1 TOMU-TOMUNDO' 21:2 - KITAB NU TUMPU ALLA LELE MA'IMAI'

² “Bee'mo mae na ale' nu anggur nu beleyum aijo' hi belengku, kalana ale' aijo' ohani tiba laiganku. Aku ko kahanda' monsu'an ngangahan nu utan i kiijo'. Beleyum mohumpakje ale' nu anggur anu lebeh ma'ima' salaku bolosnyo kabai beleyum mongka'oho' da ku olimo, nu olinyo anu memang pantas.”

1 TOMU-TOMUNDO' 21:2 ပူးပေါင်းရင်းမြစ်များ

KAJADIAN 16:6

Tinaaman i Abram, “Bakasmo, ia posaihon nu beleyum ka' beleyumo na mongkuasai ia; lewa'mo pokau na ia yayamo pongka'oho' nu beleyum.” Lantas saja'mo sinigohan i Sarai na mompokau i Hagar, sahingga ia nopalaimo.

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

1 TOMU-TOMUNDO' 21:3

Tinaaman i Nabot “Ale' nu anggur aiya pusaka' nu nompolee'ku. Iuno nu sanggo nu Tumpu, madi' timbali ku bee' hi belento Tuan?”

1 TOMU-TOMUNDO' 21:6

Tinaaman i Ahab, “Aku madi'mo sinanang hi Nabot. Pinoitangkumo hi ia da opobaluk mae na ale' nu anggurnyo hi belengku, kabai ku tolosi nu ale' nu anggur sangga'at de aijo' na anu nu ka'ima'i, panyo' ia madi' mongka'oho'!”

2 TOMU-TOMUNDO' 9:27

I Ahazia nontoamo apaa na anu jinadimo, sahingga ia nopalaihakonmo karetanyo namba i kota' Bet-Hagan. I Yehu nololoi'mo ia ka'nolobo'akon hi suludadunyo, “Patei suele na ia!” Pinana'mo nu aha na ia ka' binelaonmo na ia i jalan anu mamba mokiijo' i Gur, koko kota' Yibleam. Panyo ia daagi' noko ala nopalai tinoka kiijo' mae i Megido, ka' i kiijo'je na ia sinilaka.

NOSABATMO 20:17

Boli mongkamilui anu nu mian sangga'at: laigannyo, bengekele'nyo, to posa-posaihonnyo, potuu'onnyo, keledainyo, kabai mau mule' pa' apaa na anunyo.”

NYANYIAN ANU TALASANGGO 4:15

Mata nu uee i ale'ku molubatakon uee kantumuu'an anu mo ilii mae lengkat i Libanon!

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

PO'ULE' INGULIT 11:10

Lipu' anu ojojoongi nu belemiu saidi' mae, misa' sumo tano' nu Mesir, tampat anu u'utu mae kinajojoongan nu belemiu. Ikiijo' mae belemiu tionyo ahi' mokalaja totu-totu'u ka' o ueei na ale' de tempo'nyomo motugan bine'.

PO'ULE' INGULIT 5:21

Boli mongkamilui anu nu mian sangga'at, laigannyo, tano'nyo, bengkele'nyo, to posa-posaihonnyo, potuu'onnyo, keledainyo kabai maumo pa' apaa na anu daagi' hi ia.’

1 TIMOTIUS 6:9

Panyo mian anu mongka'oho' timbali kaya, tagodamo ka' nusegotimo nu sagala lupa na anu oka'ima'i, anu ponga' ka' mongidei. Anu oka'ima'i haha aijo' mombau mian timbali magalis ka' silaka.

1 SAMUEL 29:6

Lantas i lagamo i Akhis na i Daud ka' pinoto'inyomo hi ia, “Ko Tumpu anu tumuu' ku palesaya na beleyum memang montuluti aku. Sanang na aku de beleyum monsangalui aku mamba mahampate. Kalana salatanmo pe'e beleyum tinoka hi belengku sangkut uuka aiya, madai' kokasala'an nu beleyum. Panyo tomundo' haha aijo' sangga'at madi' mongka'ima'i beleyum.

1 SAMUEL 8:14

Nu alamo na ale' nu belemiu, ale' nu anggur nu belemiu, tiba ale' nu zaitun nu belemiu anu molumba'hondo ka' nu bee'mo hi to mia-mian anu ko pangkatnyo anu mokalaja hi ia.

1 SAMUEL 8:6

Panyo i Samuel madi' sinanang na nohongo apaa na anu pinoita nu aha aijo'. Lantas ia binalado'amo hi Tumpu,