1 TOMU-TOMUNDO' 7:15 - KITAB NU TUMPU ALLA LELE MA'IMAI'

¹⁵ I Huram nombaumo ohua' na ohi' tambaga na binau ka', toto sa'angu' ko tangkasnyo 8 meten, ko daka'nyo 5,3 meten, ka' ko butolunyo nu tambaga' aijo' 7,4 senti meten. Ohi' haha aijo' lulu na unonyo.

1 TOMU-TOMUNDO' 7:15 ပူးပေါင်းရင်းမြစ်များ

1 TOMU-TOMUNDO' 7:16

Ohi' haha aijo' pinaha bauan ubaknyo sasu aita'i puusnyo tambaga' na binau toto sa'angu' ko tangkasnyo 2,2 meten

1 TOMU-TOMUNDO' 7:21

aijo'mo na ubaknyo nu ohi' haha aijo' anu susumo bunga bakung anu pinaha pokona i ohi' haha aijo'. Ohi' haha aijo' pinotinjo i ahop nu sabatan pinsoopan mokiijo' i Laigan nu Tumpu – sa'angu' i sasu selatan osanggohi, Yakhin, ka' anu i sasu utara osangohi' Boas. Sumo aijo' na i Huram nombau ahi'nyo haha aiji.

2 TOMU-TOMUNDO' 25:13

Ohi' tambaga ka' kareta anu kiijo' i Laigan nu Tumpu, ka' mangko' tambaga, pinoso-poso'mo nu aha mian Babel, lantas iwi-iwi' na tambaga binoanyomo i lipu' nu aha.

1 TAWARIKH 18:8

Ka' mule' i Daud nongalamo manjoo' hondo na tambaga' lengkat mae i Tibhat ka' i Kun, to kota-kota' anu naipuan mae kinuasanmo i Hadadezer. (I mihinyo mae tambaga haha aijo' pinoki tutukmo i Salomo binau kuhon, ka' ohi' ka' pakakas anu opake de monsombahmo Tumpu i Laigan nu Tumpu).

YEREMIA 27:19

Kalana Aku, Tumpu Anu Mahakuasa, Tumpu Allah Israel nontantukanmo balang haha aijo' iwi-iwi' o atomo oboa i Babel, ka' tataapmo kiijo' mae sampeje poule'mo Ku kanonongi na aha. Toka itempo'nyo aijo' po ule'je Ku sule'akon mae na aha itampat aiya. Aku, Tumpu notataemo.” To bala-balang anu daagi' i Laigan nu Tumpu aijo' atina'mo: sinin na ohi' nu kemah, kuhon tambaga, kareta-kareta, ka' mule' to pia-piangkuka na balang sangga'at anu pino una' i Laigan nu Tumpu. Balang haha aijo' madi' binoa i Babel, tempo'nyo i Yoyakhin anak momo'ane i Yoyakim tomundo' nu Yehuda ka' mule' to tu'a-tu'anyo nu kampung i daerah Yehuda tiba Yerusalem binoamo itomundo' Nebukadnezar namba i Babel.

YEREMIA 52:13

I Nebuzaradan nompapumo Laigan nu Tumpu, laigan nu tomundo' tiba laigan iwi-iwi' nu aha mian anu talasanggo i Yerusalem.

YEREMIA 52:17

Iwi-iwi' na ohi' tambaga' tiba kareta-kareta i Laigan nu Tumpu ka' mule' kuhon daka-daka' tambaga' biniha'mo nu mian Babel, lantas iwi-iwi' na tambaga anu daagi' ikiijo' binoamo nu aha ilipu' nu aha.

YEREMIA 52:21

Ohu-ohua' na ohii' tambaga' ai-aijo' pokakana; toto sa'angu' ko tangkasnyo 8 meten, bootnyo 5,3 meten, ka' kiijo' i unonyo lulu. Ko butolu nu tambaga'nyo 75 milimeten. Aita' ituu'nyo nu ohii' aijo' toto sa'angu' binauan dompongnyo ko tangkasnyo 2,2 meten. Titikup idompongnyo nu ohii' haha aijo' daagi' ko anu inganyam ka' binunga-bungan nu anu susumo dalima, iwi-iwi' suele ahi' tambaga na binau.