1 TOMU-TOMUNDO' 3:15 - KITAB NU TUMPU ALLA LELE MA'IMAI'

¹⁵ Salatan nobulamo, sininsumbu'mo na i Salomo taalu' Tumpu Allah binasisikmo hi ia i uno nu ipion. Sahingga ia ninsusule'mo i Yerusalem ka' tinuminjomo i ahop nu peti' palajanjian nu Tumpu ka' nonsombahkon koloban anu opotunu tiba koloban paladamean lapas aijo' ia nombaumo baubauon ka' ilaganyo na to mia-mian anu ko pangkatnyo.

1 TOMU-TOMUNDO' 3:15 ပူးပေါင်းရင်းမြစ်များ

KAJADIAN 28:16

Lantas i Yakub nobulamo aijo' ikina hoyotannyo ka' notatae, “Daagi' ko Tumpu i tampat aiya, panyo aiyaje ka' sinumbu'ku!”

KAJADIAN 31:54

Ia nongkolotmo sa'angu na binatang ka' sinombahkonnyomo aita' i puge'nyo aijo'. Lantas i laganyomo na to mia-mian da mongkaan hingga-hinggat. Noko kaan aha i nale'mo i bungkutnyo aijo'.

KAJADIAN 40:20

Tinoka tolun sinaa, kakona sinaa kinahampean i tomundo, ia nombaumo bau-bauon anu daka' hondo ka' nolagamo iwi-iwi' na anu ko pangkatnyo. Ia nompalentahkon da anu mongkalesang inumon ka' anu mongkalesang roti, osabatakon mae i talungku' ka' oboa mae hi ahop nu aha iwi-iwi' anu ko pangkatnyo i laigan nu tomundo.

KAJADIAN 41:7

Lantas bua' nu gandum anu to kipa-kipak haha aijo' nolonyomo popi-popitu' na bua'nyo nu anu koko antoknyo u'uka. Lapas aijo' i tomundo nobulamo ka' sininsumbu'mo taalu' ia nongipimo.

1 TOMU-TOMUNDO' 3:16

Daagi' kino sansinaan, ua'aha na boune anu saja'masala' tinokamo nangadap hi Tomundo' Salomo.

1 TOMU-TOMUNDO' 8:63

Kakona koloban anu bau pompodame, i Salomo nonsombahkonmo 22.000 na sapi' ka' 120.000 na domba. Sumo aijo' na i tomundo' ka' iwi-iwi' na mian da'isan nombau lamean nomposawe'i Laigan nu Tumpu.

1 TOMU-TOMUNDO' 8:65

I Laigan nu Tumpu aijo' na i Salomo ka' iwi-iwi' mian nu Israel anu pinalesayamo nombau lamean Tahop o atapi nu Hon nu kau', pitunsinaa na kopinnyo. Manjoo' hondo na mian anu tinoka i kiijo' Aha tinoka lengkat mae i da'erah anu majo'on hondo montulu Jalan Hamat sasu utara tinoka-toka ipotempasan tiba Mesir sasu salatan.

1 TAWARIKH 16:3

lantas binagi-baginyomo na anu o kaan hi aha iwi-iwi'. Toto samian na anu i kiijo' maumo mo'ane kabai maumo boune nohumpak sampadot na ponoha' anu tinunuan, roti ka' kukis kismis.

2 TAWARIKH 7:5

Koloban bau pompodame sinombahkon i Salomo 22.000 na sapi', ka' 120.000 na domba. Sumo aijo' na i Tomundo ka' mian da'isan iwi-iwi' nombau lamean salaku tanda laigan anu bau ponsomban Tumpu binee'mo hi Tumpu.

ESTER 1:3

I taun kototolu'nyomo na ia nompalentah, i Tomundo' Ahasyweros nombaumo bau-bauon anu daka' hondo, da molaga iwi-iwi' na anu ko pangkatnyo matangkas tiba to pega-pegawenyo. To tale-talenga' nu Persia tiba Media suele tinoka i bau-bauon aijo', sumo aijo' mule' to gubernur-gubernur tiba to mia-mian anu talasanggo na pangkatnyo kiijo' i propinsi.

YEREMIA 31:26

Toka itempo'nyo aijo' mian motataemo, ‘Salatan binobogonmo na ihoyot ingoa'anku nahosonmo.’

DANIEL 5:1

Daagi' kinosansinaan i Tomundo' Belsyazar nolagamo samadala na mian anu to tangka-tangkas na pangkatnyo da toka mae mongahumi bau-bauonnyo anu talalo hondo talasanggo aijo' ka' lewa monginum anggur.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

MARKUS 6:21

Ahennyo i Herodias nohumpak tempo' inompolabot sinaa nu kinahampean i Herodes. Tempo'nyo aijo' i Herodes nombau lamean ka' nolaga iwi-iwi' na anu ko pangkat matangkas i kalaja'an, to sulu-suludadu ka' mule' to tu'a-tu'anyo nu mian Galilea.