1 TOMU-TOMUNDO' 7:36 - KITAB NU TUMPU ALLA LELE MA'IMAI'

³⁶ Ohi'nyo anu bau pontahani ka' dopi'nyo haha aijo' binunga-bungaan anu susumo malaekat, singa kau' palem na pinaha gamban iya na anu ma'isa ko gambannyo aijo' pinaha pokonan gambalan nu bunga-bunga mompaha kai-kait titikup.

1 TOMU-TOMUNDO' 7:36 ပူးပေါင်းရင်းမြစ်များ

1 TOMU-TOMUNDO' 6:29

Songko-songko na pimpi' sasu unonyo i Laigan nu Tumpu binunga-bungaan nu anu binotik mintali-tali' to mala-malaekat, ka' mule' anu sumo to kau-kau' palem ka' mule' sumo bunga-bunga anu timbokamo.

1 TOMU-TOMUNDO' 6:32

Poti-potimbiha' na tumban aijo' binoti-botikan anu mintali-tali' malaekat, ka' mule' sumo kau' palem ka' bunga-bunga anu timbokamo. Tumbannyo, patong nu malaekat, ka' boti-botinyo susumo kau' palem iwi-iwi' i lapisan nu mosoni'.

1 TOMU-TOMUNDO' 6:35

Tumban haha aijo' binunga-bungaan nu anu binoti-botikan susumo malaikat, kau' palem ka' bunga-bunga anu timbokamo. Iwi-iwi' na' anu binoti-botikan i lapisan nu mosoni'.

1 TOMU-TOMUNDO' 7:29

Dopi' haha aijo' binunga-bungaan susumo singa na binotik, susumo sapi' ka' susumo malaekat. I Bingkainyo haha aijo' – sasu aita' ka' i aluknyo nu to gamba-gambalan singa ka' sapi' haha aijo' pinokalayo'an bunga-bunga anu binotik ka' pinaha poka-pokait.

1 TOMU-TOMUNDO' 7:35

Duhu duhuknyo sasu aita' i kareta aijo' pinokonan dopi' ko bolanyo 22 senti meten. Ohi'nyo bau pontahani dopi'nyo haha aijo' iwi-iwi' timbalimo osanggohi sa'angu' na bahagian tiba karetanyo.

1 TOMU-TOMUNDO' 7:37

Sumo aijo' na nombau kareta haha aijo'. Iwi-iwi' pokakana na nombau.

YEHEZKIEL 10:14

Toto samian na malaekat haha aijo' ko ohupnyo anu madi' pokakana. Momona ohupnyo ohup nu sapi', ko ohua'nyo ohup nu manusia, ko totolu'nyo ohup nu singa, ko opatnyo ohup nu bonyia'.

YEHEZKIEL 40:31

Panyo dasanyo daka-daka' mongahopi popasan sasu sambiha'nyo. Mesen haha aijo' anu i bahagian unonyo mongahopi jalan ise-ise', suele ahi' binunga-bungan nu ukilan-ukilan kau' palem. Ualu' na langku-langku' nu ojan aijo' anu bau kajalanan mokiijo' i sabatan daka' aijo'.

YEHEZKIEL 40:37

Dasanyo anu isasu ahopnyo suele ahi' mongahopi popasan sasu sambiha'nyo. Mesen haha aijo' anu bahagian unonyo anu mongahopi jalan ise-ise' binunga-bungan nu ukilan-ukilan kau' palem. Ualu' na langku-langku' nu ojan anu bau kalambanan mokiijo' isabatan daka' ai-aijo'.