1 TOMU-TOMUNDO' 22:16 - KITAB NU TUMPU ALLA LELE MA'IMAI'

¹⁶ Tinaaman i Ahab, “De beleyum motatae hi belengku i uno sanggo nu Tumpu, yo poto'imo mae ahi' apaa na anu memang totu'u. Te pimpianje na aku mompokinde'i beleyum i han susumo aiya?”

1 TOMU-TOMUNDO' 22:16 ပူးပေါင်းရင်းမြစ်များ

1 TOMU-TOMUNDO' 22:15

Salatan i Mikha tinokamo hi ahop i Tomundo' Ahab, i tomundo' nompokilawamo, “Pa' timbali na aku tiba i Tomundo' Yosafat mamba montumbuhi Ramot, kabai madi'?” “Tumbuhimo!” na koonyo i Mikha. “Mohumpakmo ka'untungan na mahampate. Tumpu na mombee'i ka'untungan mahampate hi belento Tomundo'.”

1 TOMU-TOMUNDO' 22:17

Binalosan i Mikha, “Tinoangku na suludadu nu Yizreel nosungke-sungkehetmo i bungkutnyo haha aijo'. Aha susumo domba anu madi'mo ko polaya'nyo, ka' tinaloakonmo nu Tumpu na aha, 'Mian haha aiya madi'mo daagi' ko polaya'nyo pobakasmo da aha minsusule'mo mae ma'i-ma'ima'.’ ”

2 TAWARIKH 18:15

Tinaaman i Ahab, “De beleyum nompoto'i mae sumo itina' hi belengku koonyo nu beleyum i uno nu sanggo nu Tumpu yo poto'i mae ahi' apaa sabenannyo na anu sahondo-hondonyo. Pimpianje na beleyum ku pokinde'i i han anu sumo aijo'?”

YEREMIA 23:28

Nabi anu nongipimo sabenannyo ahi' mompoto'i, ‘Aiya ola anu ingipi.’ Panyo nabi anu nohumpakmo potuunon lengkat mae hi beleng-Ku na tionyo ahi' mompoto'i potuunon aijo' tiba sahondo-hondonyo. Gandum madi' timbali opokakanakon tiba hatinyo.

YEREMIA 37:17

Lapas aijo' i Tomundo' Zedekia nompalentahmo mian da momboa aku mangadap hi ia ilaigan nu tomundo'. Ikiijo' pinohowininyo na ia nompokilawa mae hi belengku pa' daagi' ko potuunon lengkat mae hi Tumpu. “Daagi',” na koongku. Lantas po ule' mule' aku notatae, belento “Tomundo' obee'mo hi tomundo' Babel”.

YEREMIA 38:14

Daagi' kinosansinaan sangga'at, i Tomundo' Zedekia nompalentahmo mian da momboa aku mangadap hi ia i sabatan daka' anu ko totolu'nyo i Laigan nu Tumpu. Ia notataemo mae hi belengku, “Aku mompokilawamo hi beleyum ka' beleyum tionyo ahi' montaami mae nu pontaami anu sahondo-hondonyo. Boli ko anu opohowini.”

NOMBILANGMO 22:38

Tinaaman i Bileam, “Jadi, uuka aiya aku tinokamo mae. Panyo aku madi' ko hak montaloakon apa-apaa, boli mompiakon apaa na anu nupokauhakon nu Tumpu Allah, aijo' na ku taloakon.”

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

MARKUS 5:7

Tiba potatae anu daka' ia noloboo', “Yesus, Anak nu Tumpu Allah anu Talalo Matangkas na Kuasa-Nyo! Nu posiamo na aku aiya? Tiba sanggo nu Tumpu ku poita, bolimo monsakisa aku!” (

SISIKON NU TO RASUL-RASUL 19:13

Daagi' ko to pia-piangkuka na sando nu Yahudi anu namba iyaya mae, molaa' roh ma'idek hi to mia-mian. To sando-sando haha aijo' monsoba-soba suele mompake sanggo nu Tumpu Yesus da molaa' roh nu setan aijo'. Aha notatae hi roh-roh nu setan aijo', “Tiba sanggo i Yesus anu pinolele i Paulus aijo', aku molaa' komiu!”

YOSUA 6:26

Tempo'nyo aijo' i Yosua nompoto'imo palentah madi' mompobee' sumo uuka, “Maumo pa' ihe na ko kahanda' po'ule' mombau kota aiya, mohumpak kutuk nu Tumpu. Ihe na mombau mesennyo bau pompotinjoan kota aiya anaknyo tumpe sila kamo; ka' ihe na mombau sabatannyo anu to daka-daka', anaknyo tampalui' silakamo.”

1 SAMUEL 14:24

I sinaa aijo' aha to mia-mian nu Israel kahomo i lundeng kalana no'ohopmo, kalana i Saul binasumpa'mo sumo uuka, “Mohumpak kutuk na mian de mongkaan maumo pa' apaa, sinaa aiya de ma'isa pe'e ku balosakon na sampo bali'ku.” Kalana aijo' madi'mo kino samian pe'e na nongkaan i sinaa aijo'.