1 TOMU-TOMUNDO' 20:34 - KITAB NU TUMPU ALLA LELE MA'IMAI'

³⁴ Lantas notataemo na i Benhadad hi ia, “Ku sule' akonmo hi belento Tuan na kota iwi-iwi' anu i ngalamo nu tuumangku hi tuuma nu belento Tuan. Belento Tuan timbalimo ahi mombau puso nu badagangan i kota Damsyik susumo anu binaumo nu tuumangku kiijo' i Samaria.” Tinaaman i Ahab, “Kalana nojanji'mo na belento Tuan sumo itina', sahingga ku pobebasmo na belento Tuan.” Lapas aijo' nombaumo palajanjian na i Ahab tiba i Benhadad lantas pinobebasnyomo na ia.

1 TOMU-TOMUNDO' 20:34 ပူးပေါင်းရင်းမြစ်များ

1 TOMU-TOMUNDO' 15:20

I Benhadad nonsitujuimo sale'nyo aijo', lantas nompalentahmo to sulu-suludadunyo anu matangkas na pangkatnyo ka' mule' gombuan nu suludadu nu aha da mambamo montumbuhi iwi-iwi' na kota nu aha Israel. Aha nompatundu'mo Iyon, Dan, Abel-Bet-Maakha tiba Kinerot koko Dowiwi nu Galilea tiba iwi-iwi' na da'erah Naftali.

YESAYA 26:10

Maumo ahi' mian anu ma'idek na kinyonyoanyo saja' o, atun ma'i-ma'ima' panyo ia madi' ahi' monggulu'i apaa na anu sahondo-hondonyo. Maumo ahi' inegara hukum ia saja' ahi' mingkalakuan madi' adin, ka' madi' ka oho' mongakui kakuasa'an nu Tumpu.

1 TOMU-TOMUNDO' 20:42

Sahingga notataemo na nabi aijo' hi tomundo', “Aiyamo na anu tinaloakonmo nu Tumpu: 'Mian anu pinalentah-ngKumo da opatei ola pinojohok da malai. Kalana aitu tionyo ahi' beleyum mate da bau pontokong Suludadu nu beleyum timbali mohopu' kalana nompopilayamo suludadu nu sampo bali' nalaimo.’ ”

YESAYA 8:12

“Boli monsangka posa'angu'an anu kokoonyo nu sangka'an nu aha posa'angu'an, ka' mule' boli okabuhuk na hahan anu nu kabuhuk nu aha.

2 TAWARIKH 18:30

Tempo'nyo aitu to tale-talenga' nu suludadu sinumake' i kareta anu bau pahampate nu aha Siria pinalentahmo nu tomundo'nyo da anu otumbuhi ola samata-mata tomundo nu Israel.

2 TAWARIKH 16:4

I Bengadad setuju i sale' aijo' lantas nonsaimo to sulu-suludadu nyo anu toto tangka-tangkas na pangkatnyo hingga-hinggat tiba suludadu nu aha da mambamo montumbuhi to kota-kota nu Israel. Aha nompatundu'mo kota Iyon, Dan, Abel-Bet-Maakha ka' iwi-iwi' na kota' anu pompo'una'an anu o kaan kiijo' mae i Naftali.

1 TOMU-TOMUNDO' 22:31

Tempo'nyo aitu aha tolumpulu' ka' ohua' na talenga' anu mongkapalai gombuan nu suludadu anu sinumake' i kareta bau pahampate nu aha mian Siria pinalentahmo nu tomundo'nyo da samata-mata ola tomundo'nyo nu aha Israel na otumbuhi.

1 SAMUEL 11:1

Lapas aijo' i Nahas tomundo' nu aha mian nu Amon nompalentahmo suludadunyo ka' nontumbuhimo kota Yabesh idaerah Gilead. Mian anu jojoong i Yabesh nompoitamo hi Nahas, de timbali, “Pombau mae palajanjian tiba kami da kami tulu-tulutan hi palentah nu belento.”

1 TOMU-TOMUNDO' 20:33

Memang to sulu-suludadu i Benhadad anu toto tangka-tangkas na pangkatnyo kiijo' hau-haunyo montanda'i tanda anu ma'ima' lengkat hi Ahab. Jadi, salatan tinaloakon i Ahab “Utus”, balomo tinaaman nu aha, “Totu'u, i Benhadad memang utus nu belento Tomundo'.” Lantas notataemo na i Ahab, “Boakon mae na ia mo'uuka!” Salatan i Benhadad aijo' tinokamo, ingindeanmo i Ahab na ia da maninsake' i kareta.

PO'ULE' INGULIT 7:2

De Tumpu Allah nu belemiu mombee'mo bansa haha aijo' da okuasaimo miu ka' opatundu'mo nu belemiu na aha, pateimo na aha iwi-iwi'. Boli mongkalibosi aha kabai mojanji' tiba aha.

1 SAMUEL 15:8

Iwi-iwi' na aha mian da'isan tiba suludadu nu aha Amalek pinateanmo i Saul. Panyo i Agag tomundo' nu aha Amalek i hakop ka' pinotumuu' i Saul ka' suele suludadunyo madi' pinatean, sumo aijo' mule' na dombanyo nu aha tiba sapi' nuaha anu molompo' hondo, anak nu sapi' tiba anak nu domba anu molompo' hondo tiba iwi-iwi' na anu ko angga'nyo; ola potuu'on anu madi' ko angga'nyo ka' anu madi' ko gunanyo na pinateanmo.