1 TOMU-TOMUNDO' 5:6 - KITAB NU TUMPU ALLA LELE MA'IMAI'

⁶ Sinumbu'mo nu belento Tuan saba' mianku i aiya madi' ko anu monsumbu' monta' kau' susumo mian nu belento Tuan. Kalana aijo' ku poita de timbali da belento Tuan mompalentah to mia-mian nu belento Tuan monta'iakon mae aku kau' lontio' i Libanon. Mianku ku palentahje da montulungi aha, ka' maumo sangkuka na tambonyo anu otantukan mae nu belento Tuan, bau pontamboi mian haha aijo' ku bayanje.”

1 TOMU-TOMUNDO' 5:6 ပူးပေါင်းရင်းမြစ်များ

KAJADIAN 10:15

To ana-anak i Kana'an, aijo'mo i Sidon na tumpenyo lantas mule' i Het.

1 TOMU-TOMUNDO' 10:26

I Salomo nohangkatmo suludadu anu bau pahampate aijo'mo 1.400 na kareta opake mahampate, ka' 12.000 na suludadu anu monsake'i ajahan. Sambagian pinojoongmo i Yerusalem, ka' labinyo pinojoongnyo i kota sangga'at.

1 TOMU-TOMUNDO' 5:7

I Hiram sinanang hondo na nohumpak lele aijo'. Ia notatae, “O puji' na Tumpu sinaa aiya kalana Ia nombee'imo i Daud samian anak mo'ane anu pande hondo binau tomundo' hi bansa anu daka' sumo aijo'.”

1 TOMU-TOMUNDO' 6:16

I uno nu laigan aijo' i sasu hikunyo binauan salipi'nyo ka' pinokonan pimpi'nyo bau pongoloti kau' lontio' na binau, lengkat pe'e i salonyo toka-toka mokiita' i palaponnyo. Salipi'nyo aijo' osanggohi Salipi'nyo anu Susi'. Hondo ko mantannyo osio' na meten.

1 TOMU-TOMUNDO' 6:20

Salipi'nyo aijo' ko mantannyo, ko bolanyo ka' ko tangkasnyo pokakana, osio' na meten. Mezbah i ahop nu Salipi' anu Susi' Hondo aijo' kau' lontio' Libanon na binau. I sabatan pinsoopan i salipi' aijo' pinaha pokalayo'an lante' mosoni' songko-songko na unonyo nu Laigan nu Tumpu aijo' tibamo Salipi' anu Susi' Hondo ka' mezbahnyo i lapisan nu mosoni' anu madi' ko galo'nyo.

1 TOMU-TOMUNDO' 9:19

to kota-kota' anu ponguna'an posadiaon anu okaan ka' mule' to kota-kota' ponguna'an kareta iwi-iwi' anu opake mahampate, ka' mule' ajahanyo iwi-iwi'. Iwi-iwi' na kinahanda'anyo obau i Yerusalem, i Libanon, ka' songko-songko na da'erah kakuasa'annyo noko baunyomo.

1 TOMU-TOMUNDO' 9:27

I Tomundo' Hiram nombee'imo mian anu mokalaja i kapannyo ka' aha aijo' anu pandemo na i kapan da hingga-hinggat tiba anu mokalaja i kapan i Salomo.

1 TAWARIKH 22:4

Hi aha mian nu Tirus ka' Sidon, ia nompotuunmo manjoo' hondo na kau' lontio' nu Libanon.

2 TAWARIKH 1:14

Ia nontoukaimo suludadunyo anu opake mahampate 1.400 na kareta, ka' 12.000 na ajahan anu opake mahampate. Sambagian pinojoongnyo i Yerusalem, ka' labinyo mule' pinojoongnyo i kota sangga'at.

2 TAWARIKH 2:10

Bau mantu nu to mia-mian nu Belento Tuan, ku pakatuje hi belento Tuan ohua' na ngahan nu gandum, toto sangahan 2.000 na ton, anggur konjoo'nyo 400.000 liter ka' lanya' nu zaitun 400.000 liter.”

2 TAWARIKH 2:8

Ku sumbu' to mia-mian anu lewa' monta' kau' i lipu' nu Belento Tuan pande na monta' Kau'. Kalana aitu de timbali belento Tuan mompakatui mae aku ngangahan nu kau' lontio' ka' kau' sondana nu Libanon. Ku saije na mianku montulungi to mia-mian nu Belento Tuan,

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.

MAZMUR 29:5

Potatae nu Tumpu montua'akon kau', nompato'akonmo kau' lontio' nu Libanon.

ZAKHARIA 11:12

Aku notataemo hi aha, “De to Tuan-tuan situju bee'akonmo mae na tambongku, de madi' mae obee', yo bolimo.” Lantas binee'mo mae nu aha hi belengku tolumpulu' na doi salaka pinontamboi mae aku. Tumpu notataemo hi belengku, “Posoop na doi atina' i kas nu Laigan-Ku” nu Tumpu. Ola sumo aijo'na pinohalagai mae nu aha Aku!

ROMA 12:17

De mian mombau idek hi beleyum, boli obalosi nu ka'idekan. Obau na anu o'oa'i ma'ima' hi mian iwi-iwi'.

EFESUS 4:7

Kita toto samian mohumpakmo pa' apaa na nukahanda'i nubee' i Kristus.

PO'ULE' INGULIT 17:16

Tomundo madi' timbali ko ajahan manjoo' anu nusake'i nu suludadunyo ka' madi' timbali mompalentah bansa aiya minsusule' i Mesir mamba mongoli ajahan kalana Tumpu notataemo tukoo-Nyo mian anu pinalesayamo hi Ia madi'mo timbali minsusule' i lipu' aijo'.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.