1 TOMU-TOMUNDO' 3:6 - KITAB NU TUMPU ALLA LELE MA'IMAI'

⁶ Tinaaman i Salomo, “O Tumpu, Belento nompotoamo mae taalu' totu-totu'u ahi' na Belento mongkalibosi tuumangku i Daud, posaihon nu Belento aijo'. Ia ma'ima' ka' hodi' na kinyonyoanyo, ka' montuluti hondo Belento, Ka' salaku pombalosi nu Belento taalu' belento saja' ahi' mongkalibosi ia, belento nombee'imo ia samian na anak mo'ane anu tempo' uuka aiya nompalentahmo nombolosakon ia.

1 TOMU-TOMUNDO' 3:6 ပူးပေါင်းရင်းမြစ်များ

KAJADIAN 24:40

Lantas tinaamannyo, 'Tumpu anu saja' ku tuluti, na monsaije malaekat-Nyo da montulungi da anu ku kalaja ko hasinnyo. Beleyum tionyo singkabot anu timbali bengkele' nu anakku hi posi bansangku, aijo'mo anu hi sampoto utusan nu tuumangku.

2 SAMUEL 22:21

Tumpu nombalosimo mae palabuatanku anu totu'u Ia nombalakatimo mae aku kalana aku madi' kokasala'an.

2 SAMUEL 22:25

Jadi Tumpu nombalosakonmo palabuatanku anu totu'u kalana sinumbu'-Nyomo na aku madi' ko kasala'an.

2 SAMUEL 7:5

“Lako' ka' poto'i hi Daud posaihon-Ku, na potuunon-Ku sumo uuka: 'Kadaka' beleyumo na mombau laigan-Ku.

1 TOMU-TOMUNDO' 1:48

ka' binalado'a ‘Ku puji' na belento O Tumpu, Tumpu Allah anu nu sombah nu mian Israel. Sinaa aiya samian na lee' ku i hangkatmo nu belento binau tomundo' nombolosakon aku. Ka' belento Tumpu nompobee'mo mae aku tinumuu' daagi' Nonsakisi'i!’ ”

1 TOMU-TOMUNDO' 15:5

Tumpu nombaumo sumo aijo' kalana i Daud nomposanangmo kinyonyoa-Nyo. I Daud madi' toho' nolanggai palentah nu Tumpu iwi-iwi', ola daagi' kino minsan palakala tiba i Uria mian nu Het aijo'.

1 TOMU-TOMUNDO' 2:4

De beleyum tulu-tulutan hi Tumpu, nu ganapi na janji'-Nyo aijo'mo lee'ku na mompalentah Israel, asan aha totu-totu'u na kinyonyoanyo saja' montuluti palentah-Nyo iwi-iwi'.

1 TOMU-TOMUNDO' 3:14

Ka' de beleyum sumo tuuma nu beleyum i Daud, montuluti Aku ka' mombatuki atulan-Ku iwi-iwi', Ku bee'i na beleyum tuumu' mantan na umun.”

1 TOMU-TOMUNDO' 9:4

De totu-totu'u na kinyonyoa nu beleyum palesaya hi beleng-Ku hodi' totu-totu'u na kinyonyoa nu beleyum susumo tuuma nu beleyum i Daud, ka' beleyum montuluti totu-totu'u atulan-Ku ka' palentah-ngku haha aijo',

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

2 TAWARIKH 1:8

Tinaaman i Salomo, “O Tumpu Allah, pinotoamo nu Belento taalu' belento mongkalibosi ahi' hondo tuumangku i Daud, ka' belento nohangkatmo aku binau tomundo nombolosakon ia.

MAZMUR 116:7

Pinosanangkumo na kinyonyoangku, kalana nu kanonongi nu Tumpu na aku.

MAZMUR 119:17

De timbali da Belento manonong mae hi posaihon nu Belento aiya, da aku sabole-boleh tumuu' ka' montuluti pangajalan nu Belento.

MAZMUR 13:6

Kalana aku montaha'imani kalibosan mae nu Belento sahingga aku lame'mo kalana Belento nomposalamatmo aku. Aku manyanyimo mompuji' Tumpu, kalana Ia nombaumo mae anu ma'ima' hi belengku!

MAZMUR 15:2

Mian anu kantumuu'annyo madi' ko alunyo ka' saja' mombau anu ma'ima', ka' madi' baleko' na montaloakon anu totu'u;

NOMBILANGMO 12:7

Panyo madi' sumo posaihon-Ku i Musa. Olamo aijo' ia na mian anu tulu-tulutan madi' sumo mian sangga'at anu pinalesayamo hi beleng-Ku.

2 KORINTUS 9:11

Desumo aijo'nyo komiu saja' sukup i uno nu iwi-iwi' na han, sahingga komiu saja' moko ala mobagi kalana manonong na kinyonyoa. Ka' anu lewa' binee' miu, anu binagi-bagiakonmo mami, nompotuka'mo mian da'isan nontalima kaseh hi Tumpu.

2 KORINTUS 9:5

Mokonyo aijo' ku oa'i palalu monsai aha aijo' mamba hi komiu tongkoimoona da mongulus pontulungi anu jinanji'mo miu aijo'. Kubau sumo aijo' da saidi' mae de aku toka, anu obee' miu aijo' daagi'mo. Desumo aitu yo nyata' saba' anu obee' miu aijo', obee' nu kinyonyoa sanang, ka' misa' kalana opakisa.