1 TOMU-TOMUNDO' 3:7 - KITAB NU TUMPU ALLA LELE MA'IMAI'

⁷ O Tumpu Allah-ngku Belento nohangkatmo aku binau tomundo', nombolosakon tuumangku, mau mule' aku ma'isa talalo motu'a ka' ma'isa monsumbu' pa' mosia na mompalentah.

1 TOMU-TOMUNDO' 3:7 ပူးပေါင်းရင်းမြစ်များ

2 SAMUEL 5:2

Salatanmo pe'e naipuan mae, ka' mule' tempo'nyo i Saul daagi nompalentah kami, belentomo Tomundo' na nongkapali suludadu nu Israel de aha mambamo mahampate, ka' mule' Tumpu binalajanji'mo hi belento Tomundo' na molaya' mian anu pinalesayamo hi Ia, ka' timbaliomo tomundo' nu aha mian Israel.”

1 TAWARIKH 22:5

Binaumo i Daud na iwi-iwi' aijo' kalana tinutugannyomo sumo uuka: “Aku tionyo ahi momposadiamo apaa na anu opalalui de mombaumo Laigan nu Tumpu. Kalana i Salomo anaku momo'ane daagi' olitau ka' ma'isa ko anu nu pisumbu-sumbu', padahan Laigan nu Tumpu anu obauje aijo' tionyo ahi' ma'ima' hondo ka' talasanggo i songko-songko na dunia.” Sahingga ma'isa pe'e sinilaka na ia, ia momposadiamo manjoo' hondo na talakonannyo anu kahanda' obau Laigan nu Tumpu aijo'.

1 TAWARIKH 22:9

Maumo sumo aijo', ia binalajanji'mo hi belengku sumo uuka: Beleyum saidi' mae mohumpakmo samian na anak mo'ane anu mompalentahje ka' madi'mo ko anu lewa' mae monsampo bali', kalana Ku tulungimo na ia, sahingga madi'mo ko anu mamba mae mompahampateakon ia. Ia osanggohi i Salomo kalana de daagi' ia na mompalentah, Aku saja' mombee'i ia ka'ima'an nu lipu' ka' ka'amanan i songko-songko na Israel.

1 TAWARIKH 29:1

Lantas notataemo na i Tomundo' Daud hi mian iwi-iwi' anu sinihuk i kiijo', “Pa' aha sangkuka na to ana-anaku anu to momo'ane, i Salomo na anu pinile'anmo nu Tumpu Allah. Panyo ia daagi' anak ka' ma'isa ko anu nu pisumbu-sumbu', padahan kalajaaiyo talalo hondo daka'. Ka' mule' anu obau aijo' misa' laigan nu tomundo' bau kajojoongan nu manusia, panyo laigan anu obee' hi Tumpu Allah.

MAZMUR 121:8

Ia na monjagai beleyum, de beleyum toka mae ka' mambamo, uuka aiya ka' sampe toka sidu-sidutu'.

AMSAL 18:12

Mian anu takabun saidi mae madi'mo ohalagai, mian anu madi'buulon oholomati.

ANU MOMPOLELE POTATAE NU TUMPU 10:16

Silaka na lipu' de tomundo'nyo ma'isa talalo tu'anyo; ka to pega-pegawenyo anu toto tangka-tangkas na pangkatnyo sinampahu na lewa' nombau bau-bauon.

YEREMIA 1:6

Aku nontaamimo, “O Tumpu Anu Matangkas Na Kuasanyo, aku madi' peletan na motatae kalana aku daagi' anak.”

YEREMIA 1:7

Panyo tinaaman nu Tumpu, “Boli otaloakon beleyum daagi' anak. De Aku na monsai beleyum maumo pa' hihe na kalambanan, beleyum tionyo ahi' mamba ka' iwi-iwi' na anu Ku palentahkon tionyo ahi' nu poto'i nu beleyum hi aha.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 4:25

Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

DANIEL 5:21

Ia nu laa'mo nu mian da'isan ka' kapandeannyo timbalimo susumo kapandean nu binatang. Ia tumuu'mo tiba keledai nu alas, mongkaanmo hemput susumo sapi' ka' hoyotmo i tano' anu madi' ko atopnyo sahingga nu humpisimo nu dondu'ok. Ahennyo ia mongakuimo talu' Tumpu Anu Matangkas na Kuasanyo na mongkuasai kalaja'an nu manusia ka' mule' kalaja'an aijo' Nu bee'mo maumo pa'hihe na anu pinile'an-Nyomo.

NOMBILANGMO 27:17

samian anu moko ala timbali bau talenga' de aha mahampate. Boli opojohok na mian nu belento aiya sumomo sanggombu na domba anu madi'mo ko polaya'nyo.”

YOHANES 10:9

Akumo na sabatan. Ihe na minsoop montulu Aku salamat; ia mosabat minsoop ka' mohumpak kaanon.

PO'ULE' INGULIT 31:2

ia notatae, “Uuka aiya umunku sa'atumo ka' uampulu' na taun ka' aku madi'mo moko ala timbali polaya' nu belemiu. Ka' mule' Tumpu notataemo hi belengku tukoonyo Aku madi' timbali motaap mokiijo' i santoa nu Kaunyo nu Yordan.

1 SAMUEL 18:16

Panyo aha iwi-iwi' na mian nu Israel tiba Yehuda mongkalibosi hondo i Daud, kalana ia sa'angu' na polaya' anu nanjoo'mo na anu binaunyo.