1 TOMU-TOMUNDO' 7:8 - KITAB NU TUMPU ALLA LELE MA'IMAI'

⁸ Kajojoongan i Salomo binau susumo laigan toto daka-daka' sangga'at pinotinjo i natan sangga'at i hiku nu Laigan anu Pomputusian palakala. Laigan kajojoongan nu bengkele'nyo, anak boune nu tomundo' Mesir, suele binauan i Salomo laigan daka' pokakana sumo laigan kajojoongan i Salomo.

1 TOMU-TOMUNDO' 7:8 ပူးပေါင်းရင်းမြစ်များ

1 TOMU-TOMUNDO' 3:1

I tomundo' nosangaja'mo tiba Mesir kalana ia nongka'ima'imo langkoyang nu tomundo' Mesir. Langkoyang aijo' binoamo i Salomo i kota Daud da jojoongmo kiijo' mae sampe timbalimo na laigan nu Tomundo' ka' laigan nu Tumpu tiba benteng titikup Yerusalem opoko baumo.

1 TOMU-TOMUNDO' 7:9

Iwi-iwi' na laigan aijo', tiba natannyo ko daka'nyo lengkat pe'e i mesennyo toka-toka i atopnyo, te batu anu toto ima-ima' na binau. Batu haha aijo' pinotoukamo i tampat pinengkekean batu, ka' kinolo-kolongmo susumo sukatannyo; sasu unonnyo ka' sambiha'nyo pinolata nu galagaji.

1 TOMU-TOMUNDO' 9:16

Kota Gezer aijo'mo na kota anu naipuan tinumbuhan ka' pinatundu'mo nu tomundo' Mesir, lantas miannyo anu jojoong i kiijo' pinaha patean ka' kota'nyo pinapuanmo. Kota aijo' imihinyo mae binee'mo nu tomundo' Mesir hi anaknyo boune salaku palasennyo tempo'nyo ia inika'mo tiba i Salomo.

1 TOMU-TOMUNDO' 9:24

Tano' anu i sasu selatan Laigan nu Tumpu tinambunan i Salomo, salatan bengkele'nyo, anak nu tomundo' Mesir, nolalilinmo mae i Kota Daud nambamo i laigan nu tomundo' anu binau i Salomo da pompojoongan ia.

2 TOMU-TOMUNDO' 20:4

I Hizkia pinala'ianmo i Yesaya, panyo ma'isa pe'e ia nosabat nompala'i popasan laigan nu tomundo' anu aijo' i totonga'nyo, sinaimo nu Tumpu na ia

2 TAWARIKH 8:11

I Salomo nolalinmo bengkele'nyo, anak nu tomundo Mesir lengkat i Kota' Daud binoamo i laigan anu binaumo da bau pompojoongan ia. Kalana tinutugan i Salomo, “Bengkele'ku madi' timbali jojoong i laigan nu tomundo anu kikinajojoongan i Daud tomundo nu Israel, kalana iwi-iwi' na tampat anu toho'mo pinompo'una'an Peti' Palajanjian aijo' susi'.”