1 TOMU-TOMUNDO' 21:11 - KITAB NU TUMPU ALLA LELE MA'IMAI'

¹¹ Palentah i Izebel aijo' binaumo nu to pola-polaya' ka' to tu'a-tu'anyo nu Yizreel.

1 TOMU-TOMUNDO' 21:11 ပူးပေါင်းရင်းမြစ်များ

SISIKON NU TO RASUL-RASUL 5:29

I Petrus ka' to rasul-rasul sangga'atannyo nontaami, “Kami tionyo mombatuki Tumpu, misa' mombatuki mian.

SISIKON NU TO RASUL-RASUL 4:19

Panyo i Petrus ka' i Yohanes nontaami, “Posi tutugimo apaa na anu totu'u i ahop nu Tumpu: mombatuki palentah nu to Tutuuma kabai mombatuki palentah nu Tumpu.

MATIUS 2:16

Salatan sinumbu' i Herodes taalu' anu to pande-pande monsumbu' mandala' lengkat i sasu kabete'an aitu nongakalimo ia, ia pinusamo hondo. Lantas ia nompalentahkon anu mompatei iwi-iwi' to ana-anak mo'ane anu umunnyo i aluk nu ohua' na taun. I Betlehem ka' i anu mompaha ohani. Aijo' sosok tiba katalangan anu i humpaknyo lengkat hi anu to pande-pande monsumbu' mandala' aijo' kakona tempo'nyo mandala' aijo' kinantoaan.

MATIUS 2:12

Tumpu nompokinde'i hi aha i uno nu ipion da boli minsusule' hi Herodes. Jadi aha ninsusule'mo nontului jalan sangga'atan.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

AMSAL 29:26

Manjoo' na mian molio-lio da okalibosi nu mian anu balakuasa, panyo anu mombee'i ka'adilan ola ahi' samata-mata Tumpu.

AMSAL 29:12

De anu balakuasa palesaya hi lele anu madi' totu'u, pegawenyo iwi-iwi' timbali mo maidek na kinyonyoanyo.

2 TAWARIKH 24:21

Panyo mian da'isan sinangaja'mo monggagakon i Zakharia, ka' i Tomundo Yoas suele nosangaja'mo tiba kasangaja'an aijo'. Ia madi'mo nonginau' kanonongan anu binaumo i Yoyada tuuma i Zakharia hi ia. Pinalentahmo i tomundo, sahingga i Zakharia pinahambunu'akonmo nu batu sampe sinilakamo i popasan nu Laigan nu Tumpu. Salatan ia kahanda'mo mompoputus nyawanyo, i Zakharia daagi' notatae, “Ku amalakon da Tumpu montoa mae kalakuan ka' mombalosakon beleyum!”

1 SAMUEL 23:20

Osumbu' mami na belento Tomundo' kahanda'mo mohakop ia, kalana aijo' mambamo mae i daerah mami. Kami bisa montantukan opoko alamo otumbuhi nu belento Tomundo'.”

1 SAMUEL 22:17

Lantas pinalentahnyomo na to sulu-suludadunyo anu monjagai ia, anu tinjo-tinjo koko hi ia, “Donganmo patei na to ima-imam nu Tumpu haha aijo'! Aha sinangaja' mo tiba i Daud. Sinumbu'mo nu aha saba' i Daud nopalaimo, panyo aha madi' nompoto'i mae hi belengku.” Panyo to sulu-suludadu anu monjagai i tomundo' aijo' madi' nongka oho' nompatei imam haha aijo'.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

NOSABATMO 1:17

Panyo ua-ua'aha na boune aijo' anu montulungi mompohampe, mabuhuk hi Tumpu Allah. Aha madi' montuluti palentah nu Tomundo ka' pinobakasmo nu aha na bungamea' mo'ane da tumuu'.

1 TOMU-TOMUNDO' 21:10

Pokau na mian anu uwesan Ua'aha sumuhang mompaha ahop tiba ia ka' montuuk i Nabot au' aitu ia nontotobi'akonmo Tumpu Allah tiba tomundo'. Lantas boa na aha i sambiha' nu kota' ka' pahambunu'akon nu batu sampe mate!”

1 TOMU-TOMUNDO' 21:12

Aha nombebakonmo da mian da'isan bapuasa'. Lapas aijo' aha nompalentahmo mian da sihuk, ka' i Nabot binee'anmo tampat kasuhangan anu o'angga'i hondo.

YESAYA 59:14

Hukuman anu adin madi'mo i hongo, ka' ka'adilan najo'onmo, Kahondoan madi'mo tinapalan i tampa-tampat nu mian da'isan, ka' kinyonyoa anu madi' tageo' inguna'mo i sambiha'nyo.