1 TOMU-TOMUNDO' 22:24 - KITAB NU TUMPU ALLA LELE MA'IMAI'

²⁴ Sahingga nokiijo'mo na i Nabi Zadekia nongohani i Mikha, lantas i hapa'nyomo na ohupnyo lantas notatae, “Madi' toho' na Roh nu Tumpu mompala'imo aku ka' monsampo sisikmo beleyum?”

1 TOMU-TOMUNDO' 22:24 ပူးပေါင်းရင်းမြစ်များ

SISIKON NU TO RASUL-RASUL 23:2

Tempo'nyo i Paulus notatae sumo aijo', Imam Daka' i Ananias nompokaumo mian anu tinjo-tinjo i sasu hi Paulus nohapa' nganga' i Paulus.

MIKHA 5:1

Tumpu notatae, “O, Betlehem Efrata beleyum sala'sa'angu' na kota' anu ise' hondo i daerah Yehuda! Panyo atina' hi beleyum Ku hangkatmo na samian anu mongkuasai Israel anu pinolengkatannyo mae daagi' pe'e naipuan mae.”

MOHAANGI 3:30

Maumo ohapa' ka' lewa' opobau-bau, iwi-iwi' aijo' otalimanto mo ahi'.

YOHANES 15:20

O'inau' apaa na anu tinaloakonKumo hi komiu, ‘Botuan madi' lebee daka' molingkudui tuannyo.’ De aha monsakisamo Aku, aha mule' monsakisa suele komiu. De aha mombatuki pangajalan-Ku, aha suele mombatuki pangajalanum.

YOHANES 15:18

“De dunia mongka'ideki komiu, o'inau' taalu' Aku polo'mo momoonanyo kina'idekan nu dunia.

MARKUS 14:65

Lantas to pia-piangkuka na mian nontampu'unimo nontupe'i Yesus, ka' aha nongkukubi mata-Nyo ka' nondoke Ia, lantas notatae, “Soba tili'i, ihena nondoke Beleyum?” To sulu-suludadu suele nohapa'mo i Yesus.

MATIUS 26:68

ka' notatae, “Soba tili'i ka' poto'i hi kami, o Tomundo anu Momposalamat! Ihe na anu nohapa' Beleyum?”

MATIUS 5:39

Panyo uuka Aku motatae hi komiu: Boli mombalosi idek hi mian anu mombau idek hi komiu. Ola ahi' de mian mohapa' gagisingum anu i koanan, pojohok da ia mohapa' gagisingum anu i kowi suele.

1 TOMU-TOMUNDO' 22:11

Sala samian na nabi haha aijo' sanggonyo i Zedekia anak i Kenaana, nombau tanduk, besak na tinutuk, lantas pinoto'inyomo hi Ahab, “Aiyamo na anu kokoonyo nu Tumpu, 'Tiba tanduk anu susumo aiya na bau pompatei nu belento Siria ka' bau pohopu'i aha.’ ”

SISIKON NU TO RASUL-RASUL 23:3

Sahingga i Paulus notatae hi Imam Daka' aijo', “Tumpu tantu mohapa'je beleyum; mian geguan anu mimpula-pula susi'! Beleyum sinumuhang i kiijo' momputusi aku susumo atulan i Musa, padahan posi beleyum nolanggaimo atulan aijo' kalana nompokaumo mian mohapa' aku!”