1 TOMU-TOMUNDO' 2:10 - KITAB NU TUMPU ALLA LELE MA'IMAI'

¹⁰ Lapas aijo' i Daud sinilakamo ka' i lamunmo i Kota Daud.

1 TOMU-TOMUNDO' 2:10 ပူးပေါင်းရင်းမြစ်များ

2 SAMUEL 5:7

I Daud notataemo hi to sulu-suludadunyo, “Pa' daagi ko mian anu aiya hi kita mongka'ideki mian nu Yebus susumo aku suele mongka'ideki aha? Totu-totu'u ahi' na ia mongka'ideki aha sahingga o jujuhi' ahi'na mompatei aha? De sumo uuka yo pinsoopmo montulu jalan mae nu uee ka' paha pateimo na anu to pengko-pengko' tiba anu to mapi-mapisok anu ku ku ka'ideki aijo'.” (Mokonyo aijo' tinaloakonmo nu mian, “Mian anu mapisok tiba mian anu pengko' madi' timbali minsoop hi laigan nu Tumpu.”) I Daud noko alamo nongkuasai benteng nu Sion ka' jinojoongannyomo. Ka' sinanggohannyomo “Kota' Daud”. Kota aijo' binaunyo montotonga'i benteng aijo' tinampu'unan lengkat pe'e mae i sasu kabete'an na lewa' tinambunan nu tano' tangka-tangkas sahingga nabungkutmo.

2 SAMUEL 7:12

Ka' saidi' mae detokamo na ukun nu beleyum, beleyum olamunmo ipinolamunan mompolee' nu belemiu, samian na anak nu beleyum momo 'ane Ku hangkatmo bau tomundo'. Iaje na mombau laigan-Ku. Ku balakatije na kalajaannyo sampe toka sidu-sidutu' ka' samian na lee'nyo mompalentahje salaku tomundo'.

1 TOMU-TOMUNDO' 1:21

De belento Tomundo' madi' malia-lia' monuju' ihe na mombolosakon tantu de belento Tomundo' silakamo, aku tiba anaku momo'ane obuamo nu aha susumo mian anu nombaumo gau' anu ma'idek.”

1 TOMU-TOMUNDO' 11:21

Salatan ihongomo i Hadad na lele tukoonyo nu aha, i Tomundo' Daud sinilakamo ka' i Yoab talenga' nu suludadu Israel suele sinilakamo, i Hadad notataemo hi tomundo' nu Mesir, “Pobee'mo mae na aku da minsusule'mo i lipu' kinahampeanku.”

1 TOMU-TOMUNDO' 11:43

Lapas aijo' ia sinilakamo ka' ilamunmo i Kota' Daud. Lantas i Rehobeamo anaknyo momo'ane na binau tomundo' nombolosakon ia.

1 TOMU-TOMUNDO' 14:31

Mamanga ahi' i Rehabeam sinilakamo ka' ilamunmo i tampat pinolamunan to tomu-tomundo' i kota' Daud. I Abiam anaknyo momo'ane na nombolosi ia salaku tomundo'.

1 TOMU-TOMUNDO' 15:24

Ia sinilakamo ka' i Yosafatmo, anaknyo momo'ane na binau tomundo' nombolosakon ia.

1 TOMU-TOMUNDO' 15:8

Salatan i Abiam suele sinilakamo ia i lamunmo i Kota Daud. I Asa anaknyo na nombolosakon ia binau tomundo'.

1 TOMU-TOMUNDO' 3:1

I tomundo' nosangaja'mo tiba Mesir kalana ia nongka'ima'imo langkoyang nu tomundo' Mesir. Langkoyang aijo' binoamo i Salomo i kota Daud da jojoongmo kiijo' mae sampe timbalimo na laigan nu Tomundo' ka' laigan nu Tumpu tiba benteng titikup Yerusalem opoko baumo.

1 TOMU-TOMUNDO' 8:1

Lapas aijo' i Tomundo' Salomo nompalentahmo iwi-iwi' anu mongkapalai tulunan nu bansa ka' mian nu bansa Israel da toka mae hi ia i Yerusalem da olalinmo na Peti' Palajanjian nu Tumpu nu lengkat i Sion, Kota Daud mambamo mo kiijo' i Laigan nu Tumpu.

2 TOMU-TOMUNDO' 15:38

Ia sinilakamo ka' i lamunmo i pinolamunan to tomu-tomundo' i Kota' Daud. I Ahas anaknyo na tinimbali tomundo' nombolosakon ia.

2 TOMU-TOMUNDO' 16:20

I Ahas sinilakamo ka' i lamunmo i tampat pinolamunan to tomu-tomundo' i kota' Daud. I Hizkia anaknyomo na tinimbali tomundo' nombolosakon ia.

2 TOMU-TOMUNDO' 8:24

Ia sinilakamo ka' i lamunmo i polamunan to tomu-tomundo' i kota' Daud. I Ahazia anaknyo na nombolosi ia tinimbali tomundo'.

2 TOMU-TOMUNDO' 9:28

To mia-mian anu ko pangkat mokalaja hi ia nongalamo bangke'nyo ka' pinosake'mo nu aha i kareta ka' binoa mo nu aha ninsusule' i Yerusalem, lantas i lamunmo nu aha i polamunan to tomu-tomundo' kiijo' i kota' Daud.

1 TAWARIKH 29:28

Ia kaya ka' talalo hondo o'adati ka' i langkai'mo hondo ia sinilakaje. I Salomo anaknyo momo'ane na i hangkat binau tomundo' nombolosakon ia.

2 TAWARIKH 24:16

Ia i lamun i pinolamunan to tomu-tomundo i kota' Daud salaku bau pongadati apa-apaa na anu binaunyomo hi Tumpu Allah, hi Laigan nu Tumpu, ka' hi mian Israel anu pinalesayamo hi Tumpu.

2 TAWARIKH 9:31

Lapas aijo' ia sinilakamo ka' i lamunmo i kota' Daud. Lantas i Rehabeam anaknyo momo'ane i hangkatmo binau tomundo nombolosakon ia.

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

SISIKON NU TO RASUL-RASUL 2:29

To Utu-utus, poloas mae na aku motatae sahondo-hondonyo mongkona i Daud, tuuma nu mompolee'to. Ia natemo ka' i lamunmo suele; pinolamunan ia daagi' aiya i totonga'to sampe uuka.