1 TOMU-TOMUNDO' 3:28 - KITAB NU TUMPU ALLA LELE MA'IMAI'

²⁸ Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

1 TOMU-TOMUNDO' 3:28 ပူးပေါင်းရင်းမြစ်များ

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

1 TOMU-TOMUNDO' 3:27

Lantas notataemo na i Salomo, “Boli opatei na bunga mea' aijo'! Bee'mo hi boune anu momona aijo' ia na tinanyo.”

1 TOMU-TOMUNDO' 4:1

I Salomo tinimbalimo tomundo' i lipu' nu aha Israel songko-songko.

1 TAWARIKH 29:24

Iwi-iwi' na mian anu ko pangkatnyo salaku pamalentah ka' suludadu toka-toka hi to ana-anak i Daud anu toto momo'ane sangga'at suele mongakui kakuasa'an i Salomo salaku tomundo'.

EZRA 7:25

Utusku Ezra, pake na kapandean bapikin anu binee'mo nu Tumpu Allah hi Beleyum utus, ka' hangkatmo na to pola-polaya' ka' to mia-mian kopian da mompalentah iwi-iwi' mian anu kiijo' i propinsi Efrat sasu Kinsoban anu tinumuu'mo montuluti Atulan nu Tumpu Allah nu Beleyum utus. Tionyo ahi' Beleyum utus mompogulu'akon Atulan aijo' hi iwi-iwi'na mian anu ma'isa monsumbu'.

MAZMUR 72:2

O'amalakon da ia momputusi apa-apaa hi mian anu palesayamo hi Belento obatuki hondo-hondo na atulan, ka' mompokona kaputusan opo adin ahi', hi mian anu sinakisamo.

MAZMUR 72:4

O'amalakon da i tomundo' montinjohi hak nu mian anu nu palentah, montulungi to mia-mian anu kasiasi ka' mompatei anu lewa' monsakisa aha.

NOSABATMO 14:31

Salatan mian nu Israel nontoamo mosia na kodaka'nyo na kuasa nu Tumpu nohungku'imo mian nu Mesir, aha binangangmo hondo sahingga pinalesayamo hi Ia ka' hi Musa, posaihon-Nyo aijo'.

AMSAL 16:10

Tomundo' montalima kuasa lengkat mae hi Tumpu Allah; jadi ia madi' sala' i uno nu kaputusannyo.

AMSAL 24:21

O anaku, okabuhuk na Tumpu ka' oholomati na tomundo. Boli mobobatukan tiba mian anu madi' situju hi aha.

AMSAL 25:2

Tumpu Allah opopodaka' kalana apaa na anu i lahasiakon-Nyomo tomundo oholomati kalana apaa na anu tinaeakonnyomo.

AMSAL 8:15

To tomu-tomundo' ku tulungi na mompojalan palentah, anu ko kakuasa'an kutulungi na montinjohakon ka'adilan.

ANU MOMPOLELE POTATAE NU TUMPU 7:19

Mian anu ko kapandean bapikin mompotimbali lebe baani, nu lingkudui na mian anu balakuasa aha sampulu' i sa'angu' na kota'.

YESAYA 28:6

Tumpu mombalakatimo da adin na to mia-mian kopian ka' mule' da baani na to mia-mian anu monjaga kota' de bisuanyo ko anu mae montumbuhi.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 5:11

Kalana i uno nu kalaja'an nu belento Tuanku daagi' ko samian na mo'ane kinuasanmo nu roh nu to pilo-pilogot anu susui'. Tempo'nyo daagi' tuuma nu belento Tuanku na nompalentah, mian aijo' pande ka' ko bukuti'nyomo, timbali mongalati'i ka' mule' ko kapandean bapikin, anu susumo kapandean bapikin nu to pilo-pilogot. Tuuma nu belento Tuanku i Tomundo' Nebukadnezar nohangkatmo ia tinimbali polaya' nu topo tahi'i tiba anu ko pangatahuan ka' to mia-mian anu ko ilimu'nyo, ka' anu pande na montoa mandala'.

1 KORINTUS 1:24

Panyo kona hi to mia-mian anu ilagamo nu Tumpu – pa' mian nu Yahudi kabai mian misa' Yahudi – lele aijo' salaku jalan nu Tumpu mompotoa kuasa-Nyo tiba kapandean-Nyo.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

KOLOSE 2:2

Iwi-iwi' aijo' ku bau da kinyonyoa nu aha timbali mahoson ka' aha mompaha kali-kalibosi, sahingga aha mahoson na mosa'angu'. Tiba jalan anu sumo aijo' aha totu-totu'u mangalati'mo ka' palesayamo hondo-hondo ka' monsumbu'mo lahasia nu Tumpu, aijo'mo i Kristus.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.

YOSUA 4:14

Sinaa aijo' Tumpu nombaumo hahan anu opalias sahingga bansa Israel nongadatimo i Yosua salaku mian daka'. Sidu-sidutu' i uno nu kantumuu'annyo, aha mongadatimo ia susumo aha nongadatimo i Musa.

1 SAMUEL 12:18

Lantas binalado'amo na i Samuel ka' i sinaamo aijo' na Tumpu nontudunakon mae gohung tiba ujan. Iwi-iwi' na bansa aijo' nabuhukmo hi Tumpu ka' hi Samuel.