1 TOMU-TOMUNDO' 3:26 - KITAB NU TUMPU ALLA LELE MA'IMAI'

²⁶ Salatan nohongomo palentah aijo', tinanyo ahi' anu totu-totu'u nu anak aijo' notataemo, “Ampun kita Tomundo' boli opatei na anak aijo'. Sahanyo bee'mo hi ia.” Tina nu anak aijo' notatae sumo aijo' kalana ia mongkalibosi hondo anaknyo. Panyo' boune sangga'at aijo' notatae, “Ii', sahanyo kolongmo, da kami mau samian madi' mohumpak!”

1 TOMU-TOMUNDO' 3:26 ပူးပေါင်းရင်းမြစ်များ

KAJADIAN 43:30

Kinyonyoa i Yusuf nangada'mo kalana nolibosmo hondo ka' nongkalibosimo utusnyo ise'. Me ise-ise' madi'mo pinoko intimnyo kalana aitu monti-montik ia nambamo ninsoop i uno nu salipi'nyo ka' i humang.

1 TOMU-TOMUNDO' 3:25

Lapas aijo' pinalentahmo i tomundo', “Kolongmo ohua' na bunga mea' anu daagi' tutuu' aijo' ka' toto samian na boune haha aijo' obee'i toto sangkolongan.”

1 TOMU-TOMUNDO' 3:27

Lantas notataemo na i Salomo, “Boli opatei na bunga mea' aijo'! Bee'mo hi boune anu momona aijo' ia na tinanyo.”

MAZMUR 39:3

Aku momohokotmo madi'mo sola' motatae sahingga mosi polugi'mo posi butongku. Ka' kasansala'anku ku oa'i ko boa-boatnyomo;

YESAYA 49:15

Tumpu nontaamimo mae, Ia notatae, “Tetoho' mule' samian na tina nu anak mongkolilimi anaknyo, ka' madi'mo mongkalibosi anak anu kinandungnyomo? Maumo ahi' ia na mongkolilimimo, panyo Aku na madi' ahi' mongkolilimi beleyum!

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

ROMA 1:31

aha madi' mongka'oho' monsumbu' mian sangga'at; aha panggaga, tiba madi' monsumbu' atulan hi sangko mian.

FILIPI 1:8

Tumpu na monsumbu', saba' aku totu-totu'u molibos hondo hi komiu, kalana kalibosan anu tahahumo lengkat mae hi Kristus Yesus.

FILIPI 2:1

Komiu nahosonmo kalana komiu nosa'angu'mo tiba i Kristus. Ka' komiu sinanangmo kalana i Kristus nongkalibosimo komiu! Komiu pinotiju'mo nu Roh nu Tumpu, ka' komiu suele nompaha kali-kalibosimo, ka' nompaha ina-inau'mo kalibosan nu samian ka' samian.

2 TIMOTIUS 3:3

Aha madi' mongkalibosi sangko mian, madi' mongka'ima'i mongampuni, aha mongka'ima'i mombusi-busiki sanggo nu mian sangga'at, mongka'ima'i mompakisa, aha masigo ka' madi' mongka'ima'i ka'ima'an.

1 YOHANES 3:17

De samian anu daagi' ko kangalabian, montoa utusnyo anu madi'mo ko apa-apaa, panyo madi' mongka'oho' montulungi utusnyo aijo', mosia na mian aijo' timbali montaloakon tukoonyo ia mongkalibosi Tumpu?