1 TOMU-TOMUNDO' 22:14 - KITAB NU TUMPU ALLA LELE MA'IMAI'

¹⁴ Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na pinoto'imo nu Tumpu hi belengku!”

1 TOMU-TOMUNDO' 22:14 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 18:10

I uno nu sanggo nu Tumpu anu tumuu', Tumpu Allah anu osombah nu belento Tuuma, aiya ku poto'i saba' i tomundo' nompalentahmo aku molio belento Tuuma iyaya mae. De i sa'angu' na lipu' pamalentahnyo motatae tukoonyo belento Tuuma madi' ko anu aiya mae, sabole-bole tionyo nu poita i Ahab da pamalentah nu lipu' aijo' basumpa' de memang totu-totu'u belento Tuuma madi' ko anu kinabot kiijo' mae.

1 TOMU-TOMUNDO' 18:15

Tinaaman i Elia, “I uno nu sanggo nu Tumpu, Tumpu anu daka' na kuasa'nyo anu kuku hongo na palentahnyo, sinaa aiya posi akumo na mangadap hi tomundo'.”

1 TOMU-TOMUNDO' 22:13

Tempo'nyo aitu mian anu sinai mamba mompoboa i Mikha, nompoto'imo hi Mikha, “Iwi-iwi' na nabi sangga'at nompoto'imo ka'untungan mahampate anu jadi hi tomundo' aiya mae i ahop. De timbali belento Tuuma suele mompoto'i anu ma'ima' na jadi aiya mae i ahop susumo hi aha.”

YEREMIA 23:28

Nabi anu nongipimo sabenannyo ahi' mompoto'i, ‘Aiya ola anu ingipi.’ Panyo nabi anu nohumpakmo potuunon lengkat mae hi beleng-Ku na tionyo ahi' mompoto'i potuunon aijo' tiba sahondo-hondonyo. Gandum madi' timbali opokakanakon tiba hatinyo.

YEREMIA 34:6

Sahingga potuunon nu Tumpu aijo' pinotokangkumo hi Tomundo' Zedekia kiijo' i Yerusalem.

YEREMIA 42:4

Tinaamanku, “Ma'ima'mo de sumo itina', ku situjui apaa na anu kinakakasemo nu belemiu atina'. Aku balado'amo hi Tumpu Allah-nto, ka' pa' apaa na pontaami-Nyo mae ku sisikje iwi-iwi'; maumo sa'angu' madi' ku pohowini hi belemiu.”

NOMBILANGMO 22:18

Panyo tinaaman i Bileam, “Maumo iwi-iwi' na salaka ka' mosoni anu kiijo' i laigan nu Tomundo Balak na pombayan aku, aku madi' timbali molanggai palentah nu Tumpu, Tumpu Allah anu ku sombah Maumo ola hahan anu ise' madi' timbali ku bau.

NOMBILANGMO 22:38

Tinaaman i Bileam, “Jadi, uuka aiya aku tinokamo mae. Panyo aku madi' ko hak montaloakon apa-apaa, boli mompiakon apaa na anu nupokauhakon nu Tumpu Allah, aijo' na ku taloakon.”

NOMBILANGMO 22:8

Koonyo i Bileam hi aha, “Male'mo pe'e i aiya. Dodop ku posumbu'je hi belemiu apaa na koonyo nu Tumpu hi belengku.” Jadi to pola-polaya' nu aha Moab aijo' jinojoongmo i tampat i Bileam.

NOMBILANGMO 24:13

mau mule' belento Tuanku mombee'i mae aku salaka iwi-iwi' ka' mosoni' anu daagi' i laigan nu belento Tuanku, aku madi' timbali molanggai palentah nu Tumpu ka' mombau apaa na anu nuka'ima'i nu kinyonyoangku? Aku ola timbali montaloakon apaa na anu nu pokauhakon nu Tumpu ku taloakon.”

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.