1 TOMU-TOMUNDO' 2:32 - KITAB NU TUMPU ALLA LELE MA'IMAI'

³² Tumpu mohukummo ia, kalana ia nompateimo madi' pinai poto'inyo hi tuumangku. I Abner suludadu nu Israel anu matangkas na pangkatnyo, ka' i Amasa suludadu nu Yehuda anu matangkas na pangkatnyo, ua-ua'aha madi' ko sala'nyo. Aha na lebe ma'ima' molingkudui i Yoab, panyo pinateannyomo na aha.

1 TOMU-TOMUNDO' 2:32 ပူးပေါင်းရင်းမြစ်များ

KAJADIAN 4:11

Beleyum kinutukanmo sahingga madi'mo moko ala mongusahakon tano'. Tano' aijo' nonsosopmo baso' nu utus ise' nu beleyum sumomo nonganga'akon nganga'nyo montalima baso' nu utus ise' nu beleyum salatan beleyum nompateimo ia.

KAJADIAN 42:22

Notatae na i Ruben, “Te misa' u'utu mae tinaloakonkumo hi komiu da anak aijo' boli opoposia, panyo belemiu madi' mongka'oho' mohongo. Ka' uuka aiya ia sinilakamo jadi obalosakonmo hi kita.”

KAJADIAN 9:6

Manusia pinotimbali mo susumo Aku; kalana aijo' ihe na mompatei manusia, ia suele opatei nu manusia.

2 SAMUEL 1:16

Koonyo i Daud hi olitau nu aha Amalek aijo', “Posi beleyum na nompokona hukuman mate aiya hi butong nu beleyum kalana nongakuimo tukooyum beleyum nompateimo tomundo' anu pinile'anmo nu Tumpu!”

2 SAMUEL 17:25

I Absalom nohangkatmo i Amasa da mongkapalai suludadu bau pombolosi i Yoab. I Amasa anak i Yitra mian nu aha Ismael: tinanyo i Abigail anak i Nahas, utus boune i Seruya tina i Yoab).

2 SAMUEL 3:29

I Yoab ahi' na ohukum tiba aha sampoto utusannyo kalana aha nombaumo han anu sumo aijo'. O'amalakon aha sampoto utusan i Yoab molundu-lundu na lee' nu aha saja' nu kona nu panyakit kilit anu okabuhuk, kabai to momo'ane nu aha madi' mahoson kabai silaka i uno nu pahampatean, kabai saja' kakulangan i anu okaan!”

2 SAMUEL 3:37

Isinaa aitu iwi-iwi' na mian da'isan anu nu palentah i Daud tiba iwi-iwi' na bansa Israel nonsumbu'mo taalu' i tomundo' madi' ahi ko kinyonyoa mompatei i Abner.

2 SAMUEL 3:39

Maumo aku aiya tomundo' anu pinile'anmo nu Tumpu Allah, panyo uuka aiya ku oa'i madi'mo ko kahosonan. To ana-anak i Zeruya haha aijo' talalo hondo buhingison. Madi'mo ku poko ala na mompalentah aha. O'amalakon da Tumpu mohukum mian anu toto ide-idek na kinyonyoanyo pokakana tiba apaa na anu lewa'mo binau nu aha!”

2 SAMUEL 4:11

Jadi lebe maboat mule' nahukumannyo anu ku nabu'akon hi mian anu nombaumo anu ma'idek kalana nompateimo mian anu madi' ko sala'nyo ka' anu hau-haunyo hoyo-hoyot i posi laigannyo! Uuka aiya ku balosakonmo hi belemiu kalana belemiu nompateimo ka' belemiu madi'mo tumuu' i dunia aiya!”

