1 TOMU-TOMUNDO' 2:24 - KITAB NU TUMPU ALLA LELE MA'IMAI'

²⁴ Tumpu nombalakatimo aku da binapangkat sumo aiya i kasuhangan nu tuumangku, i Daud. Tumpu nongganapimo janji'-Nyo ka' nombee'mo kalaja'an aiya hi belengku ka' hi lee'ku. Aku basumpa' i uno nu sanggo nu Tumpu anu tumuu' saba' i Adonia sinaamo aiya na ia silaka!”

1 TOMU-TOMUNDO' 2:24 ပူးပေါင်းရင်းမြစ်များ

2 SAMUEL 12:10

Kalana beleyum madi' nontuluti Aku, ka' mule' ingalamo nu beleyum na bengkele' i Uria, saba' batu-batu lee' nu beleyum molapi-lapis mae daagi ko anu nu patei nu mian.

2 SAMUEL 7:27

O, Tumpu Anu Daka' na kakuasa'an! Pinobaaningkumo na butongku mompotoka do'angku aiya hi belento kalana belento nompoto'imo hi belengku tukoonto makumpungku molapi-lapis na lee' nu aha saja' opotimbali nu belento Tumpu tomundo' hi bansa aiya.

1 TOMU-TOMUNDO' 1:29

Lantas notataemo na i Tomundo' hi ia, “Memang aku nojanji'mo hi beleyum, i uno nu sanggo nu Tumpu Allah nu Israel, tukoongku i Salomo anak nu beleyum momo'ane na momobolosakon aku bau tomundo', jadi uuka aiya aku balajanji' hi beleyum i uno nu sanggo nu Tumpu anu tumuu', anu nolapasakon aku i kasansala'anku iwi-iwi', sinaa uuka aiya ku baumo apaa na anu jinanji'kumo hi beleyum.”

1 TOMU-TOMUNDO' 1:46

I Salomo uuka aiya tinimbalimo tomundo'.

1 TOMU-TOMUNDO' 1:52

Tinaaman i Salomo, “De ia mombau mee anu ma'ima' ia madi' ku hukum mau pe'e ola babanggan; panyo' de ia mombau mae anu ma'idek, ia tionyo' ahi' ku patei.”

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

1 TAWARIKH 17:17

Aitu pe'e manjoo'mo na anu lebe ma'ima' binau nu Belento; belento nonjanji'mo mosia saidi' mae na katimbaliannyo na lee'ku. Ka' mule' belento mompotimbalimo salaku mian daka' na pangkatnyo.

1 TAWARIKH 17:23

Uuka aiya o Tumpu Allah, de timbali pohosonakonmo mae na pala janjian sampe toka sidu-sidutu' anu mongkona butongku ka' lee'ku anu tinaloakonmo nu Belento. De timbali baumo apaa na anu jinanji'mo nu Belento aijo'.

1 TAWARIKH 22:10

Anakmo nu beleyum aijo' momo'ane na mombau laigan bau ponsomban Aku. Ia timbalimo anak-Ku ka' Aku timbalimo tuumanyo. Kasuhanganku mompalentah Israel saja' sabole-bole hi lee'nyo sampe toka sidu-sidutu'.”

1 TAWARIKH 29:23

Sahingga salaku binau pombolosi i Daud tuumanyo, i Salomo i hangkatmo nonsuhangi kasuhangan nu tomundo' anu pinoto'imo nu Tumpu. Ia tomundo' anu saja' mingkaliangan na tanga'annyo ka' o'angga'i nu aha bansa Israel iwi-iwi'.

MAZMUR 127:1

Nyanyian i Salomo. De misa' Tumpu na mompotinjo laigan, palasuma na to tuka-tukangnyo anu mokalajamo. De misa' Tumpu na monjagai kota' palasumo na to mia-mian anu monjagai lewa' balajaga-jaga.

AMSAL 20:2

Tambuha' nu tomundo' sumomo polohu' nu singa, mian anu monsaduakon da ia motambuha' alati'nyo monsilakai posi butongnyo.

1 SAMUEL 25:28

Ampuniakon mae na kasala'anku. Nu potimbalije nu Tumpu na belento Tuanku tiba lee' nu belento timbali tomundo' hi aha Israel, kalana belento Tuanku mahampate mo da bau katalasanggoan nu Tumpu; ka' belento Tuanku madi' mombau anu ma'idek sampe toka sidu-sidutu' i uno nu kantumuu'an.