1 TOMU-TOMUNDO' 21:10 - KITAB NU TUMPU ALLA LELE MA'IMAI'

¹⁰ Pokau na mian anu uwesan Ua'aha sumuhang mompaha ahop tiba ia ka' montuuk i Nabot au' aitu ia nontotobi'akonmo Tumpu Allah tiba tomundo'. Lantas boa na aha i sambiha' nu kota' ka' pahambunu'akon nu batu sampe mate!”

1 TOMU-TOMUNDO' 21:10 ပူးပေါင်းရင်းမြစ်များ

NOSABATMO 22:28

Boli monsumpa'akon Tumpu Allah ka' boli montotobi'akon to pola-polaya' bansa nu belemiu.

SISIKON NU TO RASUL-RASUL 6:11

Kalana aijo' aha nontamboi to pia-piangkuka na mian da motatae, “Kami nohongo mian aijo' mongise-ise'akon i Musa ka' Tumpu!”

PO'ULE' INGULIT 19:15

“De ola samian na sakisi madi' opongala na mompoto'i samian anu osangka sinala'mo; opai-pai lio ua'aha na sakisi anu opongala i han aijo'.

PO'ULE' INGULIT 13:13

daagi' ko to pia-piangkuka na mian anu ma'idek itina' i bansa nu belemiu anu nonsaduakonmo da pinonga' na mian nu kota binapikin sahingga nonsombahmo to pilo-pilogot anu madi' osumbu' nu belemiu.

SISIKON NU TO RASUL-RASUL 6:13

Ka' aha nompopangadap mule' to saki-sakisi anu mombee'i to kata-katalangan anu madi' totu'u mongkona i Stefanus. To saki-sakisi aijo' notatae, “Mian aiya saja' mompopo'ise' Laigan nu Tumpu anu susi' ka' mompopo'ise' to pale-palentah nu Tumpu anu pinotokakonmo i Musa.

YOHANES 10:33

To mia-mian nu Yahudi aijo' nontaami, “Misa' kalana hia-Um anu toto ima-ima' aijo' na monsaduakon kami kahanda'mo mombunu' Beleyum nu batu, panyo kalana Beleyum mompisala'i Tumpu. Beleyum mian mompai potimbalimo butong-Um sumo Tumpu.”

TO MIA-MIAN KOPIAN 19:22

Hau-haunyo aha kiijo' balasanang-sanang, monti-montiik laigan aijo' tinumbuhanmo nu aha to mia-mian anu madi' talakana' i kota aijo'. I lengku-lengkutmo nu aha na tumban ka' notatae hi tu'anyo aijo', “Bee' mae hi kami na mo'ane itina' anu pinosoopmo nu beleyum i laigannum da opasala'i mami na ia!”

IMAMAT 24:14

“Boa na mian atina' i sambiha' nu kemah. Batu-batu mian anu nohongomo ia nontotobi'akon tionyo ahi' mompotudun limanyo i ubak nu mian aijo' da ponsumbu'an taalu' ia sinala'mo. Lantas iwi-iwi' na mian tionyo ahi' mompahambunu'akon ia nu batu sampe mate.

1 SAMUEL 2:12

To ana-anak i Eli ma'idek hondo na kinyonyoa nu aha. Aha madi' mompajuli Tumpu.

2 SAMUEL 20:1

I kota' Gilgal daagi ko samian anu nombaumo gau' anu ma'idek sanggonyo i Seba. Ia anak i Bikri, ia tulunan mae nu bansa Benyamin. Tempo'nyo mian da'isan nolabot i Daud po ule'mo mae tinoka, i Seba nompuuhimo tolompetnyo ka' noloboo'akon, “Kita madi' mompahasumbu' tiba i Daud. Kadaka' kita mombatukimo ia? O, mian nu Israel, pinahasan na kita pinsusule'mo!”

1 TOMU-TOMUNDO' 21:9

Sumo uuka na isi nu sulat aijo', “Bebakon hi mian iwi-iwi' da bapuasa' ka' palentah na aha da sihuk! I tampat kasihukan aijo' bee'i kasuhangan anu talasanggo hondo.

1 TOMU-TOMUNDO' 21:11

Palentah i Izebel aijo' binaumo nu to pola-polaya' ka' to tu'a-tu'anyo nu Yizreel.

2 TOMU-TOMUNDO' 6:32

Lantas i tomundo' nonsaimo samian namba momona hi laigan i Elisa. Tempo'nyo aitu i Elisa kiijo' i laigan, ka' to tu'a-tu'anyo hau-haunyo kiijo' hi ia. Ma'isa aha anu sinaimae i tomundo' aijo' tinoka, i Elisa notataemo hi to tu'a-tu'anyo haha aijo' “Soba tutugi! Anu mompatei aijo' nonsaimo mae mian da mompatei mae aku. De mian aijo' tokamo mae, tumban na sabatan ka' boli opobee' mae na ia minsoop, jadi saidi' mae posi i tomundo'je na toka mae.”

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

YESAYA 59:14

Hukuman anu adin madi'mo i hongo, ka' ka'adilan najo'onmo, Kahondoan madi'mo tinapalan i tampa-tampat nu mian da'isan, ka' kinyonyoa anu madi' tageo' inguna'mo i sambiha'nyo.