1 TOMU-TOMUNDO' 6:5 - KITAB NU TUMPU ALLA LELE MA'IMAI'

⁵ Titikup sasu hikunyo nu laigan aijo', pimpi'nyo mesen sasu sambiha'nyo binauan salipi'nyo moluundu-lundu mokiita'. Totolu' na lunduannyo, toto sa'angu' ko tangkasnyo 2,2 meten.

1 TOMU-TOMUNDO' 6:5 ပူးပေါင်းရင်းမြစ်များ

1 TOMU-TOMUNDO' 6:16

I uno nu laigan aijo' i sasu hikunyo binauan salipi'nyo ka' pinokonan pimpi'nyo bau pongoloti kau' lontio' na binau, lengkat pe'e i salonyo toka-toka mokiita' i palaponnyo. Salipi'nyo aijo' osanggohi Salipi'nyo anu Susi'. Hondo ko mantannyo osio' na meten.

1 TOMU-TOMUNDO' 6:31

I sabatan pinsoopan mokiijo' i Salipi' anu Susi' Hondo aijo' binauan tumbannyo anu timbali otuhea'akon poti-potimbiha' kau' zaitun na binau. Tumban aijo' aita' i buannyo i totonga'nyo opotunjo nokiita'.

1 TOMU-TOMUNDO' 6:6

Ilunduannyo anu momona, ko bola nu salipi'nyo 2,2 meten, ilunduannyo anu ko ohua'nyo 2,7 meten, ilunduannyo anu ko totolu'nyo 3,1 meten. Mesen nu pimpi' lunduannyo anu sasu aluknyo lebeh butolu molingkudui mesen nu pimpi' anu lunduannyo aita' mae i buannyo hondo, sahingga to bala-balak nu salipi' anu pinontuangi aijo' timbali moguntang tiba pimpi' mesen nu laigan nu Tumpu aijo' ka' madi' pilenje binolo'an na pimpi' mesen aijo'.

1 TAWARIKH 23:28

Aha tionyo ahi' montulungimo to ima-imam lee' mae i Harun mongatun atulannyo monsombah Tumpu i Laigan nu Tumpu, mompobelesi natan, ka' salipi' anu kiijo' i Laigan nu Tumpu, ka' montoa da iwi-iwi' apaa na anu nu Tumpu, madi' mahenyu.

1 TAWARIKH 28:11

Lapas aijo' binee'mo i Daud hi Salomo apa-apaa na anu tinanga'anmo obau, aijo'mo Laigan nu Tumpu, to guda-gudangnyo, iwi-iwi' na salipi'nyo, ka' Salipi'nyo anu Susi' hondo, tampat pongampunian dosa'.

1 TAWARIKH 9:26

Panyo kapala ponjaga anu aha opat aijo' na tataap ahi'. Aha na mompangakui montoa salipi' i Laigan nu Tumpu ka' montoa pakakas anu opo'una' i kiijo'.

2 TAWARIKH 31:11

I Tomundo nompalentahmo, sahingga aha nomposadiamo pa' sangkuka na gudang koko Laigan nu Tumpu,

2 TAWARIKH 5:7

Lapas aijo' to ima-imam nomposoopmo Peti' Palajanjian aijo' i uno nu Laigan nu Tumpu ka' pinokokonyomo i patu nu patong malaikat i uno nu Salipi' anu talalo hondo Susi'.

2 TAWARIKH 5:9

Kau' anu bau polembanan aijo' mantan hondo, sahingga puusnyo poti-potingkolong kantoan mokiijo' lengkat i ahop nu Salipi' anu Talalo Hondo Susi', panyo madi' kantoan i sambiha'nyo. (Sampe sinaa uuka aiya kau' haha aijo' daagi' kiijo').

NEHEMIA 10:37

Kami tionyo ahi' momboa hi to ima-imam i Laigan nu Tumpu kompolan nu gandum anu binaumo labu aijo'mo bua' nu gandum anu momona opadak na bua'nyo sataun toka sataun ka' mule' iwi-iwi' na palasombahan sangga'at sumo anggur, lanya' nu zaitun ka'iwi-iwi' na ngangahan nu bua' nu kau' sangga'at. Palasombahan anu sambagian na o ala i sampulu' na bagian na isi nu ale' tionyo ahi' oboa mami hi to mia-mian nu Lewi anu molimu' apa-apaa na palasombahan anu o ala sambagian hi sampulu' na bagian anu lengkat mae i songko-songko na kota' anu ko ale'nyo.

