1 TOMU-TOMUNDO' 20:12 - KITAB NU TUMPU ALLA LELE MA'IMAI'

¹² Apaa na anu pinontaami i Ahab aijo' pinotokakonmo hi Benhadad tempo'nyo ia gombu-gombu tiba to tomu-tomundo' sangga'at anu mongsangaja'i ia hau-haunyo lewa batawa na aha i kemah. Salatan nohongo aijo', i Benhadad nompalentahmo to sulu-suludadunyo anu toto tangka-tangkas na pangkatnyo da mosadiamo montumbuhi kota Samaria. Sahingga aha nosadiamo.

1 TOMU-TOMUNDO' 20:12 ပူးပေါင်းရင်းမြစ်များ

2 SAMUEL 13:28

To posa-posaihonnyo pinalentahnyomo, “Otoa ima-ima' de i Amnon malangumo kalana nonginumo anggur, ku bee'ije tanda lantas pateimo na ia. Boli mabuhuk, Aku na montanggung han aijo'. Babaani ka' boli bata-bata!”

1 TOMU-TOMUNDO' 16:9

I Zimri, samian na suludadu anu matangkas na pangkatnyo anu mongkapalai sambagian na gombuan nu suludadu anu sumake' i kareta nosa'angu'mo da mongewa i Ela. Daagi' kinosansinaan kiijo' mae i Tirza, i Ela lewa'mo binatawa' sahingga nalangumo i laigan i Arza, anu momposadia kapalaluan nu aha salaigan i tomundo'.

1 TOMU-TOMUNDO' 20:16

Nontumbuhi tinampu'unan sina-sinaa tempo'nyo i Benhadad ka' 32 na tomundo' anu nonsangaja' tiba ia aijo' hau-haunyo lewa' batawa' sampe aha nalangu i kemah nu aha.

YEREMIA 43:10

Lantas poto'i hi aha taalu' Aku, Tumpu, Anu Mahakuasa, Tumpu Allah Israel, mompotokamo mae posaihon-Ku i Nebukadnezar tomundo' nu Babel mamba itampat aijo. Ka' aita' ibawo nu batu haha aijo' anu ilamun nu beleyum i uno nu tano' aijo' ia mompotinjomo kalaja'annyo ka' mombokamo kemah nu kalaja'annyo.

DANIEL 5:2

Hau-haunyo aha lewa' monginu-inum i Belsyazar nompalentahmo da mamba mongala to mangko-mangko' mosoni' ka' salaka anu ingagoan mae i Nebukadnezar tuumanyo i uno nu Laigan nu Tumpu kiijo' mae i Yerusalem. Makisud i Tomundo' Belsyazar da anu to tangka-tangkas na pangkatnyo, to bengke-bengkele'nyo, to amba-ambahue'nyo ka' suele ia na monginum ahi' i mangko' haha aijo'.

DANIEL 5:30

Pihi-pihimo aijo' na i Belsyazar tomundo' nu Babel aijo' pinatean.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

1 SAMUEL 25:36

Salatan i Abigail ninsusule'mo hi Nabal tinokannyo kinobau-bauonmo anu kada' hondo i laigan nu aha sumomo bau-bauon nu tomundo'. Jadi kalana i Nabal nalangumo ka' talalomo i lame' na ia, sahingga bengkele'nyo ma'isa nompoto'i apa-apaa sampe tinoka dodododopnyo.