1 TOMU-TOMUNDO' 3:3 - KITAB NU TUMPU ALLA LELE MA'IMAI'

³ I Salomo mongkalibosi Tumpu ka' mombatuki iwi-iwi' na pokinde' nu tuumanyo panyo' ia daagi' mongkolot ka' monsombahkon binatang iyaya mae na tampat.

1 TOMU-TOMUNDO' 3:3 ပူးပေါင်းရင်းမြစ်များ

1 TOMU-TOMUNDO' 11:34

Maumo sumo aijo' Aku madi' mongala iwi-iwi' na kalaja'annyo aijo' hi ia. Ia daagi Ku pobee' mompalentah de ia ma'isa silaka. Han aijo' Ku bau kalana monginau' i Daud posaihon-Ku aijo' anu pinile'an-Kumo ka' mule' anu nontulutimo atulan-Ku ka' mule' palentah-ngKu iwi-iwi'.

1 TOMU-TOMUNDO' 11:38

De beleyum montiho susumo posaihon-Ku i Daud tulu-tulutan hondo hi beleng-Ku ka' mule' mombatuki iwi-iwi' na atulan-Ku ka' mule' momposanang kinyonyoang-Ku ka' mule' montuluti iwi-iwi' na anu Ku palentahkon hi beleyum, saba' beleyum saja' Ku toa ka' Ku jagai. Ku potimbalimo tomundo' na beleyum hi aha Israel. Sabole-bole lee' nu beleyum na Ku potimbali tomundo' nu aha Israel mombolosakon beleyum susumo anu binaung-Kumo hi Daud.

1 TOMU-TOMUNDO' 11:4

sahingga ia salatan ilangkai'mo pinoko alamo nu aha na pagala nonsale'i sahingga ia nonsombahmo to pilo-pilogot sangga'at. I Daud tuuma i Salomo montuluti hondo Tumpu, Tumpu Allahnyo panyo i Salomo madi'mo sumo tuumanyo.

1 TOMU-TOMUNDO' 11:6

Sumo aijo' na i Salomo binaladosa'mo hi Tumpu. I Daud tuuma i Salomo mohongo-hongo hondo Tumpu totu-totu'u na kinyonyoanyo panyo i Salomo madi'mo sinumo aijo'.

1 TOMU-TOMUNDO' 14:23

Aita ito bungku-bungkutnyo tiba i patu nu kau' anu toto daka-daka' aha nombaumo tampat ponsomban pilogot ka' lewa'mo nompotinjo batu toto tangka-tangkas' to pato-patong nu pilogot boune Asyera da osombah.

1 TOMU-TOMUNDO' 14:8

Beleyum binee'an-kumo kalaja'an anu ingalang-Kumo hi lee' i Daud. Panyo beleyum madi'mo sumo posaihon-Ku i Daud. Ia tulu-tulutan hondo hi belengku ka' montuluti hondo palentah-ngKu. Apaa na anu Ku situjui aijo' na nu bau.

1 TOMU-TOMUNDO' 15:11

Susumo i Daud mompolee'nyo mae, i Asa suele momposanang kinyonyoa nu Tumpu.

1 TOMU-TOMUNDO' 15:14

Maumo madi' iwi-iwi' na tampat ponsomban pilogot i ngidean i Asa, panyo ia sabole-bole ahi' tulu-tulutan hi Tumpu i uno nu kantumuu'annyo.

1 TOMU-TOMUNDO' 15:3

I Abiam nombaumo dosa' susumo tuumanyo. Ia madi' totu-totu'u na kinyonyoa montuluti Tumpu Allah-nyo, madi' pokakana tiba i Daud mompolee'nyo mae.

1 TOMU-TOMUNDO' 15:5

Tumpu nombaumo sumo aijo' kalana i Daud nomposanangmo kinyonyoa-Nyo. I Daud madi' toho' nolanggai palentah nu Tumpu iwi-iwi', ola daagi' kino minsan palakala tiba i Uria mian nu Het aijo'.

