1 TOMU-TOMUNDO' 5:1 - KITAB NU TUMPU ALLA LELE MA'IMAI'

¹ I Hiram, tomundo' nu aha Tirus, saja'mo no bela' tiba i Tomundo' Daud. Salatan i hongomo i Hiram na i Salomo binaumo tomundo' pinombolosi i Daud, tuumanyo ia nonsaimo mian namba hi Salomo.

1 TOMU-TOMUNDO' 5:1 ပူးပေါင်းရင်းမြစ်များ

KAJADIAN 15:18

Tempo'nyo aijo' na Tumpu binalajanji'mo hi Abram. Notataemo na Tumpu, “Aku balajanji'mo mombee'mo hi lee' nu beleyum songko-songko na tano' aiya, lengkat pe'e mae i potempasan nu lipu' Mesir toka-toka mokiijo' mae i Kaunyo nu Efrat,

2 SAMUEL 5:11

I Tomundo' Hiram anu kiijo' mae i Tirus nonsaimo mae mian namba hi Daud salaku utusan nu kalaja'annyo, ka' nomboamo kau'lontio' nu Libanon, tiba to tuka-tukang kau' ka' mule' to tuka-tukang mesen da mompotinjoakon laigan nu tomundo'.

2 SAMUEL 8:10

Sahingga ia nonsaimo anaknyo momo'ane i Yoram da mamba mompotokakon salando'anyo hi Tomundo' Daud ka' mompotoka suele talima kase kalana ia inguntungmo na nahampate kalana i Hadadezer toho'mo nahampate tiba i Tou. I Yoram nambamo hi Daud nomboa mosoni' manjoo' hondo bau palasen ka' mule' tambaga tiba salaka.

1 TOMU-TOMUNDO' 10:25

Aha toto samian de aha toka mae ko anu nu boa mae nu aha o palasen nakon hi Salomo. Aha mombee'i to bala-balang salaka, mosoni', hude, toongon anu bau pahampate, santo lampa-lampa, ajahan ka' bagal. Sumo aijo'mo sataun toka sataun.

1 TOMU-TOMUNDO' 5:10

Sahingga i Hiram nombee'imo i Salomo iwi-iwi' na kau' lontio' nu Libanon ka' kau' lontio' biasa iyamo na konjoo'nyo anu opalalui.

1 TOMU-TOMUNDO' 5:13

I tomundo' Salomo nompalentahmo aha 30.000 na mian to momo'ane ingala mae hi aha songko-songko na Israel da mombau kalaja anu opalentahkon.

1 TAWARIKH 14:1

I Tomundo' Hiram anu i lipu' Tirus nonsaimo mae mian hi Daud ka' mule' nomboamo kau' lontio' nu Libanon ka' to tuka-tukang kau' ka' to tuka-tukang batu, nombau laigan nu tomundo'.

2 TAWARIKH 17:11

Lengkat mae hi aha mian nu Filistin ia nohumpakmo manjoo' hondo na salaka ka' palasen sangga'at, ka' anu lengkat mae hi aha mian nu Arab 7.700 na domba ka' 7.700 na mee'.

2 TAWARIKH 2:3

I Salomo nompotuunmo tanga'annyo aijo' hi Hiram tomundo nu aha Tirus, “De timbali da belento Tuan mompaha bada-badagang tiba aku susumo tiba i Daud tuumangku. Belento Tuan nompobalukmo hi ia kau' lontio' nu Libanon anu binaunyomo laigan nu tomundo kajojoongannyo.

2 TAWARIKH 9:26

Ia mongkuasai to tomu-tomundo anu i da'erah lengkat pe'e mae i Kaunyo Efrat toka-toka i lipu' nu aha Filistin ka' potempasan tiba Mesir.

EZRA 4:20

Toho'mo kino to tomu-tomundo anu baani hondo nompalentah i kiijo' ka' nongkuasaimo songko-songko na Propinsi Efrat sasu Kinsoban ka' nombee'imo tanggungan hasin ka' apa-apaa mule' na anu tionyo nubayan nu aha sataun-toka sataun.

MAZMUR 45:12

Handanyo nu beleyum nomposanangmo kinyonyoa i tomundo', ia tuan nu beleyum, hongo-hongo na ia.

MAZMUR 72:8

Kalaja'annyo mompaka pintuangmo lengkat mae i ambai santoanyo toka-toka i ambai santoanyo mule', ko ewanyo lengkat mae i sasu kabete'an toka-toka i sasu kinsoban.

MAZMUR 80:12

Panga'nyo toto ise-ise' nantademo manta-mantan tinoka-tokamo i Ambai anu i Totonga'nyo, iwi-iwi' na londeknyo tinoka-tokamo i Kaunyo nu Efrat.

NOSABATMO 34:24

De Ku laa'mo na to bansa-bansa madi'mo ko anu atina' hi belemiu ka' Ku po'ewamo na da'erah kajojoongan nu belemiu, madi'mo ko samian pe'e na anu baani mompo'ago lipu' nu belemiu de belemiu mambamo molame'akon Bau-bauon nu Roti Anu Madi' ko Raginyo, Bau-bauon Pompadakan, ka' Bau-bauon nu Tahop anu O'atopi nu Hon nu kau'.

YESAYA 23:1

Sumo uuka na potuunon mongkona Tirus. O, to mia-mian nu Spanyol anu lewa' balayan motaap indalangon toto daka-daka' haangmo! Tempo'nyo ninsusule'mo mae lengkat i Siprus pinoto'imo hi belemiu na kota' Tirus ihansunmo. Labuan nu kapan nu belemiu tiba laigan nu belemiu iwi-iwi' kahomo na'idek.

YEHEZKIEL 19:11

Panga'nyo mahoson madi' dengke na mopato', timbali obau tokon nu kalaja'an Tuu'nyo matangkas hondo matunjo mokiita', montoka-tokamo kundom Ia nu kabangangimo nu mian iwi-iwi', kalana ia matangkas tiba honnyo mule' tambok.

AMOS 1:9

Tumpu notatae, “Mian anu jojoong i Tirus saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa, binoa i sa'angu' na tampat pinompojoongan, ka' nombee'mo hi Edom; aha madi'mo nohongo-hongo palajanjian nu posangaluan.

NOMBILANGMO 24:7

Aha nohumpakmo ujan nolabi-labi, anu sinu'an nohumpakmo uee manjoo'. Tomundo'nyo mompaka daka'mo na kakuasa'annyo, molingkuduimo i Agag, ka' kapalentahannyo saidi' mae opopodaka'mo.

LUKAS 7:5

“kalana ia mongkalibosi bansanto, ka' nompotinjomo laigan pogalejaan mami.”

PO'ULE' INGULIT 20:11

De aha montuhea'akonmo tumban nu sabatan daka' nu kota ka' madi'mo mongewa, aha iwi-iwi' tionyo ahi' opotimbalimo posaihon nu belemiu ka' mombau kalaja anu opakisakon nu belemiu.

1 SAMUEL 10:27

Panyo to pia-piangkuka na mian anu ma'idek na kinyonyoanyo notatae, “Te kokaliangannyo mule' na mian aiya hi kita?” Aha madi' mongadati i Saul ka' madi' mombee'i palasen apa-apaa hi ia. Panyo ia mingadi-adi'au' aitu madi' nu sumbu'.