1 TOMU-TOMUNDO' 4:30 - KITAB NU TUMPU ALLA LELE MA'IMAI'

³⁰ I to lipu-lipu' isasu kabete'an ka' Mesir madi'mo ko mian anu pande molingkudui ia.

1 TOMU-TOMUNDO' 4:30 ပူးပေါင်းရင်းမြစ်များ

KAJADIAN 25:6

tempo'nyo ia daagi' tutuu' ia nombee'imo palasen manjoo' hondo hi to ana-anak anu i humpaknyo hi to bengke-bengkele'nyo sangga'at. Lapas aijo' pinokaunyomo na to ana-anaknyo haha aijo' da molalinmo i da'erah sasu kabete'an Kana'an da matikojo'on hi Ishak anaknyo.

KAJADIAN 29:1

I Yakub nolausakonmo lajangnyo ka' nambamo i lipu' sasu kabete'an Kana'an.

1 TOMU-TOMUNDO' 10:23

I Tomundo' Salomo na lebe kaya ka' lebe pande molingkudui to tomu-tomundo' i dunia maumo pa' iyayamae.

AYUB 1:3

Ka' mule' ia ko to posa-posaihon manjoo' hondo, 7.000 na domba, 3.000 na unta, 1.000 na sapi', ka' 500 na keledai. Osanggomo pe'e na mian aijo', ia mian anu kaya hondo anu jojoong i da'erah sasu kabete'an.

ANU MOMPOLELE POTATAE NU TUMPU 1:16

Ku tutugi, “Aku aiya tinimbalimo anu o'angga'i ka' pinandemo majo'on na pompala'inyo nu kapandeanku de obandingakon hi iwi-iwi' na mian anu nompalentahmo i Yerusalem anu ma'isa pe'e kino akunyo. Manjoo' na anu ihumpaku na kapandean tiba ilimu'.”

YEHEZKIEL 25:4

Aku Tumpu Anu Matangkas na Kuasanyo. ‘Belemiu sanang na montoa Laigan-Ku ohumimi'i ka' mule' tano' nu Israel o, ideimo ka' mule' bansang Yahudi ohakopmo ka' oboamo itampat pompojoongan aha. Mokonyo aijo' belemiu Ku pojohokmo da nu patundu'mo nu tulunan nu bansa haha aijo' anu lengkat mae i tampat anu mateges sasu Kabete'an. Aha mompotinjomo kemah nu aha ilipu' nu belemiu lantas tataapmo ikiijo'. Aha mongkaanmo bua' nu kau' nu belemiu ka' monginumo susu nu potuu'on nu belemiu.

DANIEL 1:20

De i tomundo' mompoto'imo hahan anu palalu katalangan tiba anu opopikilakon nu toa saba' pokinde' tiba pikilan nu aha opa-opat na olitau haha aijo', pinsampulu' lipat na polingkuduinyo pokinde' tiba pikilan nu aha iwi-iwi' anu lewa' montahi'i ka' mule' anu kopangatahuan i uno nu songko-songko na kalaja'annyo.

DANIEL 4:7

Panyo salatan anu topo tahi'i, anu ko pangatahuan, to mia-mian anu ko ilimu', ka' mule' anu ko ilimu' monsumbu' mandala', tinokamo mae sinisikumo na ipionku aijo' hi aha, madi' ko samian pe'e na anu noko ala nontalangkan alati'nyo.

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 2:16

Salatan sinumbu' i Herodes taalu' anu to pande-pande monsumbu' mandala' lengkat i sasu kabete'an aitu nongakalimo ia, ia pinusamo hondo. Lantas ia nompalentahkon anu mompatei iwi-iwi' to ana-anak mo'ane anu umunnyo i aluk nu ohua' na taun. I Betlehem ka' i anu mompaha ohani. Aijo' sosok tiba katalangan anu i humpaknyo lengkat hi anu to pande-pande monsumbu' mandala' aijo' kakona tempo'nyo mandala' aijo' kinantoaan.

SISIKON NU TO RASUL-RASUL 7:22

Iwi-iwi' na ilimu' nu bansa Mesir ingajanakonmo hi ia, ka' ia tinimbalimo mian anu talalo kokuasa i uno nu kotae-tae ka' i palabuatannyo.

TO MIA-MIAN KOPIAN 6:33

Tempo'nyo aitu aha iwi-iwi' mian nu Midian, Amalek tiba tulunan nu to bansa-bansa sangga'at i padang bone' sasu kabete'an Yordan sinihukmo. Aha notaapmo i Kaunyo nu Yordan ka' binakemahmo i hatanyo nu Yizreel.