1 TOMU-TOMUNDO' 21:5 - KITAB NU TUMPU ALLA LELE MA'IMAI'

⁵ I Izebel bengkele'nyo nambamo hi ia ka' nompokilawa, “Kadaka' beleyum madi'mo sinanang na kinyonyoa? Kadaka' madi'mo mongka'oho' mongkaan?”

1 TOMU-TOMUNDO' 21:5 ပူးပေါင်းရင်းမြစ်များ

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

2 SAMUEL 13:4

I Yonadab notatae hi Amnon, “O anak nu Tomundo' Kadaka' sansina-sinaa otoa na beleyum sumo anu talalo hondo' susa'? Pa' daagi ahi' ko apa-apaanyo?” Tinaaman i Amnon, “Aku talalomo hondo' mongka'ima'i i Tamar utus ise i Absalom, utusku aijo'.”

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

1 TOMU-TOMUNDO' 18:4

Tempo'nyo i Izebel nompateimo to nabi-nabi nu Tumpu, i Obaja aiya na nontulungi aha 100 na nabi pinosuluknyo i uno nu liang – 50 na mian i sa'angu' na liang – ka' nombee'i aha anu o kaan ka' anu o inum.)

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

1 TOMU-TOMUNDO' 21:25

Madi' toho' ko mian anu totu-totu'umo na kinyonyoanyo mombau anu ma'idek i mata nu Tumpu susumo anu binaumo i Ahab. Iwi-iwi' na anu ma'idek aijo' bibinaunyomo aijo' pokinde' i Izebel bengkele'nyo.

1 TOMU-TOMUNDO' 21:4

Kinyonyoanyo madi'mo sinanang ka' notambuha'mo kalana nohongomo apaa na anu tinaloakon i Nabot hi ia, i Ahab ninsusule'mo ka' nale'mo i kahoyotannyo ohupnyo pinsonggilingnyo ka' madi'mo mongka'oho' mongkaan.

1 TOMU-TOMUNDO' 21:6

Tinaaman i Ahab, “Aku madi'mo sinanang hi Nabot. Pinoitangkumo hi ia da opobaluk mae na ale' nu anggurnyo hi belengku, kabai ku tolosi nu ale' nu anggur sangga'at de aijo' na anu nu ka'ima'i, panyo' ia madi' mongka'oho'!”

NEHEMIA 2:2

Kalana aitu pinokilawanyomo na aku, “Kadaka' beleyum ku toa sinusa'mo hondo, padahan madi' masakit? Tantu daagi' ko apa-apaa anu madi' nu ka'ima'i nu kinyonyoa nu beleyum.”

ESTER 4:5

Lantas i Ester nolagamo i Hatah, sala'samian anu binee'anmo kalaja i tomundo da samata-mata mompalakai i Ester. Sinainyo na i Hatah mompokilawa hi Mordekhai apaa na anu jinadimo sahingga ia nombaumo sumo aijo'.