1 TOMU-TOMUNDO' 20:1 - KITAB NU TUMPU ALLA LELE MA'IMAI'

¹ Daagi' kinosansinaan i Benhadad, tomundo' nu Siria nomposihukmo suludadunyo iwi-iwi', tiba aha 32 na tomundo' sangga'at ka' kereta anu bau pahampate, ka' kuda nu aha, lantas tinumbuhannyomo na kota Samaria.

1 TOMU-TOMUNDO' 20:1 ပူးပေါင်းရင်းမြစ်များ

1 TOMU-TOMUNDO' 15:18

Kalana aijo' i Tomundo' Asa nongalamo iwi-iwi' na mosoni' ka' salaka anu daagi' kiijo' i Laigan nu Tumpu ka' i laigan nu tomundo' lantas pinakatuanyomo i Damsyik hi Benhadad tomundo' nu aha Siria anak i Tabrimon, makumpu i Hezion. Balang haha aijo' pinakatu binoa nu aha mian pa' aha sangkuka na anu ko pangkatnyo i laigan nu tomundo', ka' pinotuunnyo sumo uuka:

1 TOMU-TOMUNDO' 15:20

I Benhadad nonsitujuimo sale'nyo aijo', lantas nompalentahmo to sulu-suludadunyo anu matangkas na pangkatnyo ka' mule' gombuan nu suludadu nu aha da mambamo montumbuhi iwi-iwi' na kota nu aha Israel. Aha nompatundu'mo Iyon, Dan, Abel-Bet-Maakha tiba Kinerot koko Dowiwi nu Galilea tiba iwi-iwi' na da'erah Naftali.

1 TOMU-TOMUNDO' 16:24

Panyo' lapas aijo' ia nongolimo sa'angu' na bungkutnyo olinyo 6.000 na doi salaka hi mian sanggonyo i Semer. Lantas ia nombaumo sa'angu' na kota' i bungkutnyo aijo'ka' sinanggohannyo Samaria, pinosanggonyomo hi Semer, tumpunyo u'utu mae nu bungkutnyo aijo'.

1 TOMU-TOMUNDO' 20:16

Nontumbuhi tinampu'unan sina-sinaa tempo'nyo i Benhadad ka' 32 na tomundo' anu nonsangaja' tiba ia aijo' hau-haunyo lewa' batawa' sampe aha nalangu i kemah nu aha.

1 TOMU-TOMUNDO' 20:2

Lantas ia nonsaimo mian namba hi Ahab, tomundo' nu Israel, i kota aijo' ka' pinotuunnyomo sumo uuka,

1 TOMU-TOMUNDO' 20:24

Sahanyo uuka aiya aha to tomu-tomundo' anu 32 aijo' obolosimo nu posi to sulu-suludadu nu belento Tomundo' anu toto tangka-tangkas na pangkatnyo.

1 TOMU-TOMUNDO' 22:31

Tempo'nyo aitu aha tolumpulu' ka' ohua' na talenga' anu mongkapalai gombuan nu suludadu anu sinumake' i kareta bau pahampate nu aha mian Siria pinalentahmo nu tomundo'nyo da samata-mata ola tomundo'nyo nu aha Israel na otumbuhi.

2 TOMU-TOMUNDO' 6:8

Daagi' kino tempo' sa'angu' Siria nahampatemo nongewa Israel. Noko basale' tiba to sulu-suludadu nu aha anu toto tangka-tangkas na pangkatnyo, i tomundo' Siria nontantukanmo anu bakema'an nu aha.

2 TOMU-TOMUNDO' 8:5

Ka' pinodongannyo boune anu lengkat mae i Sunem aijo' tinokamo nangadap hi tomundo' mompoto'i apaa na anu nu poita, i Gehazi tempo'nyo aitu nonsisikakonmo mosia na i Elisa po'ule' nompotumuu' samian na anak anu sinilakamo. Jadi koonyo i Gehazi, “Kita mian daka' anu talasanggo aiyamo na boune aitu ka' aiyamo na anak anu po'ule' pinotumuu' i Elisa!”

