1 TOMU-TOMUNDO' 2:4 - KITAB NU TUMPU ALLA LELE MA'IMAI'

⁴ De beleyum tulu-tulutan hi Tumpu, nu ganapi na janji'-Nyo aijo'mo lee'ku na mompalentah Israel, asan aha totu-totu'u na kinyonyoanyo saja' montuluti palentah-Nyo iwi-iwi'.

1 TOMU-TOMUNDO' 2:4 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

2 SAMUEL 7:25

Ka' uuka aiya o, Tumpu Allah de timbali da belento mombalakatiakon mae da sampe toka sidu-sidutu' ahi' janji' anu tinaloakonmo nu belento mongkona butongku aiya tiba lee'ku saidi mae. De timbali apaa na anu jinanji'mo nu belento aijo' obau ahi'.

1 TOMU-TOMUNDO' 1:48

ka' binalado'a ‘Ku puji' na belento O Tumpu, Tumpu Allah anu nu sombah nu mian Israel. Sinaa aiya samian na lee' ku i hangkatmo nu belento binau tomundo' nombolosakon aku. Ka' belento Tumpu nompobee'mo mae aku tinumuu' daagi' Nonsakisi'i!’ ”

1 TOMU-TOMUNDO' 11:36

Panyo sa'angu' na tulunan nu bansa Ku bee'mo hi ia da saja' daagi' ko samian na lee' mae i Daud posaihon-Ku aijo' na mompalentah anu saja' monsombah Aku i Yerusalem kota' anu pinile'an-Kumo tampat bau ponsomban Aku.

1 TOMU-TOMUNDO' 3:14

Ka' de beleyum sumo tuuma nu beleyum i Daud, montuluti Aku ka' mombatuki atulan-Ku iwi-iwi', Ku bee'i na beleyum tuumu' mantan na umun.”

1 TOMU-TOMUNDO' 3:3

I Salomo mongkalibosi Tumpu ka' mombatuki iwi-iwi' na pokinde' nu tuumanyo panyo' ia daagi' mongkolot ka' monsombahkon binatang iyaya mae na tampat.

1 TOMU-TOMUNDO' 6:12

“De beleyum tulu-tulutan hi iwi-iwi' na atulan ka' palentah-ngKu, Ku bee'mo hi beleyum apaa na anu jinanji'-Kumo hi tuuma nu beleyum i Daud.

1 TOMU-TOMUNDO' 8:23

ka' binalado'a, “O Tumpu, Tumpu Allah nu Israel! Aita' i langit kabai aiya i Tano' madi' ko anu pokakana sumo Belento!

1 TOMU-TOMUNDO' 8:25

Belento mule' nojanji'mo hi tuumangku tukoonto de lee'nyo mae totu-totu'u tulu-tulutan hi Belento susumo Ia, jadi daagi' saja' ko samian lee'nyo mae anu timbali tomundo' hi aha Israel. Uuka aiya o Tumpu Allah Israel, ganapimo mae iwi-iwi' na anu jinanji'mo nu Belento hi tuumangku i Daud, posaihon nu Belento aijo'.

1 TOMU-TOMUNDO' 9:5

saba' anu jinanji'-Kumo hi Daud tuuma nu beleyum, tionyo Ku ganapi aijo' mo to lee'nyo na saja' mompalentah Israel.

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

2 TOMU-TOMUNDO' 23:25

Ma'isa toho' ko tomundo' susumo i tomundo' Yosia anu palesaya hondo hi Tumpu, tiba mule' totu-totu'u na kinyonyoanyo ka' aijo' otoa i langkasnyo ka' kalakuannyo, madi' sala' tiba atulan anu i uno nu kitab i Musa. Salatan i Tomundo' Yosia madi'mo nompalentah, madi'mo daagi' kino tomundo anu sumo ia.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 17:3

Tumpu nombalakatimo i Yosafat kalana apaa na anu binaumo nu tuumanyo aijo'mo na binaunyo; ia madi' monsombah Baal,

2 TAWARIKH 6:16

Belento nojanji'mo hi tuumangku tukoonto, de lee'nyo totu-totu'u tulu-tulutan hi atulan nu Belento sumo ia, saba' sampe toka sidu-sidutu', samian na lee'nyo mae mompalentahje salaku tomundo i Israel. Uuka aiya, o Tumpu Allah Israel, ganapimo mae iwi-iwi' apaa na anu jinanji'mo nu belento hi tuumangku i Daud, posaihon nu belento aijo'.

2 TAWARIKH 7:18

saba' Aku mongganapimo apaa na anu jinanji'-Kumo hi tuuma nu beleyum i Daud, aijo'mo tionyo ahi saja' ko lee'nyo samian na anu o hangkat timbali tomundo' nu Israel.

MAZMUR 119:9

To oli-olitau timbali monjaga kantumuu'annyo da madi' ko kasala'an de ia tumuu' montuluti palentah nu Belento.

MAZMUR 37:22

Mian anu nu balakati nu Tumpu na mompusaka'i ahi' anu' aijo' panyo mian anu Nu kutuki na olaa'mo ahi'.

MAZMUR 37:9

Salana mian anu mombau palabuatan anu ma'idek saidi' mae ogalisimo, panyo mian anu montaha'imani Tumpu ia na mompusaka'i tano' aijo'.

MAZMUR 39:1

Anu mongkapalai panyanyi. Mazmur i Daud. Anu i Yedutun.

YEREMIA 33:17

Aku, Tumpu balajanji'mo da lee' mae i Daud saja'mo daagi' ko samian na timbali tomundo' nu Israel;

IMAMAT 26:3

De belemiu tumuu' ka' montuluti atulan-Ku haha aiya ka' mule' montuluti palentang-Ku haha aiya.

ZAKHARIA 14:2

Nu posihukmo nu Tumpu iwi-iwi' na bansa da montumbuhimo Yerusalem. Kota' aijo' opatundu'mo ka' iwi-iwi' na laigannyo otololangimo ka' mule' to bou-bounenyo suele opasala'imo nu aha. Mintonga' na bagian na aha mian anu jojoong kiijo' oboamo i tampat pompojoongan, panyo labinyo na jinojoong ahi' i kota' aijo'.

MATIUS 22:37

Tinaaman i Yesus, “Kalibosi na Tumpuum nu kinyonyoaum totu-totu'u, ka' iwi-iwi' na pikilannum.

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 11:13

Jadi otuluti na palentah haha aiya anu ku poto'i hi belemiu sinaa aiya: Okanonongi, na Tumpu Allah nu belemiu, ka' sombah na Ia nu kinyonyoa anu totu-totu'u.

PO'ULE' INGULIT 6:5

Kanonongi na Tumpu Allah nu belemiu, nu kinyonyoa miu anu totu-totu'u; Opotoa i uno nu kantumuu'an nu belemiu ka' i uno nu ko langka-langkas.

PO'ULE' INGULIT 7:12

“De o intomakon nu belemiu na palentah haha aijo' ka' obau ma'i-ma'ima' saba' Tumpu Allah nu belemiu suele sabole-bole momponyata' palajanjian-Nyo anu binau-Nyomo tiba belemiu. Nu potoaje na kalibosan-Nyo anu saja' Nu bau hi belemiu susumo anu jinanji'Nyomo hi mompolee' nu belemiu.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.