1 TOMU-TOMUNDO' 7:12 - KITAB NU TUMPU ALLA LELE MA'IMAI'

¹² Pagan mesen i natan nu laigan nu tomundo' ka' pagan mesen i natan nu Laigan nu Tumpu tiba pagan mesen nu laigan anu sasu i ahopnyo nu Laigan nu Tumpu, toto sa'angu' i lapisan nu kau' lontio' Libanon, de totolu'mo na lapisannyo nu batu.

1 TOMU-TOMUNDO' 7:12 ပူးပေါင်းရင်းမြစ်များ

1 TOMU-TOMUNDO' 6:3

Sasu ahopnyo nu laigan nu Tumpu aijo', i lambingan ko mantannyo 4,5 meten ka' ko bolanyo 9 meten sumo ko bolanyo nu laigan aijo'.

1 TOMU-TOMUNDO' 6:36

I ahopnyo nu Laigan nu Tumpu aijo' binauannyo natan sasu unonnyo. Natan aijo' titikup pinagan nu mesen anu mompaha lapi-lapis: de totolu'mo na lapisannyo nu batu, o lapisimo nu kau' lontio' nu Libanon.

1 TOMU-TOMUNDO' 7:11

Aita' i buannyo pinokonaan batu sangga'at anu mahan na olinyo ka' kinolo-kolong susumo sukatannyo, lantas tinalopan nu kau' lontio' Libanon.

1 TOMU-TOMUNDO' 7:6

I Salomo suele nompotinjo sa'angu' na “Laigan Pilar.”. Ko mantannyo nu laigan aijo' 22 meten, ka' ko bolanyo 13 ka' mintonga' na meten. I ahop nu laigan aijo' ko lambingnyo ka' ko pilarnyo ka' ko ojannyo.

2 TOMU-TOMUNDO' 21:5

Ohu-ohua' na popasan i Laigan nu Tumpu aijo' binauannyomo mezbah haha aijo' bau ponsomban to bina-binatang.

2 TAWARIKH 4:9

I Tomundo Salomo mule' noki bau sa'angu' na popasan anu i unonyo da bau kolalajangan nu to ima-imam, ka' mule' sa'angu' na popasan anu i sambiha'nyo. Tumban i sabatan toto daka-daka', i olot nu ohua' na popasan aijo' i lapisan nu tambaga.

YOHANES 10:23

I Yesus hau-haunyo i lumajang i Lambing i Salomo i uno nu Laigan nu Tumpu,

SISIKON NU TO RASUL-RASUL 3:11

Mian aijo' saja'mo ahi' mombatuki Petrus ka' i Yohanes. Ka' tempo'nyo aha totolu'tinoka i gandalia anu osanggohi “Gandalia i Salomo”, iwi-iwi' na mian tinoka sinihuk hi aha kalana binangangmo.

SISIKON NU TO RASUL-RASUL 5:12

Kalana pakalaja'an nu to rasul-rasul ka' hahan anu ma'isa toho' tinimbali i totonga' nu mian da'isan. Iwi-iwi' na mian anu pinalesayamo sinihuk i Lambing i Salomo i Laigan nu Tumpu.