1 TOMU-TOMUNDO' 2:22 - KITAB NU TUMPU ALLA LELE MA'IMAI'

²² “Kadaka' belento pontina'on momoitamo itina' hi belengku?” pinokilawa i Salomo. “Aijo' pokakanamo momoita da aku mombee'mo kasuhanganku salaku tomundo' hi ia. Te misa' ia utusku tu'a? Ka' mule' i Imam Abyatar ka' i Yoab nonsangaja'imo ia.”

1 TOMU-TOMUNDO' 2:22 ပူးပေါင်းရင်းမြစ်များ

2 SAMUEL 12:8

Kalaja'an i Saul tiba to bengke-bengkele'nyo binee'-Kumo hi beleyum ka' mule' beleyum ihangkat-Kumo binau tomundo' nu aha Israel tiba Yehuda. De aijo' ma'isa sukup tantu daagi Ku paka bee'i beleyum sumo aijo' na konjoo'nyo.

2 SAMUEL 16:21

Tinaaman i Ahitofel, “Lako' hi ambahue' nu tuuma nu belento Tuanku haha kiijo' anu jinojoong mae nonjagai laigan nu tomundo' ka' poduhusmo hi aha. Da nusumbu' nu aha mian Israel iwi-iwi' na palabuatan nu belento Tuanku, sahingga belento Tuanku o'anggapmo sampo bali' nu tuuma nu belento Tuanku. Sahingga iwi-iwi' na aha anu monsagalui belento Tuanku lebemo baani.”

1 TOMU-TOMUNDO' 1:11

Sahingga nambamo na i Nabi Natan siningkabot i Batsyeba, tina i Salomo, lantas notataemo hi ia, “Pa' belento bengkele' nu Tomundo' ma'isa nohongo i Adonia, anak mo'ane i Hagit, nosi hangkatmo butongnyo bau tomundo', padahan i Tomundo' Daud madi' nonsumbu-sumbu' han aijo'?

1 TOMU-TOMUNDO' 2:15

Tinaaman i Adonia, “Da o sumbu' nu belento pontina'on sabenannyo aku ahi' na timbali tomundo'; aijo' tinahaimananmo nu mian Israel iwi-iwi', panyo' anu jinadi misa' sumo aijo'; utus ise'kumo na tinimbali tomundo' kalana sumo aijo' na pongka'oho nu Tumpu.

1 TAWARIKH 3:5

ka' manjoo' na anaknyo anu to momo'ane anu i hampe i kiijo'. Tiba to bengke-bengkele'nyo anu osa-osanggohi i Betsyeba anak i Amiel, i Daud kino anak 4 na mo'ane i hampe i Yerusalem: i Simea, i Sobab, i Natan tiba i Salomo.

MATIUS 20:22

“Komiu madi' monsumbu' apaa na anu opoita miu,” koo-Nyo i Yesus hi aha. “Opoko ala miu na monginum i mangko' kasansala'an anu tionyo Ku'inum?” “Opoko ala,” tinaaman nu aha.

MARKUS 10:38

“Komiu madi' monsumbu' apaa na anu pinoita miu”, koonyo i Yesus hi aha, “Opoko ala miu na monginum i galas kasansalaan anu Ku inum saidi'mae, ka' minsoop i uno nu kasansalaan anu Ku pinsoopi?”

YAKOBUS 4:3

Ka' mau mule' komiu nomoitamo, komiu madi' ahi' mohumpak, kalana anu okahanda'i miu opoita sala'; apaa na anu opoita miu atina' ola bau kasanangan nu posi butong.