EZRA 7:12

“Lengkat hi Tomundo Artahsasta toka hi Imam Ezra, anu pande hondo monsumbu' Atulan nu Tumpu Allah anu mongkuasai suluga'.

NOSABATMO 14:7

Ia nambamo tiba kaletanyo iwi-iwi', ka' mule' ano atu na kaleta anu otaha imani hondo, kinasake'an nu to kapa-kapala nu suludadunyo.

YESAYA 10:8

Ia nombuulakonmo butongnyo, ka' notatae, “To tale-talenga'ku ka to tomu-tomundo'!

YESAYA 37:24

Beleyum nonsaimo tomia-mian da motatae molabi-labi tukoonyo nu aha kalana manjoo' na kareta anu bau pahampate nu beleyum, sahingga noko alamo nompatundu' iwi-iwi na bungkutnyo anu toto tangka-tangkas i Libanon.

YEREMIA 49:27

Pagan mesen nu kota' Damsyik Ku papumo, ka' iwi-iwi' na laigan i Tomundo' Benhadad Ku toyo'imo. Aku, Tumpu, Anu Mahakuasa hondo notataemo.”

YEHEZKIEL 26:7

Tumpu Anu Matangkas na Kuasanyo notataemo, “Ku boamo na i Tomundo' Nebukadnezar lengkat mae i Babel da montumbuhimo beleyum, o, Tirus. Tomundo' anu mahoson hondo aijo' tokamo mae lengkat isasu utara tiba suludadunyo anu manjoo' hondo, ka' mule' ajahan nu aha manjoo' tiba kareta-kareta anu bau pahampate ka' mule' gombuan nu suludadu anu monsake'i mae ajahan.

DANIEL 2:37

Anu talasanggo belento Tuanku atina'mo na tomundo' anu molingkudui iwi-iwi' na tomundo'; belentomo Tuanku na anu talalo hondo balakuasa. Tumpu anu kiita' mae i suluga' nombee'imo mae hi belento Tuanku kalaja'an aiya, kakuasa'an, ka' kahosonan ka' mule' katalasanggoan.

IMAMAT 26:25

Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.

AMOS 1:4

kalana aijo' Aku mombee'imo apu mokiijo' i laigan nu Tomundo Hazael ka' mompapuimo to bente-benteng nu Tomundo Benhadad.

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

PO'ULE' INGULIT 28:52

Aha tokamo mae montumbuhi toto sa'angu' na kota i lipu' anu binee'mo nu Tumpu Allah nu belemiu hi belemiu sahingga iwi-iwi' na pagan mesen anu toto tangka-tangkas ka' binaumo hoso-hoson, anu otaha'imanimo nu belemiu aijo', mohobo'mo.

TO MIA-MIAN KOPIAN 1:7

Koonyo i Adoni-Bezek, “U'utu mae pitumpulu' na tomundo pinatagakonkumo na kanumpu nu limanyo ka' kanumpu nu tengkenyo, lantas pinojohokumo na aha mongkaan tuuha' nu anu kinaanmo anu manabu lengkat mae aita' i meja'ku. Uuka aiya Tumpu Allah nombaumo aku pokakana sumo aku nombaumo aha.” I Adoni-Bezek ahennyo binoamo i Yerusalem, ka' ikiijo'mo mae na ia sinilaka.

TO MIA-MIAN KOPIAN 4:3

I Yabin daagi' ko kareta 900 anu opake mahampate besak na binau. Inguampulu' na taun na kinopinnyo ia nompalentah aha mian nu Israel ka' talalo hondo masigo. Lapas aijo' aha nomoitamo tulung hi Tumpu.

1 SAMUEL 13:5

Tempo'nyo aijo' aha mian nu Filistin nosa'angu'mo suele kahanda'mo montumbuhi aha mian nu Israel; aha ko kaleta anu bau pahampate 30.000, ka' 6.000 na mian anu monsake'i ajahan, tiba to sulu-suludadu konjoo'nyo sumomo bone' ibiwi nu ambai. Aha binakemahmo i kiijo' i Mikhmas sasu kabete'an Bet-Awen.