1 TOMU-TOMUNDO' 21:8 - KITAB NU TUMPU ALLA LELE MA'IMAI'

⁸ Jadi i Izebel nontulismo sulat nongala sanggo i Ahab ka' pinokampitnyomo na segel nu tomundo' i sulat aijo'. Sulat aijo' pinakatunyo hi to pola-polaya' ka' hi to tu'a-tu'anyo anu kiijo' i Yizreel.

1 TOMU-TOMUNDO' 21:8 ပူးပေါင်းရင်းမြစ်များ

1 TOMU-TOMUNDO' 20:7

Sahingga i Tomundo' Ahab nolagamo iwi-iwi' na polaya' nu Israel ka' pinoto'inyomo, “Belemiu nonsakisimo mian haha aiya, ia ko kahanda' mompatei kita. Aha sabole-bole montuntut da ku bee'mo na to bengke-bengkele'ku, ka' to ana-anaku tiba mosoni' ka' salakangku, ka' aku sabole-bolemo mombee' apaa na anu pinoto'inyomo mae aijo'.”

1 TOMU-TOMUNDO' 21:1

Koko laigan i Tomundo' Ahab kiijo' i Yizreel daagi' ko ale' nu anggur anu nu mian sanggonyo i Nabot.

1 TOMU-TOMUNDO' 21:9

Sumo uuka na isi nu sulat aijo', “Bebakon hi mian iwi-iwi' da bapuasa' ka' palentah na aha da sihuk! I tampat kasihukan aijo' bee'i kasuhangan anu talasanggo hondo.

2 TOMU-TOMUNDO' 10:11

Lapas aitu i Yehu nompateimo iwi-iwi' na to utu-utusnyo mae i Ahab anu jojoong i Yizreel, ka' iwi-iwi' na anu ko pangkatnyo anu mokalaja hi ia, to sanga-sangalunyo anu mompaha kona ka' to ima-imamnyo; madi' kino samian pe'e anu pinotumuu'.

2 TAWARIKH 32:17

I Tomundo Asyur mule' nontulismo sulat anu mompisala'i Tumpu, Tumpu Allah anu nusombah nu mian Israel. Sumo uuka na onyi' nu sulat aijo', “To pilo-pilogot nu iwi-iwi na bansa sangga'at madi' moko ala mompobebas bansanyo da madi' ku kuasai, sumo aijo' mule' pilogot i Hizkia madi' moko ala mompobebas bansanyo da madi' ku kuasai.”

EZRA 4:11

Sumo uuka na soa'nyo nu sulat aijo', “Toka hi belento Tomundo Artahsasta, lengkat mae hi to posa-posaihon nu belento Tomundo anu aiya jojoong i Efrat sasu kinsoban. Salando'a mami.

NEHEMIA 6:5

Anu kino pinilimannyomo samian na suludadu i Sanbalat tinokamo mae nombee' mae sulat madi'mo pinai lupi',

NOMBILANGMO 11:16

Lantas Tumpu notataemo hi Musa, “Posihuk, mae na aha bansa Israel pitumpulu' na to tu'a-tu'anyo anu o akui salaku to pola-polaya' nu bansa. Boa mae na aha aiya hi beleng-Ku, i uno nu Kemah-Ku, ka' pokau na aha tuminjo atina' i sohipi' nu beleyum.

MATIUS 27:66

Lantas aha namba i kubulan, nonsegen batu pontumbannyo ka' nompojoong anu monjagai i ahopnyo, da boli ko anu mohenggo kubulan aijo'.

I RUT 4:11

To tu'a-tu'anyo ka' mian sangga'at anu ikiijo' notatae, “Ii', kamimo na nonsakisi. O amalakon mami da Tumpu mompotimbali bengkele' nu beleyum aijo' sumo i Rahel ka' i Lea anu nohampeakon manjoo' na anak hi langkai'nyo nu aha i Yakub. O amalakon mami da beleyum kaya hi aha to mia-mian lee' mae i Efrata ka' o amalakon da beleyum talasanggo i Betlehem.

I RUT 4:2

Lapas aijo' i Boas nonsale'mo aha sampulu' na to tu'a-tu'anyo i kota aijo' da suele sumuhang hingga-hinggat ikiijo'. Salatan aha sinumuhangmo,