1 TOMU-TOMUNDO' 6:6 - KITAB NU TUMPU ALLA LELE MA'IMAI'

⁶ Ilunduannyo anu momona, ko bola nu salipi'nyo 2,2 meten, ilunduannyo anu ko ohua'nyo 2,7 meten, ilunduannyo anu ko totolu'nyo 3,1 meten. Mesen nu pimpi' lunduannyo anu sasu aluknyo lebeh butolu molingkudui mesen nu pimpi' anu lunduannyo aita' mae i buannyo hondo, sahingga to bala-balak nu salipi' anu pinontuangi aijo' timbali moguntang tiba pimpi' mesen nu laigan nu Tumpu aijo' ka' madi' pilenje binolo'an na pimpi' mesen aijo'.

1 TOMU-TOMUNDO' 6:6 ပူးပေါင်းရင်းမြစ်များ

1 TOMU-TOMUNDO' 6:5

Titikup sasu hikunyo nu laigan aijo', pimpi'nyo mesen sasu sambiha'nyo binauan salipi'nyo moluundu-lundu mokiita'. Totolu' na lunduannyo, toto sa'angu' ko tangkasnyo 2,2 meten.

1 TOMU-TOMUNDO' 6:7

To bala-balak anu pinake aijo' kau' lontio' nu Libanon. Sabatan pinsoopan i salipi' haha aijo' anu pinontuangi i lunduannyo akaong anu i sasu aluknyo pinokona i sasu selatan, ka' mokiita' ilunduannyo anu ko ohua'nyo tiba to totolu'nyo ingojanan gineo-geo'akon. Lapas aijo' i Salomo nompokonaimo palaponnyo nu laigan aijo'. Ia nompokona aijo' pinaha po'una'annyo pe'e kaso'nyo lapas aijo' pinokonamo na dopi' nu kau' Lontio' anu ingala i Libanon. Tempo'nyo nombau laigan nu Tumpu aijo', onyi' nu pombaan, bobolo' kabai pakakas besak madi' ko anu hondo-hondo i hongo kalana batu haha aijo' anu pinake binau laigan aijo' pinotoukamo momonanyo tempo'nyo kiijo' mae ipinongalapan batu. Sumo aijo' na i Salomo nombau Laigan nu Tumpu aijo' sahingga tinimbalimo.

2 TAWARIKH 3:1

I Tomundo Daud nontantukan tukoonyo Laigan nu Tumpu tionyomo ahi' obau i Yerusalem, i Bungkutnyo nu Moria i tampat pongututan gandum anu i Arauna mian nu Yebus. Mombau Laigan nu Tumpu aijo' tinampu'unanmo i Tomundo Salomo.

YEHEZKIEL 41:6

Suo'nyo haha aijo' totolu' na lunduannyo ka' toto salundu daagi' ko suo'nyo mule' 30. Pimpi' mesen anu isambiha'nyo toto salundu' lebe monipis madi' sumo pimpi'nyo mesen anu akaong mae i aluknyo na lunduannyo, sahingga suo'nyo haha aijo' timbali pinosusun mau madi' pilenje nombolo'i pimpi' mesen nu Laigan nu Tumpu aijo'.