1 TOMU-TOMUNDO' 22:8 - KITAB NU TUMPU ALLA LELE MA'IMAI'

⁸ Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

1 TOMU-TOMUNDO' 22:8 ပူးပေါင်းရင်းမြစ်များ

KAJADIAN 37:8

“Nu sumbu' beleyum timbalimo tomundo ka' mompalentahmo kami?” tinaloakon nu to utu-utusnyo tu'a. Lantas nompaka ka'idekimo mule' na aha ia, kalana ipionnyo ka' kalana apaa na anu sinisiknyomo.

1 TOMU-TOMUNDO' 18:4

Tempo'nyo i Izebel nompateimo to nabi-nabi nu Tumpu, i Obaja aiya na nontulungi aha 100 na nabi pinosuluknyo i uno nu liang – 50 na mian i sa'angu' na liang – ka' nombee'i aha anu o kaan ka' anu o inum.)

1 TOMU-TOMUNDO' 19:10

Tinaaman i Elia, “O Tumpu, Tumpu Allah Anu Daka' na kuasanyo, aku saja'mo nokalaja ola samata-mata mombau anu nu palentahkon. Panyo mian nu Israel anu pinalesayamo nolanggaimo palajanjian nu aha hi belento Tumpu. Aha nohobo'akonmo mezbah nu Belento ka' nompateimo to nabi-nabi nu Belento. Me aku sausa' na daagi' aiya tinumuu', ka' uuka aiya aha kahanda'mo mompatei aku!”

1 TOMU-TOMUNDO' 19:14

Tinaaman i Elia, “O Tumpu, Tumpu Allah Anu Daka' na kuasa'nyo, aku saja'mo nokalaja ola samata-mata mombau anu o palentahkon nu Belento. Panyo' mian nu Israel anu pinalesayamo hi belento nolanggaimo palajanjian nu aha hi belento. Aha nohobo'akonmo mezbah nu belento ka' pinaha pateanmo nu aha na iwi-iwi' na nabi nu belento. Me aku aiya sausa' na daagi' tutuu', ka' uuka aiya aha kahanda'mo mompatei aku!”

1 TOMU-TOMUNDO' 21:20

Salatan i Ahab nontoamo i Elia, ia notataemo, “Osampo bali', ahennyo beleyum nohumpakmo aku!” “Totu'u,” na koonyo i Elia. “Kalana Belento Tuan totu-totu'u ahi' na kinyonyoa nombau anu ma'idek hi mata nu Tumpu,

1 TOMU-TOMUNDO' 22:13

Tempo'nyo aitu mian anu sinai mamba mompoboa i Mikha, nompoto'imo hi Mikha, “Iwi-iwi' na nabi sangga'at nompoto'imo ka'untungan mahampate anu jadi hi tomundo' aiya mae i ahop. De timbali belento Tuuma suele mompoto'i anu ma'ima' na jadi aiya mae i ahop susumo hi aha.”

1 TOMU-TOMUNDO' 22:18

Lantas notataemo na i Ahab hi Yosafat, “Misa' totu'u ahi' na anu tinaloakonku? Madi' toho' ia mompoto'i mae anu ma'ima' hi belengku apaa na anu jadi aiya mae i ahop! Saja' anu toto ide-idek!”

1 TOMU-TOMUNDO' 22:27

Poto'i hi aha da oposoopmo na ia i talungku', ka' boli oponjoo' na mombee'i mongkaan ka' monginum sampe aku minsusule'mo mae ma'i-ma'ima'.”

1 TOMU-TOMUNDO' 22:7

Panyo i Yosafat daagi' nompokilawa, “Pa' aiya mae madi' mo ko nabi sangga'at bau pompokilawanto?”

1 TOMU-TOMUNDO' 22:9

Sahingga ilagamo i Ahab na anu ko pangkatnyo mokalaja hi tomundo' lantas sinainyomo na ia da sampa mamba mompoboa i Mikha.

2 TOMU-TOMUNDO' 9:22

“Pa' Belento toka mae sumo salaku sangalu?” na koonyo i Yoram, hi Yehu. Tinaaman i Yehu, “Misa' sumo sangalu, de i aiya daagi' ko sando manjoo' ka' daagi' ko ponsomban pilogot anu tinampu'unanmo i Izebel tina nu beleyum aijo'?”

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

MAZMUR 34:21

Butongnyo tataap nu jagai nu Tumpu, ka' bukunyo mau pe'e sa'angu' madi' ko anu opato'akon.

AMSAL 15:12

Mian anu lewa' mongka'ima'i mongalu madi' mongka'oho' otewa'; ia madi' mongka'oho' momoita pokinde' hi mian anu pande.

AMSAL 29:10

Mian anu madi'tageo' na kinyonyoanyo nuka'ideki nu mian anu ka'oho mompatei, panyo nusangaja'i nu mian anu manonong.

AMSAL 9:8

Boli mongalu miana nu madi' mongka'oho' opogulu', saidi' mae nu ka'idekimo na beleyum. Panyo de mian anu pande na nu poto'i na kasala'annyo nu akuimo na beleyum.

YESAYA 3:11

Panyo silakamo na mian anu ma'idek na kinyonyoanyo! Aha osakisamo susumo aha nonsakisamo mian sangga'at.

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

YEREMIA 36:23

Salatan totolu'mo kabai opatmo nakalimat na binasa'akon i Yehudi, ingalamo itomundo' ka' sinayu'annyomo na bahagian aijo' nu piso' ise-ise' ka' ingalinnyomo i uno nu apu. Sumo aijo'mo na saja' binaunyo sampe iningkot na kitab anu ilulun ai-aijo' nopapu.

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

AMOS 5:10

Belemiu mongka'ideki mian anu molawan mian anu madi' koka'adinan ka anu motatae madi' tageo' i uno nu pomputusian palakala.

MIKHA 2:11

Belemiu mongkahanda'i nabi anu mongka'ima'i baleko' ka' mongakali ka' lewa' mongkila-kila tukoonyo belemiu mohumpakmo anggur tiba inumon manjoo' hondo anu molangui.”

MIKHA 2:7

Boli monsangka aha mian nu Israel nu kutukimo nu Tumpu! Tumpu madi' mombau hahan anu sumo aijo'. Ia madi' toho' ka' madi' nu bau na kasabanan-Nyo. Temisa' Ia na madi' ahi' motatae ko pesa-pesa hi to mia-mian anu mombau han anu totu'u?”

ZAKHARIA 11:8

Aha totolu na topolaya' potuu'on nongka'idekimo mae aku, sahingga madi'mo kinokasabalanku. Ola sina'angu' na bitu'on aha ilaa'kumo.

MATIUS 10:22

Iwi-iwi' na mian mongka'ideki komiu, kalana komiu mombatuki Aku. Panyo mian anu batahan toka i mihinyo, oposalamat.

YOHANES 17:14

Aku nompoto'iakonmo hi aha potatae nu kita Tuuma, ka' dunia nongka'idekimo aha, kalana aha misa' anu nu dunia, pokakana sumo Aku suele misa' anu nu dunia.

YOHANES 7:7

Dunia aiya madi' toho' mongka'ideki komiu. Panyo Aku memang nu ka'ideki nu dunia, kalana Aku saja' montaloakon i dunia kalakuannyo aijo' ma'idek.

GALATIA 4:16

Te komiu uuka monganggapmo aku sumo sampo bali', kalana aku monsisikakonmo anu totu'u hi komiu?