NEHEMIA 12:44

Tempo'nyo aitu daagi' ko to pia-piangkuka na mian binee'anmo kalaja monjagai iwi-iwi' na salipi' anu pongisian apa-apaa na anu obee'mo nu mian bau kapalaluan i Laigan nu Tumpu, tibamo anu osombahkon hi Tumpu anu inga-ingala na sambagian i sampulu' na bahagaian na isi nu ale' anu momona ingala i taun aijo'. Aha anu binee'an kalaja monjagai aijo' tionyo molimu' anu nubee' nu mian aijo', lengkat i iwi-iwi' na ale' anu madi' majo'on i to kota-kota'. Anu nubee' mae nu mian haha aijo' obee' hi to ima-imam ka' hi to mia-mian nu Lewi, susumo anu ingatunmo i Atulan nu Tumpu. To mia-mian nu Yehuda mongadati hondo to ima-imam ka' to mia-mian nu Lewi haha aijo',

MAZMUR 28:2

Potombihingakon mae na anu ku kakase aiya de aku moloboo'mo momoita tulung ka' mohangkatmo limangku sasu mokiijo' i Laigan nu Belento anu susi'.

NOSABATMO 25:22

I tampat aijo' na kasingkabotan-Ku tiba beleyum, ka' aita' mae i kolopnyo i olot nu ohua' na anu sumo malaekat aijo', beleyum Ku bee'ije to atu-atulan-Ku da opake hi bansa Israel.”

NYANYIAN ANU TALASANGGO 1:4

Sampamo lia-lia' na kita, o tomundo'ku, boamo mae na aku i uno nu salipi' nu beleyum.

YEREMIA 35:2

“Lako' mamba hi aha mian sa'anakan mae i Rekhab ka' basisik tiba aha. Boa na aha isala'sa'angu' na salipi' kiijo' i uno nu Laigan-Ku, ka' po inumi anggur na aha.”

YEREMIA 35:4

Aku nomboamo aha i Laigan nu Tumpu, i uno nu dasanyo nu to muli-mulit i Nabi Hanan anak i Yigdalya. Dasanyo aijo aita mae ibawonyo nu dasanyo i Imam Maaseya anak i Salum koko dasanyo nu to mia-mian anu kopangkatnyo sangga'at. I Maaseya pagawe anu matangkas na pangkatnyo anu monjagai iwi-iwi' na sabatan i Laigan nu Tumpu.

YEHEZKIEL 40:17

Lapas mule' mo'ane aijo' nomboamo aku nontulu sabatan daka' nokiijo' i popasan anu isambiha'nyo nu Laigan nu Tumpu. Isambiha'nyo nu mesen anu montikubi Laigan nu Tumpu aijo binauan 30 na suo'nyo. I ahop nu suo'nyo haha aijo' sinaloan nu batu,

YEHEZKIEL 40:44

Lapas mule' mo'ane aijo' nomboamo aku ipopasan sasu unonyo. Ikiijo' daagi' ko laigan ohua', sa'angu' isohipi' nu sabatan daka' sasu utara ka' mongahopi salatan ka' sa'angu' mule' isohipi' nu sabatan daka sasu salatan ka' mongahopi utara.

YEHEZKIEL 41:4

Lantas ingukunnyomo suele na suo'nyo aijo': ko ewanyo sulapa' opat, ko mantannyo tiba kobolanyo pokakana sampulu' na meten. Lapas aijo' ia notataemo mae hi belengku, “Aiyamo na Tampat Anu Susi' hondo.”

IMAMAT 16:2

Ia notatae, “Sisikakon hi utus nu beleyum i Harun, saba' ola ahi' tempo' anu tinantukanmo na ia timbali minsoop i Salipi' anu Susi' hondo anu nu oloti nu lalanse', kalana ikiijo' na Aku nanintoa i uno nu kundom i kolop nu Peti' Palajanjian. De i Harun molanggai palentah aijo' ia matemo.

NOMBILANGMO 7:89

De i Musa minsoopmo i Kemah nu Tumpu da basisikmo tiba Tumpu, ia mohongomo potatae nu Tumpu anu montaloakon hi ia lengkat mae aita' i kolop nu Peti' Palajanjian i olotnyo nu patong nu malaekat.