1 TOMU-TOMUNDO' 4:20 - KITAB NU TUMPU ALLA LELE MA'IMAI'

²⁰ Mian da'isan nu aha Yehuda ka' Israel konjoo'nyo sumomo bone' i biwi nu ambai. Sukup na anu nu kaan nu aha ka' anu nu inum ka' sanaang na kantumuu'an nu aha.

1 TOMU-TOMUNDO' 4:20 ပူးပေါင်းရင်းမြစ်များ

KAJADIAN 13:16

Ku bee'ije na beleyum lee' anu da'isan hondo, sahingga madi' ko samian na anu moko bilang aha. Sumomo mian madi' moko ala mombilang abu' i tano', sumo aitumo na lee' nu beleyum madi' opoko ala obilang.

KAJADIAN 15:5

Tumpu nomboamo i Abram nosabat, lantas notataemo hi ia, “Sinda na langit, ka' soba bilang na to manda-mandala'; beleyum ko lee'je konjoo'nyo sumo mandala' haha aita'.”

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

KAJADIAN 32:12

Inau'akon mae kalana Belento Tumpu nojanji'mo mompoko ima'imo iwi-iwi' bau ka'ima'anku ka' mombee'imo lee' manjoo' hi belengku. Madi' ko samian pe'e na moko ala mombilang kalana konjoo'nyo sumo bone' i biwi nu ambai.”

1 TOMU-TOMUNDO' 3:8

Aku jinojoongmo hinggat-hinggat tiba bansa anu pinile'antomo nu Belento timbal mian anu palesayamo. Aha sa'angu' na bansa anu daka' anu madi' opoko lekeng na konjoo'nyo.

1 TOMU-TOMUNDO' 4:29

Tumpu Allah nombee'imo kapandean hi Salomo ka' pikilan anu matangkas hondo, ka' moko ala mompotutugakon anu mahan

1 TOMU-TOMUNDO' 5:9

To mia-miankuje na momboa kau' haha aijo' otudunakon lengkat mae i Libanon mokaiyong i ambai. I kiijo' batang nu kau' haha aijo' nu botokje nu aha susumo aki'an ka' oloyoje nu aha monduhuk bone' mamba i tampat anu pinoto'imo nu belento Tuan. Toka i kiijo' aki'an haha aijo' o tatakije ka' obee' hi to mia-mian nu belento Tuan na molausakon pakalaja'an aijo'. Ola ahi' belento Tuan ku poita da belento Tuan montoukai anu o kaan nu to mia-mian anu mokalaja hi belengku i laigan nu tomundo'.”

2 TOMU-TOMUNDO' 18:31

Boli mohongo-hongo i Hizkia. Aku, tomundo' nu Asyur mompoto'i da mosabatmo mae na belemiu atina' i kota' ka' tulutmo. Timbali o kaan miu na bua' nu anggur i ale' nu belemiu, ka' mongoa'i mosia na koima'nyo na bua' ara anu pinosi su'an nu belemiu, ka' monginum uee anu i posi bubung nu belemiu.

1 TAWARIKH 12:39

Tinolun sinaa na kinopinnyo na suludadu haha aijo' jinojoong i kiijo' hi Daud ka' lewa'mo nolame-lame' nongkaan ka' nonginum anu pinosadiamo nu aha mian nu Israel sangga'at da bau pompokaan aha.

1 TAWARIKH 22:9

Maumo sumo aijo', ia binalajanji'mo hi belengku sumo uuka: Beleyum saidi' mae mohumpakmo samian na anak mo'ane anu mompalentahje ka' madi'mo ko anu lewa' mae monsampo bali', kalana Ku tulungimo na ia, sahingga madi'mo ko anu mamba mae mompahampateakon ia. Ia osanggohi i Salomo kalana de daagi' ia na mompalentah, Aku saja' mombee'i ia ka'ima'an nu lipu' ka' ka'amanan i songko-songko na Israel.

AYUB 1:18

Daagi' hau-haunyo ia motatae, tinokamo mae mule' na posaihon sangga'at anu momboa mae lele, “To ana-anak nu Belento Tuan hau-haunyomo nombau-bauon i laigan nu anak nu Belento Tuan anu tumpe-tumpenyo.

AMSAL 14:28

Anu mohangkat sanggo itomundo' talasanggo kalan layatnyo da'isan; panyo de madi' ko layatnyo ia madi' moko ala balakuasa.

ANU MOMPOLELE POTATAE NU TUMPU 2:24

Madi' ko anu lebe ma'ma' hi mian de misa' mongkaan ka' monginum ka' mule' molasa hasin nu kalaja. Aku iwi-iwi sumbu'je taalu' aijo' ola halala' nu Tumpu.

YESAYA 22:13

Panyo lebe ma'ima' belemiu balasana-sanangmo ka' pombaumo bau-bauon, mongkaan antok nu binatang ka' mule' monginum anggur ka' lewa' motatae, “Imbo' da kita mongkaan ka' mule' lewa' monginum kalana dodop kita silakamo!”

MIKHA 4:4

Iwi-iwi na mian tumuu' madi'mo ko anu mompoposia ka' mohumpakmo kantumuu'an ma'ima' itotonga' nu ale' nu anggur tiba ale' nu ara; madi'mo ko anu lewa' monggala-gala ia aijo'mo na palajanjian nu Tumpu Anu Daka' na Kuasanyo.

ZAKHARIA 3:10

De sinaa aijo' tokamo mae batu-batu mian molagamo mian anu mompaha ohani tiba laigannyo da toka mae mongoa'i kadamean ka' mule' kasanangan itotonga' nu ale' nu anggur ka' mule' itotenga nu to kau-kau' ara nu belemiu.”

ZAKHARIA 9:15

Mian anu palesayamo hi Ia na memang ahi' Nu jagai, sahingga iwi-iwi' na sampobali' nu aha timbali opoko ala opatundu'. Susumo polo ais nu mian anu nalangumo nu inumon, sumo aitumo na polo ais nu aha hau-haunyo mahampate. Susumo baso' nu koloban anu dinudu'akonmo aita' i mezbah sumo aitumo na baso' nu sampobali' nu aha nobubus.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

1 SAMUEL 30:16

Lantas ilaya'nyomo namba i tampat kajojoongan nu aha. Tempo'nyo aitu aha nobagi-bagimo i tampat kiijo', ka' lewa'mo nongkakaan ka' nonginum, lewa'mo nombau lamean kalana nanjoo'mo na anu pinahuhuakon mae nu aha, anu binoa mae nu aha lengkat ilipu' nu Filistin tiba Yehuda.