1 TOMU-TOMUNDO' 22:22 - KITAB NU TUMPU ALLA LELE MA'IMAI'

²² 'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

1 TOMU-TOMUNDO' 22:22 ပူးပေါင်းရင်းမြစ်များ

1 TOMU-TOMUNDO' 13:18

Sahingga nabi anu i langkai'mo aijo' lengkat mae i Betel nombaleko'imo ia, ia notatae “Aku suele nabi susumo Belento. Tumpu nompalentahmo mae malaekat da mompokau aku molabot ka' mombee'i mongkaan Belento i laiganku.”

1 TOMU-TOMUNDO' 22:20

Tumpu nompokilawamo, 'Ihe na moko ala mamba pagala monsale'i i Ahab da ia mongka'oho' mamba mahampate da ia matemo mae i kiijo' i Ramot i da'erah Gilead?' Malaikat haha aijo' nontaami madi' pokakana samian ka' samian.

1 TOMU-TOMUNDO' 22:21

Ahennyo tinokamo na malaikat samian. Ia nokiijo'mo oha-ohani hi Tumpu ka' notatae, 'Akuje na pagala monsale'i ia.'

2 TOMU-TOMUNDO' 3:13

“Kadaka' momoita tulungmo hi belengku?” na koonyo i Elisa hi tomundo' Israel. “Lako'mo ahi' mamba hi to nabi-nabi nu tu'anyo nu belemiu!” “Madi'!” na koonyo i Yoram. “Kalana Tumpu na nongusahakon da kami totolu' obee'mo hi tomundo' Moab.”

AYUB 1:12

Jadi pinoto'imo nu Tumpu hi Anu Monggoda aijo', “Ma'ima'mo desumo itina', baumo pa' oposiamo na kakaya'an i Ayub iwi-iwi' asan boli oko mondoke ia.” Lantas Anu Monggoda aijo' nambamo pinala'iannyomo na Tumpu.

AYUB 12:16

Tumpu Allah aijo' mahoson, madi' opoko ala ohungku'i ka' talasanggo! Anu saja' mongakali ka' anu ingakalanmo mati aluk i kakuasa'an-Nyo.

MAZMUR 109:17

Ia sanang hondo na mongkutuki; bakas da ia nukona nu kutuk! Ia madi' sanang na mombalakati, Bakas da ia madi' mohumpak balakat!

YESAYA 19:14

Tumpumo na nombau aha da jinadi mian anu lewa' mompokinde'i ola-ola mompobingung mule'. Ahennyo mae Mesir sinala'mo iwi-iwi' ka' tinombabihing mo susumo mian anu nalangumo ka' tinongkelejutmo kalana ilenda'mo nu lua'annyo.

YEHEZKIEL 14:9

De samian na nabi ingakalanmo sahingga montaami sala'mo. Akumo ahi' na nongakali. Aku, Tumpu Anu Matangkas na Kuasanyo monsabatakonje ia da bolimo maninggalum tiba aha to mia-mian nu Israel.

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

1 TIMOTIUS 4:1

Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,

1 YOHANES 4:6

Panyo kita to ana-anakmo nu Tumpu; ka' mian anu nonsumbu'mo Tumpu, nohongomo potataento. Mian anu misa' anu nu Tumpu, madi' nohongo potataento. Sumo aijo' na balu-balu'nyo kita monsumbu' pompahasala'an nu Roh anu mombee'i pangajalan anu totu'u, ka' roh anu madi' totu'u.

ANU PINOTO'I HI YOHANES 13:14

Ka' iwi-iwi' mian anu tumuu' i dunia ingakalannyomo nu hahan anu okabangangi anu nupoko ala nubau i ahop nu binatang anu i momona aijo'. Ka' aha iwi-iwi' pinokaunyomo nompotinjo sa'angu' na patong nu binatang anu binelanmo nu bajak, panyo tataap tumuu'.

ANU PINOTO'I HI YOHANES 17:17

Kalana Tumpu na nompotuka'mo i kinyonyoa nu aha da mombaumo tanga'an nu Tumpu. Tumpu nomposa'angu'mo tanga'an nu aha da mombee'mo kakuasa'an nu aha hi binatang aijo', da binatang aijo' mompalentahmo sahingga timbalimo apaa na anu tinaloakonmo nu Tumpu.

ANU PINOTO'I HI YOHANES 20:10

Lapas aijo' Ibilis anu nongakalimo aha aijo', i lumbu'akonmo i uno nu apu anu sumo ndalangon ka' belelang. I kiijo'mo na tampatnyo nu binatang ka' nabi anu madi' totu'u aijo' ingalin momonanyo. Aha sinakisamo sinaa ka' malom sampe toka sidu-sidutu'.

ANU PINOTO'I HI YOHANES 20:3

Lapas mae malaikat aijo' nongalinmo ulo anu daka' hondo aijo' i uno nu keles kapatean, lantas nonggunsingmo keles kapatean aijo' ka' sinegennyomo na ulo anu daka' hondo aijo' da madi'mo daagi' moko ala mongakali to bansa-bansa i uno nu tempo' samadala na taun na kopinnyo aijo'. Lapas aijo', ia opolapasmo ka' tempo'nyo madi'mo pin.

ANU PINOTO'I HI YOHANES 20:7

De lapasmo na tempo'nyo samadala na taun aijo', Ibilis o lapasakonmo i pinontalungku'an,

TO MIA-MIAN KOPIAN 9:23

Lantas Tumpu nompotimbalimo da nahantuda' na i Abimelekh tiba aha mian nu Sikhem sahingga aha madi'mo nohongo-hongo Ia.

1 SAMUEL 16:14

I Saul pinala'ianmo nu Roh nu Tumpu, ka' uuka aiya ia saja'mo nu soku'i nu roh anu ma'idek anu nu sai mae nu Tumpu.

1 SAMUEL 18:10

Dodododopnyo i Saul kiijo' ilaigannyo hau-haunyo montoongi talombo'nyo, monti-montiik ia sinoku'anmo nu roh anu ma'idek, anu sinai mae nu Tumpu Allah, sahingga ia notomuhukmo susumo mian anu ingulawonmo. Tempo'nyo aitu i Daud hau-haunyo nongkuti'mo kasapi' susumo anu lewa' nu bau.

1 SAMUEL 19:9

Gaagi kino sansinaan i Saul hau-haunyo suha-suhang kiijo' i laigannyo totoong na talombo'nyo monti-montik i Saul sinoku'anmo mule' nu roh anu ma'idek anu sinai mae nu Tumpu. Tempo'nyo aitu i Daud hau-haunyo mongkuti' kasapi'nyo.