' na kuasanyo tinokamo sahingga imam haha aijo' madi'mo noko ala po'ule' ninsoop mombau pakalaja'an nu aha.

1 TOMU-TOMUNDO' 8:11 ပူးပေါင်းရင်းမြစ်များ

1 TOMU-TOMUNDO' 8:10

Tempo'nyo to ima-imam nosabatmo lengkat i Laigan nu Tumpu aijo', monti-montiik laigan aijo' sinaputmo nu kundom.

1 TOMU-TOMUNDO' 8:12

Sahingga binalado'amo na i Salomo, ia notatae, “Belento na nompokona jingka i langit, o Tumpu, Panyo Belento lebe mongka'ima'i jojoong i kundom anu pintung.

MAZMUR 90:16

Potoamo mae hi kami to posa-posaihon nu Belento na anu binaumo nu Belento ka' kakuasa'an nu Belento anu talasanggo hondo hi to lelee' mami.

NOSABATMO 29:43

Ikiijo' Aku singkabotmo tiba bansa Israel, ka' jingkang-Ku kalana Aku tokamo mae mompojadimo tampat aijo' susi'mo.

NOSABATMO 40:34

Lapas aijo' nintatau'mo mae na kundom nonsaputmo Kemah nu Tumpu ka' Kemah aijo' najingkamo hondo, tandanyo Tumpu tinokamo.

NOSABATMO 40:35

Mokonyo aijo' i Musa madi'mo noko ala ninsoop i Kemah aijo'.

YESAYA 6:1

Kinakona itaun kikinasilakaanmo i Tomundo' Uzia aku nontoamo Tumpu. Ia suha-suhang ikadela-Nyo tangka-tangkas ka' anu oholomati. Juba'-Nyo monsalingkukubi songko-songko na Laigan nu Tumpu.

YEHEZKIEL 10:4

Jingka anu majingka hondo salaku tanda Tumpu tinokamo najingka lengkat mae aijo' i malaekat haha aijo' ka' nolalinmo i sabatan pinsoopan mokiijo' i Laigan nu Tumpu sahingga popasannyo najingkamo hondo.

YEHEZKIEL 43:2

ka' ikiijo mae tinoangkumo na jingka anu jongkilaban hondo lengkat mae isasu kabete'an anu salaku tanda saba' Tumpu Israel tokamo mae. Potatae nu Tumpu ihongo sumomo ahi' buhok nu ndalangon, ka' mule' dunia najingkamo kalana jingka nu katokaanmo nu Tumpu.

YEHEZKIEL 44:4

Lapas mule' mo'ane aijo' nomboamo aku i sabatan daka' sasu utara anu mompaha ahop tiba Laigan nu Tumpu. Aku nompalahatikanmo ka' tinoangkumo na Laigan nu Tumpu aijo' jiningkanmo nu jingka anu jongkilaban salaku tandanyo tinokamo na Tumpu. Lantas aku tinolodadupumo ka' nonsombahmo,

IMAMAT 9:23

Lapas aijo' i Musa ka' i Harun ninsoopmo i Kemah nu Tumpu. Lapas mae aha mosabatmo ka' mombalakatimo mian. Lantas iwi-iwi' na aha mian Israel montoamo jingka kalana tokamo na Tumpu.

IMAMAT 9:6

Lantas i Musa notataemo, “Tumpu nompokaumo belemiu mombau aiya de belemiu moko ala montoa jingka de tokamo na Tumpu.”

HAGAI 2:7

Iwi-iwi' na bansang Ku pokalangkabutmo ka' mule' halata' nu aha nu boamo mae nu aha sahingga Laigan-Ku mobuke'mo nu kakaya'an nu aha.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

SISIKON NU TO RASUL-RASUL 7:55

Panyo i Stefanus anu kinuasanmo nu Roh nu Tumpu, nonsinda langit. Ia nontoamo kadaka'an nu Tumpu ka' i Yesus tinuminjomo i tampat kakuasa'an sasu koanan nu Tumpu.

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

ANU PINOTO'I HI YOHANES 21:11

tiba kahandan ka' katalasanggoan nu Tumpu. Kota aijo' jongkilaban sumo batu mainan, sumo batu anu moho-moho' sumo intan anu talalo jongkilaban.

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.