1 TOMU-TOMUNDO' 7:23 - KITAB NU TUMPU ALLA LELE MA'IMAI'

²³ Lapas aijo' i Huram nombaumo sa'angu' na gumbang tambaga anu timpodon, sukatannyo sumo uuka: unonyo 2,2 meten, ko bola nu totonga'nyo 4,4 meten ka' titikupnyo 13,2 meten.

1 TOMU-TOMUNDO' 7:23 ပူးပေါင်းရင်းမြစ်များ

2 TOMU-TOMUNDO' 16:15

Lapas aijo' pinoto'inyomo hi Uzia, “Mezbahngkumo anu daka-daka' aiya na opake pontunuan koloban daagi' subu ka' koloban de malommo, anu nu sombahkonmo nu tomundo' ka' mule' mian da'isan, ka' dudu'akon i kiijo' na anggur anu nu okolobanakon nu mian da'isan. Ka' odudu'akon suele i mezbah aijo' na baso' iwi-iwi' nu binatang anu osombahkon. Ka' mezbah tambaga anu pini-pininmo aijo' akumo na mompake bau pontunde'anku hi to tomi-tominuat.”

2 TOMU-TOMUNDO' 16:17

Lapas aijo' pinahabongkanmo i Ahas na kareta tambaga haha aijo' anu opake i Laigan nu Tumpu, ka' pinaha alanyomo na gumbang anu aijo' i kareta haha aijo'. Gumbang tambaga daka-daka' anu aita' i tundun nu sapi' sampu-sampulu' ka' ohua' aijo' ingalanyomo suele ka' pinaha pokokonyomo, i latasannyo nu batu.

2 TOMU-TOMUNDO' 25:13

Ohi' tambaga ka' kareta anu kiijo' i Laigan nu Tumpu, ka' mangko' tambaga, pinoso-poso'mo nu aha mian Babel, lantas iwi-iwi' na tambaga binoanyomo i lipu' nu aha.

1 TAWARIKH 18:8

Ka' mule' i Daud nongalamo manjoo' hondo na tambaga' lengkat mae i Tibhat ka' i Kun, to kota-kota' anu naipuan mae kinuasanmo i Hadadezer. (I mihinyo mae tambaga haha aijo' pinoki tutukmo i Salomo binau kuhon, ka' ohi' ka' pakakas anu opake de monsombahmo Tumpu i Laigan nu Tumpu).

2 TAWARIKH 4:2

Ia mule' noki baumo sa'angu' na kuhon tambaga timpodon, sukatan nu kodaka'nyo sumo uuka: ko lengnyo 2,2 na meten, ko bolanyo nu nganga'nyo 4,4 na meten, ka' sukatannyo titikub 13,2 na meten.

NOSABATMO 30:17

Tumpu notatae hi Musa,

NOSABATMO 38:8

I Bezaleel nombaumo pongisian uee, tambaga na obau tiba paningkokoannyo suele tambaga. Tambaga aijo' to mangki-mangkitan anu nu to bou-boune anu mokalaja i sabatan nu Kemah nu Tumpu.

YEREMIA 27:19

Kalana Aku, Tumpu Anu Mahakuasa, Tumpu Allah Israel nontantukanmo balang haha aijo' iwi-iwi' o atomo oboa i Babel, ka' tataapmo kiijo' mae sampeje poule'mo Ku kanonongi na aha. Toka itempo'nyo aijo' po ule'je Ku sule'akon mae na aha itampat aiya. Aku, Tumpu notataemo.” To bala-balang anu daagi' i Laigan nu Tumpu aijo' atina'mo: sinin na ohi' nu kemah, kuhon tambaga, kareta-kareta, ka' mule' to pia-piangkuka na balang sangga'at anu pino una' i Laigan nu Tumpu. Balang haha aijo' madi' binoa i Babel, tempo'nyo i Yoyakhin anak momo'ane i Yoyakim tomundo' nu Yehuda ka' mule' to tu'a-tu'anyo nu kampung i daerah Yehuda tiba Yerusalem binoamo itomundo' Nebukadnezar namba i Babel.

YEREMIA 52:17

Iwi-iwi' na ohi' tambaga' tiba kareta-kareta i Laigan nu Tumpu ka' mule' kuhon daka-daka' tambaga' biniha'mo nu mian Babel, lantas iwi-iwi' na tambaga anu daagi' ikiijo' binoamo nu aha ilipu' nu aha.

YEREMIA 52:20

Balang-balang tambaga anu pinoki bau i Tomundo' Salomo da opake iLaigan nu Tumpu, aijo'mo ohua' na ohii', kareta-kareta, kuhon tambaga, tiba sampulu' ka' ohua' na sapi' anu monsu'un kuhon tambaga ai-aijo', iwi-iwi' talalo ahi' maboat, sahingga madi'mo daagi' pinoko ala tinimbang.