1 TOMU-TOMUNDO' 3:8 - KITAB NU TUMPU ALLA LELE MA'IMAI'

⁸ Aku jinojoongmo hinggat-hinggat tiba bansa anu pinile'antomo nu Belento timbal mian anu palesayamo. Aha sa'angu' na bansa anu daka' anu madi' opoko lekeng na konjoo'nyo.

1 TOMU-TOMUNDO' 3:8 ပူးပေါင်းရင်းမြစ်များ

KAJADIAN 13:16

Ku bee'ije na beleyum lee' anu da'isan hondo, sahingga madi' ko samian na anu moko bilang aha. Sumomo mian madi' moko ala mombilang abu' i tano', sumo aitumo na lee' nu beleyum madi' opoko ala obilang.

KAJADIAN 15:5

Tumpu nomboamo i Abram nosabat, lantas notataemo hi ia, “Sinda na langit, ka' soba bilang na to manda-mandala'; beleyum ko lee'je konjoo'nyo sumo mandala' haha aita'.”

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

1 TOMU-TOMUNDO' 4:20

Mian da'isan nu aha Yehuda ka' Israel konjoo'nyo sumomo bone' i biwi nu ambai. Sukup na anu nu kaan nu aha ka' anu nu inum ka' sanaang na kantumuu'an nu aha.

1 TAWARIKH 21:2

Sahingga pinoto'imo i Daud hi Yoab ka' hi to sulu-suludadunyo anu toto tangka-tangkas na pangkatnyo, “Bilangmo na mian nu Israel iwi-iwi' toka-toka i kampung anu toto ise-ise' kalana aku kahanda'mo monsumbu' pa' sangkuka na konjoo'nyo na mian nu Israel.”

MAZMUR 78:71

lengkat mae i tampat pinompotu'annyo tinanyo nu domba, da molaya' Israel mian anu palesayamo hi Ia.

IMAMAT 26:9

Ku balakatimo na belemiu, ka' momponjoo'je makumpu nu belemiu. Apaa na anu jinanji'-Kumo hi belemiu tionyo ahi' Ku ganapi.

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.