1 TOMU-TOMUNDO' 6:20 - KITAB NU TUMPU ALLA LELE MA'IMAI'

^20-22 Salipi'nyo aijo' ko mantannyo, ko bolanyo ka' ko tangkasnyo pokakana, osio' na meten. Mezbah i ahop nu Salipi' anu Susi' Hondo aijo' kau' lontio' Libanon na binau. I sabatan pinsoopan i salipi' aijo' pinaha pokalayo'an lante' mosoni' songko-songko na unonyo nu Laigan nu Tumpu aijo' tibamo Salipi' anu Susi' Hondo ka' mezbahnyo i lapisan nu mosoni' anu madi' ko galo'nyo.

1 TOMU-TOMUNDO' 6:20 ပူးပေါင်းရင်းမြစ်များ

1 TOMU-TOMUNDO' 6:19

Salipi'nyo anu Susi' Hondo aijo' binau i uno nu Laigan nu Tumpu aijo' pinotouka da pompo'una'an Peti' Palajanjian nu Tumpu.

1 TOMU-TOMUNDO' 7:48

I Tomundo' Salomo suele noki bau to paka-pakakas sangga'at anu mosoni' na obau da opake i Laigan nu Tumpu. Aiya na pakakas haha aijo' anu binaumo: Mezbah Meja' pompo'una'an roti anu osombahkon hi Tumpu Allah Sampulu' na tengke nu sulu' anu opokoko i ahop nu salipi' anu Susi' Hondo. olima' i sasu selatan ka' olima' i sasu utara To bunga-bunga To sulu-sulu' To dada-dadapit To pato-patongko, pakakas bau pompoho' sulu' To mangko-mangko' To lea-lean pompotimpasan oba. To lea-lean pompotimpasan kamangian To hense-hensel anu opake i tumban nu Salipi' Anu Susi' hondo ka' to saba-sabatan anu sasu sambiha'nyo i Laigan nu Tumpu.

2 TAWARIKH 3:7

Ia suele nolapisi nu mosoni' pimpi' mesen nu Laigan nu Tumpu aijo', suele to bala-balaknyo, iwi-iwi' na tumban ka' aita i buannyo nu tumban, suele i lapisan. Iwi-iwi' na pimpi' mesen binotibotikan nu gambalan malaekat.

NOSABATMO 26:29

Ohi' nu Kemah ka' kau' pombalatani haha aijo' tionyo ahi' olapisi nu mosoni'. Pasinsingnyo bau pomposoopan kau' haha aijo' tionyo ahi' mosoni' na obau.

YEHEZKIEL 41:22

Kotangkasnyo sa'angu' ka' mintonga' na meten, ka' kobolanyo sa'angu' na meten. Pasu'nyo iwi-iwi', salonyo tiba pimpi'nyo te kau' na binau. Mo'ane aijo' notataemo mae hi belengku, “Aiyamo na meja' anu i ahop nu katokaan nu Tumpu.”

YEHEZKIEL 41:4

Lantas ingukunnyomo suele na suo'nyo aijo': ko ewanyo sulapa' opat, ko mantannyo tiba kobolanyo pokakana sampulu' na meten. Lapas aijo' ia notataemo mae hi belengku, “Aiyamo na Tampat Anu Susi' hondo.”