1 TOMU-TOMUNDO' 2:26 - KITAB NU TUMPU ALLA LELE MA'IMAI'

²⁶ Lapas aijo' notataemo na i Tomundo' Salomo hi Imam Abyatar, “Lako'mo i kampung nu beleyum kiijo' i Anatot. Beleyum mohumpakmo hukuman opatei, panyo' sinaa aiya ma'isa aku mompatei beleyum, kalana beleyum daagi' tempo'nyo nosangalu tuumangku, beleyum suele nongoa'imo iwi-iwi' na kasusa'an ka' beleyum suele na lewa' nongkalesang Peti' Palajanjian nu Tumpu.”

1 TOMU-TOMUNDO' 2:26 ပူးပေါင်းရင်းမြစ်များ

2 SAMUEL 12:5

Nohongo aijo' i Daud pinusamo hondo kalana mian anu kaya aijo' nombaumo sumo aijo' sahingga ia notataemo, “Uesan hondo na mian anu kaya aijo'! I uno nu sanggo nu Tumpu anu tumuu' mian aijo' tionyo ahi' mombolosiakon anak nu domba aijo' pimpaton lipat na konjoo'nyo hi ia ka' ia tionyo ahi' ohukum mate!”

1 TOMU-TOMUNDO' 1:25

Sinaa uuka aiya ia nonsombahkonmo manjoo' hondo na domba, sapi' lakinyo ka' anak nu sapi' anu toto lompo-lompo' hondo. Iwi-iwi' na to momo'ane anak nu belento Tomundo' i laganyomo. Ka' suele to tale-talenga' nu suludadu i Tomundo' ka' i Imam Abyatar. Aha tempo' uuka hau-haunyo nombaumo bau-bauon tiba ia ka' lewa'mo binilahi, 'Higahiakon ame na i Tomundo' Adonia!'

1 TOMU-TOMUNDO' 1:7

lantas ia nambamo binasale' ka' i Yoab tiba i Imam Abyatar, tinanyo i Yoab sanggonyo i Zeruya. I Yoab ka' i Imam Abyatar sinitujumo monsangaja'i tanga'an i Adonia.

1 TOMU-TOMUNDO' 2:35

Lapas aijo' i tomundo' nohangkatmo i Benaya binau talenga' nu suludadu mombolosi i Yoab, ka' i Zadok i hangkatmo binau imam, mombolosi i Abyatar.

YESAYA 10:30

Poloboo'mo, o, belemiu anu jojoong i Galim! Potombihing, o, mian anu jojoong i Laisya! Taami mae, o, mian anu jojoong i Anatot!

YEREMIA 1:1

Kitab aiya isinyo potatae i Yeremia anak i Hilkia, sala'samian na imam anu lengkat mae i kota' Anatot i uno nu daerah Benyamin.

MATIUS 10:42

De ihe na mompo'inumi, mau mule' ola uee lop hi sala'samian to mia-mian anu madi' ko angga'nyo, kalana ia anu saja' mombatuki Aku, palesayamo ia tantu montalima tamboonyo!”

LUKAS 22:28

I uno nu kasusa'an-Ku, iwi-iwi' komiu saja' hingga-hinggat ka' Aku.

GALATIA 3:4

Te ola palasuma na iwi-iwi' anu ingoa'anmo miu aijo'? Te ola palasuma!

1 SAMUEL 2:32

Beleyum susa' ka' madi' sanang na kinyonyoa montoa iwi-iwi' na balakat anu obee' hi aha mian Israel sangga'at, panyo hi beleyum salaigan matemo iwi-iwi' ma'isa pe'elangkai ka' bengkele'.

1 SAMUEL 26:16

Beleyum madi' moko ala mombau apaa na anu pinalentahkonmo, o Abner! I uno nu sanggo nu Tumpu anu tumuu', belemiu iwi-iwi' sahanyo silakamo kalana madi' monjagai tuan nu belemiu tomundo' anu pinile'anmo nu Tumpu. Soba toa! Pa' iyamo na talombo' i tomundo'? Pa' iyamo na pongisian uee anu koko ubaknyo?”