1 TOMU-TOMUNDO' 21:3 - KITAB NU TUMPU ALLA LELE MA'IMAI'

³ Tinaaman i Nabot “Ale' nu anggur aiya pusaka' nu nompolee'ku. Iuno nu sanggo nu Tumpu, madi' timbali ku bee' hi belento Tuan?”

1 TOMU-TOMUNDO' 21:3 ပူးပေါင်းရင်းမြစ်များ

KAJADIAN 44:17

Notatae na i Yusuf, “Madi'! Aku madi' ko kahanda' mombau sumo itina'! Ola ahi ia anu pinohumpakan mangko' aijo' na timbali posaihonku. Sangga'at bebasmo timbalimo minsusule' hi tuuma nu belemiu.”

KAJADIAN 44:7

Tinaaman nu aha hi ia, “Mosia na pongka'oho' i Tuan? Kami basumpa' saba' kami madi' nombau anu sumo aijo'!

1 TAWARIKH 11:19

Ia notatae “I uno nu sanggo nu Tumpu Allah, aku madi' timbali monginum uee aiya! De aku monginum sumomo aku monginum baso' nu to mia-mian anu nonsawanakonmo baso' nu aha!” Jadi i Daud madi hondo-hondo nonginum uee aijo'. Aijo'mo na hahan anu talasanggo, anu binaumo nu aha totolu' na suludadu anu baani hondo aijo'.

AYUB 27:5

Jadi, madi'mo aku mongka'oho' montaloakon tukoongku belemiu totu'u, sampe aku silaka sabole-bole ku akui na aku aiya memang susi'.

YEHEZKIEL 46:18

Anu balakuasa madi' timb-Kli mongala halata' pusaka' nu layatnyo. Ola ahi' tano'nyo na timbali nu bee' hi to ana-anaknyo toto momo'ane sahingga madi' kosamian na mian anu palesayamo hi belengku timbali oga'at tiba haknyo anu ia na tumpunyo.”

IMAMAT 25:23

Tano' nu belemiu madi' timbali opobaluk sidu-sidutu'mo kalana tano' aijo' misa' belemiu na tumpunyo panyo anu nu Tumpu Allah. Belemiu ola susumo mian anu lengkat mae i salipu'an anu pinoloasmo da mompake tano' aijo'.

NOMBILANGMO 36:7

Tano' pusaka' nu aha mian Israel toto samian tionyo ahi' saja' otatusakon hi tulunan nu bansanyo.

NOMBILANGMO 36:9

sahingga tano' pusaka' aijo' madi' molali-lalin lengkat hi sa'angu' na tulunan nu bansa mamba hi sa'angu' mule' na tulunan nu bansa sangga'at. Batu-batu tulunan nu bansa Israel sabole-bole ahi' montoongi posi tano pusaka'nyo.”

ROMA 3:31

Ugaat aiya na alati'nyo kalana kita palesaya hi Kristus, sahingga kita nontibahakonmo atulan nu agama Yahudi? Misa' hondo-hondo! Ola o, kalana kapalesaya'anto aijo', kita nohalagaimo atulan iajo'.

ROMA 3:4

Tantu misa'! Kalana manasamo Tumpu saja' totu'u, mau mule' batu-batu mian baleko'. I uno nu Kitab nu Tumpu tinulis, “Kahanda'nyo beleyum saja' o toa totu'u apaa na anu tinaloakonum, ka' mule' beleyum untung de tempo'nyomo oputusi na beleyum.”

ROMA 3:6

Totu-totu'u madi'! Kalana de Tumpu madi' adin, mosia na Ia timbali momputusi dunia aiya?

ROMA 6:15

Uuka aiya, mosia na katotu'uannyo? Timbali na kita mombau dosa', kalana kita madi'mo i 'aluk nu kuasa nu atulan nu agama Yahudi, panyo i 'alukmo nu balakat nu Tumpu? Madi' hondo-hondo!

ROMA 6:2

Tantu madi'! Dosa' madi'mo mongkuasai kita, jadi, te toho' kita saja'mo tumuu' mombau dosa'?

ROMA 7:13

Yo te aiya alati'nyo, au'aitu anu ma'ima' aijo' molubatakon kapatean hi belengku? Tantu madi'! Dosa' ahi' na anu mompolubat kapatean aijo'. Dosa' mongala jalan anu ma'ima' da mompotoka kapatean hi belengku, da sipat-sipat nu dosa' kantoaan mana-manasa. Montului palentah-palentah nu Tumpu, sahingga tinoanyo na ko ide' nyo nu dosa'.

ROMA 7:7

Desumo aitu, apaa na anu otaloakonto? Te atulan nu agama Yahudi aiya ma'idek? Tantu madi'! Panyo atulanmo aijo' na mompokinde'i aku da nonsumbu' anu moko baladosa'. Madi' sinumbu'ku na mangoa pa' apaa, de atulan nu agama madi' nontaloakon, “Boli mangoa.”

1 KORINTUS 6:15

To Utu-utus nonsumbu'mo saba' butong miu nosa'angu'mo hi butong i Kristus. Jadi, pa' timbali na aku mongala sambagian butong i Kristus, lantas opotimbali na sambagian butong nu samian masala'? Madi' hondo-hondonyo!

GALATIA 6:14

Panyo aku totu-totu'u madi' hondo mongka'oho' mombuulakon apa-apaa, sambiha'nyo Tumpunto i Yesus Kristus anu sinilakamo sinalib. Kalana Ia sinilakamo sinalib, sahingga dunia madi'mo daagi' ko alati'nyo apa-apaa hi belengku. Ka' mongkona dunia aiya, aku suele sumo anu sinilakamo.

YOSUA 22:29

Boli obata-batai kami madi' mongka'oho' panggaga hi Tumpu kabai madi'mo palesaya hi Ia, kalana nompaka baumo mezbah sangga'at ponsombahkonan koloban anu opotunu kabai koloban gandum, kabai apa-apaa na anu osombahkon, padahan kita daagi'mo ko mezbah nu Tumpu Allah i ahop nu Kemah anu Bau Katokaan nu Tumpu.”

YOSUA 24:16

Sahingga aha mian nu Israel haha aijo' nontaamimo, “Kami madi' hondo-hondo mompala'i Tumpu lantas mompalesayamo ka' mohongo-hongomo to pilo-pilogot sangga'at!

1 SAMUEL 12:23

Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.

1 SAMUEL 24:6

Panyo lapas aijo' tinutugan i Daud ia sinala'mo kalana nombaumo na ia sumo aijo'.