1 TOMU-TOMUNDO' 3:12 - KITAB NU TUMPU ALLA LELE MA'IMAI'

¹² jadi apaa na anu pinoita nu beleyum aijo' Ku ganapimo. Ku potimbalije na beleyum da lebe pande ka' lebe monsumbu' apaa-apaa molingkudui mian iwi-iwi', mau tempo' anu i hikuhakonmo, kabai tempo' anu aiya mae anu o ahopi.

1 TOMU-TOMUNDO' 3:12 ပူးပေါင်းရင်းမြစ်များ

1 TOMU-TOMUNDO' 2:6

Jadi, anaku, tionyo ahi' o hukum na ia ka' baumo apaa na anu nu oa'i ma'ima', boli opojohok na ia silaka susumo silaka biasa.

1 TOMU-TOMUNDO' 2:9

Panyo uuka na anu ku potuun hi beleyum: boli opobebas na ia hi hukuman. Ku sumbu' na beleyum pande hondo; jadi mau mule' ia i langkai'mo hondo sabole-bole o usahakon da ia o be'i hukuman mate.”

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

1 TOMU-TOMUNDO' 5:12

Tumpu nompodaagi'mo janji'-Nyo ka' nombee'imo kapandean hi Salomo. I Hiram ka' i Salomo nompaha sumbu'mo ima-ima'. Ka' aha ua'aha aijo' nombaumo palajanjian.

1 TOMU-TOMUNDO' 5:9

To mia-miankuje na momboa kau' haha aijo' otudunakon lengkat mae i Libanon mokaiyong i ambai. I kiijo' batang nu kau' haha aijo' nu botokje nu aha susumo aki'an ka' oloyoje nu aha monduhuk bone' mamba i tampat anu pinoto'imo nu belento Tuan. Toka i kiijo' aki'an haha aijo' o tatakije ka' obee' hi to mia-mian nu belento Tuan na molausakon pakalaja'an aijo'. Ola ahi' belento Tuan ku poita da belento Tuan montoukai anu o kaan nu to mia-mian anu mokalaja hi belengku i laigan nu tomundo'.”

1 TAWARIKH 29:25

Binaumo nu Tumpu na mian da'isan da mompuji' i Tomundo' Salomo ka' mompotimbalimo ia tomundo' anu talalo talasanggo molingkudui to tomu-tomundo' maumo pa' iya mae anu toho'mo nompalentah Israel.

2 TAWARIKH 2:12

O puji' na Tumpu Allah nu Israel, anu Nompotimbalimo langit ka' tano'! Ia nombee'imo samian na anak mo'ane anu pande hondo hi Daud, ka' mule' malia' na bapikin, ka' manjoo' na anu nu pangalati'i, anu tempo' uuka aiya mogogia'mo mombau Laigan nu Tumpu, ka' sa'angu' na laigan nu tomundo bau kajojoongannyo.

NEHEMIA 13:26

Pinoto'ingkumo, “Te misa' dosa' aiya suele binaumo i Tomundo' Salomo? Madi' ko tomundo' anu i dunia aiya na lebe daka' molingkudui ia. Tumpu Allah mongkalibosi hondo ia ka' nompotimbalimo ia tomundo' nu aha songko-songko na Israel. Maumo sumo aijo' ia pagalamo sinale'an nu to bou-boune bansa anu i salipu'an da mombaumo dosa'.

MAZMUR 10:17

O, Tumpu Belento nohongomo do'a nu mian anu madi' mingkaliangan na kantumuu'annyo ka' nompohosonmo kinyonyoa nu aha.

AMSAL 2:6

Tumpu Allah na mombee'i kapandean bapikin; lengkat mae hi Ia na pohumpakan nu manusia ilimu' ka' timbali moko ala mangalati'.

ANU MOMPOLELE POTATAE NU TUMPU 1:13

Pinagala sinelidikanku ka' nonggulu'i ima-ima' apaa na anu jinadimo i dunia aiya. Nasib anu pinosadiamo nu Tumpu Allah hi kita nonsaduakonmo da kinyonyoanto sinusa'mo hondo.

ANU MOMPOLELE POTATAE NU TUMPU 1:16

Ku tutugi, “Aku aiya tinimbalimo anu o'angga'i ka' pinandemo majo'on na pompala'inyo nu kapandeanku de obandingakon hi iwi-iwi' na mian anu nompalentahmo i Yerusalem anu ma'isa pe'e kino akunyo. Manjoo' na anu ihumpaku na kapandean tiba ilimu'.”

YESAYA 65:24

Ma'isa pe'e aha mongkakase mae, Ku taamimo na aha, ma'isa pe'e aha lapas na balado'a, Ku talimamo na do'a nu aha.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

MATIUS 12:42

I Sinaa Kiamat, tomundo boune lengkat mae i tano' sasu Salatan, saidi' mae po'ule' tumuu' tiba to mia-mian tempo' uuka aiya ka' montutuk aha. Kalana da mohongo pangajalan i Salomo anu pande, tomundo boune aijo' nambamo itano' anu majo'on hondo lengkat i puus nu tano'. Panyo i aiya tempo' uuka daagi' ko anu daka' molingkudui Salomo!”

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

PO'ULE' INGULIT 34:9

Tumpu nombee'imo kapandean hi Yosua anak i Nun, kalana ia i hangkatmo i Musa mombolosi ia. Bansa Israel tulu-tulutan hondo hi Yosua ka' nombaumo iwi-iwi' na anu pinalentahkonnyomo, anu binee'mo nu Tumpu hi Musa lantas pinotokakonnyomo hi aha.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.