1 TOMU-TOMUNDO' 5:3 - KITAB NU TUMPU ALLA LELE MA'IMAI'

³ “Belento Tomundo' Hiram anu talasanggo! Tantu o sumbu'mo nu belento Tuan na tuumangku i Daud saja' pagala sabole-bole nahampate kalana saja' nu tumbuhi nu to lipu-lipu' anu aitu mae montikubi kami, ka' monsampo bali kami. Jadi kalana Tumpu ma'isa nombee'i ia kauntungan nahampate nongewa aha sampo bali'nyo, sahingga ia ma'isa kino tempo' mompotinjo laigan bau ponsombahnyo Tumpu Allah.

1 TOMU-TOMUNDO' 5:3 ပူးပေါင်းရင်းမြစ်များ

1 TOMU-TOMUNDO' 8:19

Panyo', misa' beleyum panyo' anakje nu beleyum na mombau Laigan-Ku aijo'.

1 TAWARIKH 22:8

Panyo pinoto'imo nu Tumpu tukoonyo aku talalomo lewa' nahampate ka' saja'mo nompatei manjoo' hondo na mian. Kalana aitu ia madi' mompobee' aku mompotinjo laigan bau ponsomban Ia.

1 TAWARIKH 28:2

I Daud tinuminjomo i ahop nu aha ka' notatae, To utu-utusku sangko bansangku, potombihing mae! Pininmo na aku kino kahanda' mombau sa'angu' na laigan anu mahoson hondo da bau pompo'una'an Peti' Palajanjian nu Tumpu, da bau panintinjoan nu Tumpu Allah-nto. Aku nompotoukamo anu obau sa'angu' na laigan tampat ponsomban Ia.

1 TAWARIKH 28:3

Panyo Tumpu nontewa'mo aku mombau laigan aijo', kalana aku samian na suludadu anu saja'mo mompojuju baso'.

2 TAWARIKH 9:4

kata'atunan nu mian anu ko pangkatnyo na mokalaja i laigan nu tomundo, ka' baju' nu aha pokakana, ka' mule' laigan anu kajojoongan nu aha. Ia nontoamo kaanon anu pinotatu, ka' baju' nu to pangga-panggalima anu mongatun kaanon i babauon; ka' mule' ia nontoamo ngangahan nu koloban anu sinombahkon i Salomo i Laigan nu Tumpu. Iwi-iwi' aijo' nompobangangmo ka' nompojonomo mata i tomundo boune nu lipu' Syeba aijo'.

NEHEMIA 5:17

Sa'atu ka' limampulu' na aha mian nu Yahudi ka' to tu'a-tu'anyo nu aha, biasa lewa' ku laga mongkaan i laiganku, ma'isa olekeng na to mia-mian sangga'at anu mompaha ohani anu suele opokaan.

NEHEMIA 5:18

Sansina-sinaa anu ku posi posadia na ongkos sa'angu' na sapi', anom na domba anu toto lompo-lompo' ka' mule' manuk suele manjoo'. Ka' mule' de sampulu'anmo na kopinnyo ku paka sadiai mule' nu anggur. Maumo sumo aijo' aku madi' mongka'oho' mompoita gajingku salaku anu ko pangkatnyo gubernur, kalana ku sumbu' tanggungan nu mian da'isan talalomo naboat.

MAZMUR 110:1

Mazmur i Daud. Tumpu nompoto'imo hi tuanku, “Suhangmo i sasu koanan-Ku, sangkut aha anu monsampobali' beleyum Ku popatundu'mo hi beleyum.”

MAZMUR 8:6

Panyo nuhangkat nu Belento na ia mompai pokakanamo tiba Tumpu, pinokonanmo nu Belento mahkota' na ia nu sanggo anu talasanggo ka' kaholomatan.

MALEAKHI 4:3

Kona isinaa aijo' Aku momputusimo, ka' mule' belemiu mompatundu'mo to mia-mian anu ma'idek na palabuatannyo, sahingga aha sumomo abu' anu opahampeja'akonmo nu belemiu.

1 KORINTUS 15:25

I Kristusmo na saja' mompalentah sampe Tumpu mompotimbalimo iwi-iwi' na sampo bali' i Kristus matundu'mo hi Kristus.

EFESUS 1:22

Tumpu nompatundu'mo iwi-iwi' i aluk nu kakuasa'an i Kristus, ka' i Kristus binee'mo hi jama'at salaku mongkapalai iwi-iwi' na apaa.

PO'ULE' INGULIT 14:5

jonga, domba anu madi' opotuu', mee' anu madi' opotuu', kijang,

YOSUA 10:24

ka' binoamo hi Yosua. Lantas i lagamo i Yosua iwi-iwi' na aha mian nu Israel da sihuk, lapas aijo' nompalentahkonmo da iwi-iwi' na kapala nu suludadu anu namba nahampate tiba ia toka mae mompahampeja'akon gogohong nu tomundo haha aijo'.