1 TOMU-TOMUNDO' 5:5 - KITAB NU TUMPU ALLA LELE MA'IMAI'

⁵ Tumpu nojanji'mo hi tuumangku, i Daud sumo uuka, 'Anak nu beleyum momo'ane na Ku hangkatje bau tomundo' mombolosakon beleyum, iaje na mompotinjo laigan bau ponsombaan mae Aku.' Kalana aijo' kita Tuan Hiram Anu talasanggo aku i Salomo nombaumo kaputusan da mompotinjomo laigan aijo'.

1 TOMU-TOMUNDO' 5:5 ပူးပေါင်းရင်းမြစ်များ

1 TOMU-TOMUNDO' 8:19

Panyo', misa' beleyum panyo' anakje nu beleyum na mombau Laigan-Ku aijo'.

2 TOMU-TOMUNDO' 18:31

Boli mohongo-hongo i Hizkia. Aku, tomundo' nu Asyur mompoto'i da mosabatmo mae na belemiu atina' i kota' ka' tulutmo. Timbali o kaan miu na bua' nu anggur i ale' nu belemiu, ka' mongoa'i mosia na koima'nyo na bua' ara anu pinosi su'an nu belemiu, ka' monginum uee anu i posi bubung nu belemiu.

1 TAWARIKH 22:10

Anakmo nu beleyum aijo' momo'ane na mombau laigan bau ponsomban Aku. Ia timbalimo anak-Ku ka' Aku timbalimo tuumanyo. Kasuhanganku mompalentah Israel saja' sabole-bole hi lee'nyo sampe toka sidu-sidutu'.”

1 TAWARIKH 28:10

Potutugakon ima-ima' saba' Tumpu nompile'imo beleyum da mombau laigan anu samata-mata opake ponsomban Ia. Jadi uuka aiya baumo na aijo' ka' okinyonyoai ahi' totu-totu'u.”

1 TAWARIKH 28:6

Tumpu nompoto'imo hi belengku sumo uuka: “I Salomo anak nu beleyum na mombau laigan kajojoongan-Ku. Ia pinile'an-Kumo baumo anaku, ka' Aku baumo tuumanyo.

IMAMAT 25:18

Otuluti iwi-iwi' na atulan ka' palentah nu Tumpu da belemiu tumuu' madi' ko anu mompoposia i lipu' aijo'.

IMAMAT 25:19

Tano' nu lipu' aijo' ko hasinnyoje sahingga belemiu ko kaanonmo anu sukup ka' jojoongmo kiijo' mae sanangmo.

MIKHA 4:4

Iwi-iwi na mian tumuu' madi'mo ko anu mompoposia ka' mohumpakmo kantumuu'an ma'ima' itotonga' nu ale' nu anggur tiba ale' nu ara; madi'mo ko anu lewa' monggala-gala ia aijo'mo na palajanjian nu Tumpu Anu Daka' na Kuasanyo.

ZAKHARIA 3:10

De sinaa aijo' tokamo mae batu-batu mian molagamo mian anu mompaha ohani tiba laigannyo da toka mae mongoa'i kadamean ka' mule' kasanangan itotonga' nu ale' nu anggur ka' mule' itotenga nu to kau-kau' ara nu belemiu.”

PO'ULE' INGULIT 33:28

Aha lee' mae i Yakub tumuu' madi' ko anu mompoposia i lipu' anu manjoo' hondo na gandum ka' anggurnyo, ka' nuhumpisi nu dondu'ok lengkat mae i langit.

TO MIA-MIAN KOPIAN 20:1

Jadi tinokamo na mian nu Israel iwi-iwi' lengkat mae i Dan sasu utara toka-toka i Bersyeba sasu selatan, tiba i Gilead sasu kabete'an, da mohongo apaa na anu i lagakon aijo'. Aha sinihukmo ka' nosa'angu'mo i Mizpa i ahop nu Tumpu.