1 TOMU-TOMUNDO' 2:15 - KITAB NU TUMPU ALLA LELE MA'IMAI'

¹⁵ Tinaaman i Adonia, “Da o sumbu' nu belento pontina'on sabenannyo aku ahi' na timbali tomundo'; aijo' tinahaimananmo nu mian Israel iwi-iwi', panyo' anu jinadi misa' sumo aijo'; utus ise'kumo na tinimbali tomundo' kalana sumo aijo' na pongka'oho nu Tumpu.

1 TOMU-TOMUNDO' 2:15 ပူးပေါင်းရင်းမြစ်များ

2 SAMUEL 12:24

Lantas i Daud nohase'mo kinyonyoa i Batsyeba bengkele'nyo lantas inale'mo tiba ia. I Batsyeba nohampeakonmo samian na anak mo'ane anu sinanggohanmo i Daud na ia i Salomo.

2 SAMUEL 15:13

Lapas aijo' ko anumo nomboa mae lele nompoto'i hi Daud, “Mian nu Israel haha aijo' nosangaja'mo tiba i Absalom.”

2 SAMUEL 15:6

Sumo aijo' na i Absalom mombau de ko mian nu Israel kahanda' toka mae mongkalak palakalanyo hi tomundo', jadi tiba jalan anu sumo aijo' na i Absalom mongala kinyonyoa nu aha mian Israel.

2 SAMUEL 16:18

Tinaaman i Husai, “Te toho' mule'! Aku na maninggalum ahi' hi mian anu pinile'anmo nu Tumpu, ka' anu pinile'anmo nu mian haha aiya ka' aha mian nu Israel iwi-iwi'. Mian aijo' na anu ku kubatuki.

2 SAMUEL 3:3

I Kileab. Tinanyo i Abigail balu i Naban anu lengkat mae i Karmel. I Absalom. Tinanyo i Maakha anak boune nu Tomundo' Talmai lengkat mae i Gesur.

2 SAMUEL 3:4

I Adonia. Tinanyo i Hagit. I Sefaca. Tinanyo i Abital.

2 SAMUEL 7:12

Ka' saidi' mae detokamo na ukun nu beleyum, beleyum olamunmo ipinolamunan mompolee' nu belemiu, samian na anak nu beleyum momo 'ane Ku hangkatmo bau tomundo'. Iaje na mombau laigan-Ku. Ku balakatije na kalajaannyo sampe toka sidu-sidutu' ka' samian na lee'nyo mompalentahje salaku tomundo'.

1 TOMU-TOMUNDO' 1:25

Sinaa uuka aiya ia nonsombahkonmo manjoo' hondo na domba, sapi' lakinyo ka' anak nu sapi' anu toto lompo-lompo' hondo. Iwi-iwi' na to momo'ane anak nu belento Tomundo' i laganyomo. Ka' suele to tale-talenga' nu suludadu i Tomundo' ka' i Imam Abyatar. Aha tempo' uuka hau-haunyo nombaumo bau-bauon tiba ia ka' lewa'mo binilahi, 'Higahiakon ame na i Tomundo' Adonia!'

1 TOMU-TOMUNDO' 1:38

Sahingga i Zadok, i Natan, i Benaya ka' suludadu anu monjagai tomundo' nompoitamo i Salomo da sumake'mo i bagal i tomundo' lantas sinangaluanmo nu aha namba i mata nu uee Gihon.

1 TOMU-TOMUNDO' 1:39

Lapas aijo' i Zadok nongalamo tampat pongisian lanya' nu Zaitun anu binoanyo mae lengkat kiijo' mae i kemah nu Tumpu, lantas binalakatannyomo na i Salomo ka' sinapuakonnyomo na lanya' aijo'. Tolompet mule' pino'onyi'mo ka' iwi-iwi' na anu tinoka i kiijo' nontalagalaimo, “Higahiakon mae na i Tomundo' Salomo!”

1 TOMU-TOMUNDO' 1:5

Kalana i Absalom sinilakamo, sahingga i Adonia, anak mo'ane i Daud anu ko ohua'nyo na tinimbalimo anu tumpenyo. Tinanyo i Hagit na sanggonyo. I Adonia olitau hondo. Tuumanyo madi' toho' montambuha'i ia de ia mombau kasala'an. I Adonia mongka'ima'i hondo bau Tomundo' sahingga ia nomposadiamo kareta bau pahampate ka' suludadu anu monsake'i ajahan ka' aha limampulu' na suludadu anu monjagai ia

1 TOMU-TOMUNDO' 2:14

Lantas ia po'ule' notatae, “Daagi' ko anu kahanda' ku poita hi belento pontina'on.” “Apaa?” na pinokilawa i Batsyeba.

1 TOMU-TOMUNDO' 2:16

Jadi uuka daagi' ko sa'angu' na anu ku poita ka' ku kakaase da sabole-bole obee' mae nu Belento pontinaon.”

1 TOMU-TOMUNDO' 2:22

“Kadaka' belento pontina'on momoitamo itina' hi belengku?” pinokilawa i Salomo. “Aijo' pokakanamo momoita da aku mombee'mo kasuhanganku salaku tomundo' hi ia. Te misa' ia utusku tu'a? Ka' mule' i Imam Abyatar ka' i Yoab nonsangaja'imo ia.”

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

DANIEL 2:22

Iamo na mompotuka'lahasia anu talalo o pohowini. Lamo ia na momposumbu' apa-apaa anu jinadimo i uno nu pikat. Ia nu salingkukubi nu jingka anu taha-tahahumo.