1 TOMU-TOMUNDO' 22:43

Susumo i Asa, tuumanyo, i Yosafat suele nombaumo apa na anu ma'ima' i mata nu Tumpu. Madi'mo hondo-hondo pinobee'nyo na to momo'ane ka' to bou-boune bakalaja i tampa-tampat nu mian masala' salaku bau ponsombah nu aha pilogot i uno nu kalaja'annyo anu binaumo nu mian salatan pe'e mae i Asa Tuuanyo. Panyo tampat ponsomban pilogot haha aijo' madi' ingideannyo. Aha mian da'isan daagi' saja' monsombahkon koloban ka' kamangian i tampat aijo'. I Yosafat nombaumo manjoo' hondo na kapal Tarsis da mamba mongala mosoni' kiijo' mae i Ofir, panyo' kapal haha aijo' madi' jadi namba tinalabut kalana na'idekmo kiijo' i Ezion-Geber. I Tomundo' Ahazia anu lengkat mae i Israel nonsale'imo da anu mokalaja i kapalnyo mamba hingga-hinggat tiba anu mokalaja i kapal hi Yosafat, panyo i Yosafat madi' mongka'oho' padahan ia mompaha sumbu hondo tiba tomundo nu aha Israel. Salatan i Yosafat sinilakamo ia i lamunmo i tampat pinolamunan to tomu-tomundo' i kota' Daud. I Yoram anaknyo na tinimbali tomundo nombolosakon ia. Sisikon sangga'at mongkona i Yosafat, mongkona kabaniannyo ka' ia lewa' mahampate tinulismo i Kitab Sisikon nu to Tomu-tomundo' nu Yehuda. Tempo'nyo aitu lipu' Edom madi'mo ko tomundo'nyo. Anu mompalentah i kiijo' samian na kapala da'erah.

1 TOMU-TOMUNDO' 3:14

Ka' de beleyum sumo tuuma nu beleyum i Daud, montuluti Aku ka' mombatuki atulan-Ku iwi-iwi', Ku bee'i na beleyum tuumu' mantan na umun.”

1 TOMU-TOMUNDO' 3:6

Tinaaman i Salomo, “O Tumpu, Belento nompotoamo mae taalu' totu-totu'u ahi' na Belento mongkalibosi tuumangku i Daud, posaihon nu Belento aijo'. Ia ma'ima' ka' hodi' na kinyonyoanyo, ka' montuluti hondo Belento, Ka' salaku pombalosi nu Belento taalu' belento saja' ahi' mongkalibosi ia, belento nombee'imo ia samian na anak mo'ane anu tempo' uuka aiya nompalentahmo nombolosakon ia.

1 TOMU-TOMUNDO' 8:25

Belento mule' nojanji'mo hi tuumangku tukoonto de lee'nyo mae totu-totu'u tulu-tulutan hi Belento susumo Ia, jadi daagi' saja' ko samian lee'nyo mae anu timbali tomundo' hi aha Israel. Uuka aiya o Tumpu Allah Israel, ganapimo mae iwi-iwi' na anu jinanji'mo nu Belento hi tuumangku i Daud, posaihon nu Belento aijo'.

1 TOMU-TOMUNDO' 8:61

Tionyo ahi' belemiu, mian anu palesayamo hi Ia saja' ahi' tulu-tulutan hi Tumpu, Tumpu Allah-nto ka' montuluti atulan-Nyo iwi-iwi' susumo anu binaumo nu belemiu sinaa aiya.”

1 TOMU-TOMUNDO' 9:4

De totu-totu'u na kinyonyoa nu beleyum palesaya hi beleng-Ku hodi' totu-totu'u na kinyonyoa nu beleyum susumo tuuma nu beleyum i Daud, ka' beleyum montuluti totu-totu'u atulan-Ku ka' palentah-ngku haha aijo',

2 TOMU-TOMUNDO' 12:3

Me moko sala'nyo, tampat posomban pilogot madi' ingideannyo, sahingga mian da'isan daagi' saja' monsombahkon koloban ka' mompapu kamangian i kiijo'.

2 TOMU-TOMUNDO' 12:4

Daagi' kino sansinaan i Yoas nolagamo to ima-imam ka' pinoto'inyomo na aha monguna' doi anu o humpak hi aha anu toka mae monsombahkon i Laigan nu Tumpu, mau doi pombayan anu pongulus koloban, kabai doi anu halala' na nu bee' mae nu aha.

2 TOMU-TOMUNDO' 14:3

I Amazia nombaumo anu momposanang kinyonyoa nu Tumpu, panyo ia madi' sumo i Daud mompolee'nyo mae.

2 TOMU-TOMUNDO' 14:4

Susumo tuumanyo ia madi' lewa' nohobo'akon tampat anu lewa' ponsomban pilogot, sahingga mian da'isan saja' ahi' monsombahkon koloban mompapu kamangian i kiijo'.

2 TOMU-TOMUNDO' 15:35

Panyo moko sala'nyo tampat anu lewa' ponsomban pilogot madi' ingideannyo sahingga mian da'isan saja' ahi' monsombahkon ko koloban ka' mompapui kamangian i kiijo'. I Yotam na mombau Sabatan Daka' sasu Utara i Laigan nu Tumpu.

2 TOMU-TOMUNDO' 15:4

Panyo moko sala'nyo ia madi' nongidei iwi-iwi' na tampat anu lewa' ponsomban pilogot, sahingga mian da'isan saja' ahi' sabole-bole monsombahkon koloban ka' mompapui kamangian i tampat haha aijo'.