1 TOMU-TOMUNDO' 2:44

Nusumbu' totu-totu'u na ka'idekan nu beleyum iwi-iwi' hi tuumangku. Kalana aijo', Tumpu mohukummo beleyum,

1 TOMU-TOMUNDO' 2:5

Daagi' mule' ko han sa'angu'! Tantu beleyum sabole-bole monginau' apaa na anu binaumo i Yoab hi belengku, aijo'mo ia nompateimo ua'aha na suludadu nu Israel anu matangkas na pangkatnyo, aijo'mo i Abner anak i Ner ka' i Amasa anak i Yeter. Ia nompatei aha tempo'nyo dinamemo kalana kahanda' mombalosakon anu pinateanmo nu aha tempo'nyo daagi' lewa' nahampate. Ia nompateimo mian anu madi' ko sala'nyo, panyo' uuka aiya akumo na montanggung apaa na anu binaunyomo ka' akumo na nongoa'i sansala.

1 TOMU-TOMUNDO' 8:32

o Tumpu, tionyo ahi' Belento mompotombihing mae kiita' i Suluga' ka' momputusi palakala nu to posa-posaihon nu Belento aiya. O hukum na anu ko sala'nyo tiba anu binaunyomo ka' opobebas na anu madi' ko sala'nyo.

2 TAWARIKH 21:13

Panyo ola mule' ahi' belento Tomundo tumuu' susumo to tomu-tomundo nu Israel, ka' nonsaduakonmo mian da'isan nu aha Yehuda ka' Yerusalem madi'mo tinu-tulutan hi Tumpu Allah. Belento Tomundo nombaumo apa-apaa susumo i Tomundo Ahab ka' to aha-aha anu nombolosakonmo ia. Ka' mule' to utu-utus nu Belento Tomundo singkapmo pinatean iwi-iwi' nu Belento Tomundo, pada han aha na lebe ma'ima' molingkudui belento tomundo.

2 TAWARIKH 21:14

Hukuman anu maboat hondo lengkat mae hi Tumpu nongkonamo mian da'isan, to ana-anak tiba to bengke-bengkele' nu belento Tomundo, ka' mongideimo iwi-iwi' na halata' nu Belento Tomundo.

ESTER 1:19

Kalana aitu, opoita mami da belento Tomundo sampa mongala kaputusan mongkona i Wasti Bengkele' nu Belento Tomundo. Kaputusan aijo' opotimbalimo atulan nu Persia ka' Media da madi'mo timbali obali'i. Lapas aijo' bee'mo na pangkat hi Wasti salaku bengkele' nu Belento hi boune sangga'at anu lebe ma'ima' nakinyonyoanyo molingkudui ia.

MAZMUR 7:16

Ia nongkekemo bolo' da manabu' na mian sangga'at, panyo posi iamo ahi' na nanabu' i unonyo.

MAZMUR 7:17

Jadi posi kalakuannyomo ma'i-ma'idek aijo' na nohukum ia ka' ia sinakisamo nu posi kasinggiannyo.

YEHEZKIEL 17:19

Atas sanggong-Ku, Tumpu anu tumuu', Tumpu Anu Matangkas na Kuasanyo, tomundo' nu aha Yehuda Ku hukumo kalana nolanggaimo palajanjiannyo hi tomundo' Babel padahan ia binasumpa'mo hi sanggong-Ku da palajanjian aijo' totu-totu'u ahi' opojalan.

NOMBILANGMO 32:23

Panyo ingat, de belemiu madi' mombau anu jinanji'mo nu belemiu, belemiu baladosa'mo hi Tumpu ka' o hukumo, kalana dosa' nu belemiu atina'.

TO MIA-MIAN KOPIAN 9:24

Han aijo' sinida da tinobalosakonmo na ka'idekan i Abimelekh tiba aha mian nu Sikhem anu nonsale'imo ia da pinatean na aha pitumpulu' na to ana-anak i Gideon.

TO MIA-MIAN KOPIAN 9:57

Ka' suele Tumpu nohukumo aha. Han aijo' madi'mo sinala' susumo anu tinaloakonmo i Yotam anak i Gideon aijo' mongkona aha tempo'nyo ia nontotobi'akonmo aha.

1 SAMUEL 15:28

Lantas notataemo na i Samuel hi ia, “Sinaa aiya Israel anu nu palentah nu belento Tomundo' bineakmo nu Tumpu ka' nu bee'mo hi mian sangga'at anu lebe ma'ima' molingkudui belento Tomundo'.