1 TOMU-TOMUNDO' 22:31 - KITAB NU TUMPU ALLA LELE MA'IMAI'

³¹ Tempo'nyo aitu aha tolumpulu' ka' ohua' na talenga' anu mongkapalai gombuan nu suludadu anu sinumake' i kareta bau pahampate nu aha mian Siria pinalentahmo nu tomundo'nyo da samata-mata ola tomundo'nyo nu aha Israel na otumbuhi.

1 TOMU-TOMUNDO' 22:31 ပူးပေါင်းရင်းမြစ်များ

KAJADIAN 19:11

Aha nompopisokmo iwi-iwi' na mata nu mian anu i sambiha' nu laigan aijo', sahingga mian haha aijo' madi'mo daagi' noko ala nontoa-toa sabatan.

2 SAMUEL 17:2

Ia kutumbuhije de malawemo na ia ka' hentemo na kinyonyoanyo. Ku potolokengkengje na ia sahingga mopalaimo na suludadunyo iwi-iwi'. Ola i Tomundo' Daud na ku patei.

1 TOMU-TOMUNDO' 20:1

Daagi' kinosansinaan i Benhadad, tomundo' nu Siria nomposihukmo suludadunyo iwi-iwi', tiba aha 32 na tomundo' sangga'at ka' kereta anu bau pahampate, ka' kuda nu aha, lantas tinumbuhannyomo na kota Samaria.

1 TOMU-TOMUNDO' 20:16

Nontumbuhi tinampu'unan sina-sinaa tempo'nyo i Benhadad ka' 32 na tomundo' anu nonsangaja' tiba ia aijo' hau-haunyo lewa' batawa' sampe aha nalangu i kemah nu aha.

1 TOMU-TOMUNDO' 20:24

Sahanyo uuka aiya aha to tomu-tomundo' anu 32 aijo' obolosimo nu posi to sulu-suludadu nu belento Tomundo' anu toto tangka-tangkas na pangkatnyo.

1 TOMU-TOMUNDO' 22:32

Jadi salatan tinoamo nu aha na i tomundo' Yosafat, aha iwi-iwi' nonsangkamo tukoonyo nu aha, aijo'mo na tomundo' nu Israel. Kalana aijo' tinumbuhanmo nu aha na ia.

2 TAWARIKH 18:30

Tempo'nyo aitu to tale-talenga' nu suludadu sinumake' i kareta anu bau pahampate nu aha Siria pinalentahmo nu tomundo'nyo da anu otumbuhi ola samata-mata tomundo nu Israel.

YEREMIA 16:6

Mian anu kaya tiba mian anu kasiasi ilipu' aiya saidi' mae de silakamo madi'mo daagi' ko anu molamun aha. Madi'mo daagi' kosamian anu monsakisa butongnyo kabai mongkis ubaknyo salaku tanda susa' kalana ko anumo sinilaka na aha.