1 TOMU-TOMUNDO' 5:9 - KITAB NU TUMPU ALLA LELE MA'IMAI'

⁹ To mia-miankuje na momboa kau' haha aijo' otudunakon lengkat mae i Libanon mokaiyong i ambai. I kiijo' batang nu kau' haha aijo' nu botokje nu aha susumo aki'an ka' oloyoje nu aha monduhuk bone' mamba i tampat anu pinoto'imo nu belento Tuan. Toka i kiijo' aki'an haha aijo' o tatakije ka' obee' hi to mia-mian nu belento Tuan na molausakon pakalaja'an aijo'. Ola ahi' belento Tuan ku poita da belento Tuan montoukai anu o kaan nu to mia-mian anu mokalaja hi belengku i laigan nu tomundo'.”

1 TOMU-TOMUNDO' 5:9 ပူးပေါင်းရင်းမြစ်များ

1 TOMU-TOMUNDO' 3:12

jadi apaa na anu pinoita nu beleyum aijo' Ku ganapimo. Ku potimbalije na beleyum da lebe pande ka' lebe monsumbu' apaa-apaa molingkudui mian iwi-iwi', mau tempo' anu i hikuhakonmo, kabai tempo' anu aiya mae anu o ahopi.

1 TOMU-TOMUNDO' 4:20

Mian da'isan nu aha Yehuda ka' Israel konjoo'nyo sumomo bone' i biwi nu ambai. Sukup na anu nu kaan nu aha ka' anu nu inum ka' sanaang na kantumuu'an nu aha.

1 TOMU-TOMUNDO' 5:10

Sahingga i Hiram nombee'imo i Salomo iwi-iwi' na kau' lontio' nu Libanon ka' kau' lontio' biasa iyamo na konjoo'nyo anu opalalui.

1 TOMU-TOMUNDO' 5:8

Lantas i Hiram nonsaimo mian namba nompoto'i hi Salomo, “I humpakmo na lele apaa na anu nu poita nu belento Tuan, ka tionyo ahi' ku bau. Ku alapije kau' lontio' i Libanon ka' kau' lontio' biasa susumo anu pinoitamo nu belento Tuan.

1 TOMU-TOMUNDO' 9:27

I Tomundo' Hiram nombee'imo mian anu mokalaja i kapannyo ka' aha aijo' anu pandemo na i kapan da hingga-hinggat tiba anu mokalaja i kapan i Salomo.

2 TAWARIKH 1:15

Tempo'nyo i Salomo nompalentah mosoni' ka' salaka otoa sumomo balang anu madi' talalo ko olinyo i Yerusalem, pokakanamo sumo batu; ka' kau' Lontio' nu Libanon nanjoo'mo hondo pokakanamo sumo kau' ara anu lewa' opake.

2 TAWARIKH 2:16

Kami monta'mo kau' lontio i bungkutnyo nu Libanon, konjoo'nyo sumo anu nupalalui nu Belento Tuan, lantas obutu' mami sumo aki'an ka' oloyoakan mami montulu ambai sampe toka i Yope. Lengkat i kiijo' kitaje Tuan na mongato mamba i Yerusalem.”

2 TAWARIKH 9:22

I Tomundo Salomo kaya hondo ka' mule' pande hondo, molingkudui to tomu-tomundo maumo pa' iya mae anu i dunia aiya.

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.

AYUB 32:8

Panyo anu mombee'i kapandean bapikin hi manusia, ola Roh nu Tumpu Allah Anu Daka' hondo na kuasanyo.

ANU MOMPOLELE POTATAE NU TUMPU 1:16

Ku tutugi, “Aku aiya tinimbalimo anu o'angga'i ka' pinandemo majo'on na pompala'inyo nu kapandeanku de obandingakon hi iwi-iwi' na mian anu nompalentahmo i Yerusalem anu ma'isa pe'e kino akunyo. Manjoo' na anu ihumpaku na kapandean tiba ilimu'.”

YEHEZKIEL 27:17

Yehuda tiba aha Israel montolosi balang anu nu podagang nu beleyum tiba gandum, juu' nu uani', lanya' nu zaitun ka' lampa-lampa.

SISIKON NU TO RASUL-RASUL 12:20

I Herodes notambuha'mo hondo hi to mia-mian nu Tirus ka' Sidon. Mokonyo aijo' aha nohingga-hinggat tinoka nangadap hi ia. Momonanyo aha nonsale'i Blastus, anu mongkapalai laigan daka' i Herodes, da ia nontinjohi aha. Lapas aitu aha nambamo nangadap hi Herodes, lantas nompoita baladame, kalana lipu' nu aha montaha'imani kaanon lengkat hi lipu' i Herodes.

PO'ULE' INGULIT 3:25

Pobee' mae na aku motaap i Kaunyo nu Yordan o Tumpu da montoa lipu' anu ma'omuk kiijo' mae i santoanyo nu da'erah nu Bungkutnyo anu ma'ima' ka' Bungkutnyo nu Libanon.