2 TOMU-TOMUNDO' 18:22

Suludadu nu Asyur anu matangkas na pangkatnyo aijo' notatae mule', “Kabai ugaat koonyo nu belemiu, belemiu montaha'imani Tumpu, Tumpu Allah nu belemiu? Tempo'nyo i Hizkia nompalentahkon da mian nu Yehuda ka' Yerusalem ola samata-mata monsombah i ahop nu mezbah kiijo' i Yerusalem, te misa anu ingideannyomo aijo'mo mezbah ka' tampat anu lewa' ponsomban Tumpu.

2 TOMU-TOMUNDO' 18:4

Tampat anu lewa' ponsomban pilogot pinaha ideannyomo, ka' pinahahobo'akonnyomo na patong-patong ka' tugu anu pinaha potinjo salaku pontandai Pilogot boune Asyera iwi-iwi' ingideannyomo. Ka' ia mule' nongideimo ulo tambaga anu binau i Musa anu osa-osanggohi i Nehus. Kalana sangkut tinoka i tempo' aitu mian nu Israel daagi' mompapui kamangian bau pongadati ulo tambaga ai-aijo'.

2 TAWARIKH 15:17

Maumo madi' ingko-ingkot na tampat ponsomban pilogot i lipu' aijo' ingidean i Asa, panyo ia tataap tinulu-tulutanmo hi Tumpu i uno nu kantumuu'annyo.

MAZMUR 145:20

Ia monjagai batu-batu mian anu mongka'ima'i, panyo anu ma'idek na kinyonyoa-Nyo nu patei.

MAZMUR 31:23

Salatan aku biningongmo aku nonsangkamo Tumpu nongalinmo aku da majo'onmo hi ahop-Nyo. Panyo ihongo-Nyomo ahi' mae na anu kinakase'kumo tempo'nyo aku nomoitamo tulung hi Ia.

IMAMAT 17:5

Kahanda' nu palentah aijo' da bansa Israel momboa mokiijo' i Kemah nu Tumpu iwi-iwi' na binatang anu osombahkon, kalana biasa nu kolotmo nu aha i pongale'an. Aha tionyo ahi' momboa anu osombahkon aijo' hi imam i ahop nu sabatan nu Kemah nu Tumpu ka' o kolot ikiijo' bau koloban pompodame.

MATIUS 22:37

Tinaaman i Yesus, “Kalibosi na Tumpuum nu kinyonyoaum totu-totu'u, ka' iwi-iwi' na pikilannum.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 14:21

Mian anu montalima to pale-palentah-ngKu ka' mombau, iamo na anu mongkalibosi Aku. Tuumang-Ku mongkalibosi mian anu mongkalibosi Aku. Aku mule' mongkalibosi mian aijo' ka' mompotoa butong-Ku hi ia.”

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 10:13

Kanonongi na Ia ka' sombah na Ia, i uno nu kantumuu'an nu beleyum totu-totu'u. Otuluti iwi-iwi' na palentah nu Tumpu sinaa aiya anu pinotokakon hi belemiu da bau ka'ima'an nu belemiu.

PO'ULE' INGULIT 11:13

Jadi otuluti na palentah haha aiya anu ku poto'i hi belemiu sinaa aiya: Okanonongi, na Tumpu Allah nu belemiu, ka' sombah na Ia nu kinyonyoa anu totu-totu'u.

PO'ULE' INGULIT 30:16

Sinaa aiya ku palentahmo na belemiu da mongkanonongimo Tumpu Allah nu belemiu ka' tulu-tulutanmo hi Ia ka' mule' mombaumo apaa na koonyo nu atulan-Nyo iwi-iwi' ka' palentah-Nyo da mongoa'imo kasanangan ka' timbalimo bansa anu daka'. Tumpu Allah nu belemiu mombalakatimo belemiu i lipu' anu madi'mo daagi' pin baumo kajojoongan nu belemiu.

PO'ULE' INGULIT 30:20

Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

PO'ULE' INGULIT 6:5

Kanonongi na Tumpu Allah nu belemiu, nu kinyonyoa miu anu totu-totu'u; Opotoa i uno nu kantumuu'an nu belemiu ka' i uno nu ko langka-langkas.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

1 SAMUEL 9:12

“Ii' daagi”, tinaaman nu langkoyang haha aijo', “sala'je uuka na ia notulu madi' pinin belemiu tinokamo mae. De belemiu malia' na lumajang, ugaat osampamo nu belemiu. Ia sala'je tinoka i kota kalana sinaa aiya kiita i Mezbah i bungkutnyo daagi' ko anu monsombahkon koloban na aha mian da'isan. To mia-mian anu i laga mongkaan ma'isa mongkaan de ia ma'isa toka, kalana ia na tionyo ahi' mombalakati pe'e koloban aijo'. De belemiu mambamo uuka aiya daagi otokai nu belemiu ma'isa pe'e mindako i bungkutnyo mamba mongkaan.”